تكفون لاتزعلون ترا ببكي من هواشكم علي 00ابكمل 00قامو امي وبوي لصلات الفجر ولقوني مع اخواني واسألوني قلت بنتطلق امي تقول اول مره احس براحه لان مشاكلنا واجد (لاتحاولون تدخلون احد بمشاكلكم)ابوي اتصل عليه وسبه وكان لسانه ثقيل المهم رحت من بكره ولميت عفشي واغراضي وطلعت وكانت فترة حملي مره ثقيله وفي الشهر الخامس سويت لولدي عمليه بعينه ومارحت معه راحت امي لان ابوه بيكون هنا (يالله كيف ممكن نتقابل) الحمدالله خلصت العمليه بساعه ورجعت امي وقالت انه يقول علموني اذا ولدت ظروري وانا مدري وش السالفه بس انبسطت قلت مهتم فيني المهم جت ساعة ولادتي ورحت مع امي وابوي يالله على هذيك الساعه الله لايحرمني من امي وبوي وادخلت امي معي كالعاده لين ولدةتقرا علي وتدلك ظهري وارتفع الضغط علي بس الحمدالله جبت ولد وكلم ابوي على زوجي السابق وجا وشاف الولد وكتب اسمه الي انا ابيه مو الي اهله يبونه وطلعت ورحتبيتنا بيت اهلي ورحت لغرفتي مو في المجلس زي عوايدنا وقت النفاس00وبعد اسبوع وصلني خبر زواجه من بنت عمه الي يقول اختي بالرضاع (تصدقون ياخواتي اني شفتها بالمنام وانا بالشهر التاسع تعطيني كيكه وانا قلت مابغى)تزوج بنت عمه في لبنان زواج عائلي حسيت بغيره والم وقهر بس قدام الناس عادي اضحك خاصه انها مهي حلوه بس مليونيره ووحيدة ابوها وامها مطلقه من صغرها 00في النفاس ماكنت اقدر اصلي بس ادعي اااخر الليل وبين الاذان والاقامه ومانسا شكلي زي الحلم كنت اجلس لحالي وافرك صدري من القهر وادعي ان الله يبرد على قلبي وبعدالنفاس جتني ورقت الطلاق وانا اول من فتحها وقمت وصليت شكر لله(مادري ليش ذيك الفتره ماكنت اعرف الاستغفار وفوايده) ومضت الايام وطلعنا من بيت العائله انا مع امي وبوي وعيالي فرحتي هذي نستني طليقي وكملت دراستي الثنوي والجامعه وتخرجت بتقيرجيد(زين مني لاني اكره الدراسه)كان الداعم الكبير هو ابوي ومانسا امي طبعا 00بس ابو ياثر فيني 00اهم شي بهذي الفتره الي سواه ابوي مع طليقي>>>>اتصل طليقي على ابوي يبغى ياخذ عيالي لاهله يسلمون عليهم ابوي رفض وقل تتنازل عنهم وانا اخليهم يروحون معك بالاول قعد يصرخ واخذهم بالغصب بسهو جبان 00بعدين اشتغلت الوسايط ناس كثير كلمو ابوي وانا بعد قلت خلهم يروحون لهم بس ابوي رفض وخاصه ان طليقي سافر يدرس بامريكا مع زوجته وابوي خاف ياخذهم معه وظليت على سجادتي فتره وسبحان الله جاء واحنا مانتظرنا جيته وتنازل عن العيال وكان فيه شهود وختم الورقه عند عمدة الحي وكان شرطه الوحيد ان ابوه واهله مايرون وبعدهابكم يوم جا عشان ياخذهم ورحت للسوق وشريت احلى لبس وراحو وصارو بين كل فتره وفتره يروحون لهم يعني ممكن كل ست شهور مره وطبعا مايصرف عليهم وانا مارح اقولهم في يوم من الايام انه تنازل عنكم والحمدالله اولادي الحين مبسوطين وحياتهم متوازنه مع انهم في سن المراهقه 00 ابوي وامي داعمني كثير 00وابوي حطلي شقه لي انا وعيالي عشان يحسون ان لهم بيت(اكتشفت ان مو شرط الوحده تتزوج عشان تعيش سعيده )وهذي حكايتي بختصار فيها غلطات وهفوات عرفتها متأخره بس اذا جت بنتي تتزوج رح اعلمها 00تدرون وش اول غلط>>>لما قالي ابوي اول ماتزوجت متى ماحسيتي انك منتي مرتاحه تعالي لبيت ابوك وانا متعلقه في اهلي مرررررره.......انتهى
قصة زواجي وزهور عمري ثم طلاقي...اتمنى تدخلين
متابعة النقاش، صفحة 9