شاركي في النقاش

سجلي الدخول لإضافة تعليق.

التعليقات

53
  1. @hbybh

    انا مرة في زواج اخوي ..
    بدل ما قول للناس الله يحييكم ..
    اقول الله يحييني ..
    واستمريت على هالحال الى ان نبهتني وحدة من اخواتي !!!!
  2. @ansh_zaatrh

    السلام عليكم
    والله انكم ضحكتوني حييييييييييييييييييييل
    يامرحبا بك يا ونوس <<< ابدلعك زي مادلعتيني


    المهم تذكرت موقف ثاني ::
    مره كنا نتغدى طبعا العائله مجتمعه المهم
    انا خلصت قمت وقلت السلام عليكم <<< بقول الحمد لله
    واخواني بعضهم ضحك وبعضهم يناظرني بشكل غريب

    لا والمصيبه ابوي الله يطول بعمره قال لي وعليكم السلام

    عاد انا ظحكت قلت لهم اسمعوا ابوي وش يقول !!!!!
    يقول لي عليكم السلام بدل ((هني)) <<<<< هالكلمه للي يقول الحمد لله

    المهم مادريت الا واخواني كلهم يضحكون وانا احسبهم يضحكون على ابوي
    مادريت انه علي


    عاد بعد ماسكتوا علموني القصه وصرت انا وابوي كل واحد يضحك على الثاني

    وسلااااااااااااااااااااااااامتكم
    اختكم::: زعتوره
  3. @aasoool

    يوووووة انا احس اني ام الدلاخه استغفر الله

    مرة كنا مسافرين العمره وكانت عمتي جاية معنا وبنات عمي ثنتين وولد عمري صغير ف السياره كانت مره زحمه وكانت امي وعمتي قدام لانه جمس المهم ووقفنا عند محطه وونتهاوش انا واختي ووتحارشني تقولي ليه ما تروحين قدام توسعين علينا وانا اذا قعدت قدام ما اخذ راحتي وما ابي المهم غصبن علي يا عمري انا نزلوني وحطوني قدام المهم وانا واختي نتهاوش وابوي نزل يجيب اغراض وتقولي اختي احسن وتضحك وبهالاثناء عمتي مسكينه كانت اسنانها مدري شفيها ف كانت تتكلم بصوت واطي وكانت تقول الله يهديكم اعقلوا يوم اقول انطمي بس :| انا اقصد اختي وعمتي افهمتها لها يا فشلتي فشلااااااااااااااه والله احس اني حقيره ساعتها مع انه مو قصدي انا كنت اكلم اختي الله يهديها الشريره بس انا كذا دائما ما تجي معي

    لوووول مواقفكم حلوه واذا تذكرت شيئ بجي طيران
  4. @klm_bnt_hr

    هههههههههههههههه
    لا انا يوم ولدت ولدي البكر
    جاء زوجي وامه يقولون مبروك بعد ولادتي بساعات وانا باقي فيني تعب وحره
    من الولاده يوم قالو مبروك قلت بلا مبروك انقلعوا انقلعوا بصوتي كله
    من يومها وانا متفشله من امه مرررررررررررره

    ومره سكن جنبنا عريس وعروسته المهم سوا العريس عزيمه
    ونادونا
    ورحنا انا وامي واختي ويوم دخلت علينا العروسه وكانت لابسه لبس الديره حقتهم
    سلمت علينا وكلن يقول لها مبروك
    عاد جات وجلست مقابلني
    يوم سمعت الحريم يقولون لها مبروك قلت لها انا مبروك انتي ام العروسه بصوت عالي
    والله وجها صار اسود قدام الناس
    المسكينه
    توها عروس وانا اقول لها انتي ام العروسه
    واجي اصلح كلامي كله خرابيط
    مدري كيف طلع مني مع انها لابسه وكاشخه
    يمكن علشانها لابسه لبس تراثي حق ديرتهم اوحي لي بالقدم
    المهم فشله على كيف كيفك
  5. @rym_alkhaldy

    ههههههههههههههههههههههههههههههههههههه
    الدلاخه عندي حدث ولا حرج !!

    اذكر مره كنت ابي اسلم على بنات وكانوا قاعدين على الكراسي في صالة الكليه
    وماشاء الله علي مدرعمه ولا ادري وش السالفه واجيكم واسلم على كل اللي على الكرسي على بالي انهن تبع صديقاتي ههههههههههههه
    والا البنات يطالعوني هذي وش جاها من متى هالوصل؟؟؟

    اخر شي ماسمعت الا الضحك اللي واصل اخر الصاله وقتها بس عرفت ان الدلاخه وصلت حدها؟؟؟

تابعي تجارب أخرى من هذا القسم.