يا بنات ... أنا إنتهيت ..المركز الصيني آخر ما جربته

مرحبا يا بنات
شخباركم
شعلومكم
:26:عساكم بخير وصحة وعافية:26:

با أخواتي أنا كنت مشتركة من زمااان بإسمي نفسه بس صارت لي ظروف وضيعت الرقم ,, المهم رجعت لأخواتي وأبغى منكم العون والمشورة

حبايبي
كان وزني فوق الـ100 كيلو ونزلته بالجوع والحرمان إلى 98 ,, ولما إنتهيت وما قدرت أنزل أكثر رحت إلى مركز الإبر الصينية بالدمام ... وصار لي شهرين .. نزلت 7 كيلو بس !!!!!!!!!!!! تخيلو 7 كيلو

العذاب إني أمشي على الدايت صح وما أخربط .. تعبت نفسياً خسارة فلوس وتعب قلب وإحباط وحسرة على الأكل وآخر شي أروح وأرجع وهو ثابت ........... ثبت وزني كثيير كل مرة يثبت ويتعبني معاااه !!! شسوي شوروا علي ... مين مثلي مع المركز الصيني ؟؟ ووقف وزنها ثم نزل ؟؟

آخذ حبوب ؟؟؟ أسوي عملية ؟؟ إلى متى أعيش بهالعذاب والحرمان ؟؟ وصل بي المطاف إلى إني أتعشى زبادي بس وماني ملحقة ... أشوف الأكل وأبكي واللي ياكلون يا بختهم أجسام مانيكان ...وأنا كأني جايبة 3 أو 4 بزارين :(

السمنة شي كريه حرمني أحلام كثيرة .. قولوا لي آخر حل يمكن ينفعني ؟؟
مع العلم إني أمشي كل يوم ساعة

تكفوووووون بنات ساعدوني
الليل المظلم

29 تعليق 2,388 مشاهدة

شاركي في النقاش

سجلي الدخول لإضافة تعليق.

التعليقات

29
  1. @am_ans_32

    اخر حل لك خوذي نظام السعرات وخوذي سعرات قليله ولاتحرمين نفسك ولاتتعذبين وان شاء الله بتنحفين مع مشي ساعه روعه


    الله يوفقك وينحفك من دون شر
  2. @bysan_7

    الصبر حلو اختي ليل
    انا بعد في سنه نزلت بس 10 كيلو وللحين اعاني ودي انزل 10 ثانيه بس صدقيني مازلتي تمشين بتشوفين العجب بس اصبري بينح جسمج اهم شي ابعدي عن السكريات وانا مع الاخت ام انس رجيم السعرات فظيع ومافيه حرمان
  3. @lyl_42

    صاحبة الموضوع
    أهلا حبيباتي
    حبيبتي أم أنس .. مشكورة على مرورك العسل .. أنا يا أختي أمشي على نظام غذائي من المركز الصيني يعتمد على السعرات الحرارية يعني الفطور 300 الغذا 300 العشى 200 وكذا (( على سبيل المثال ))

    بيسان
    منورة يا عسل
    حبيبتي شكراً على التشجيع وزي ماقلت لكم أمشي حالياً على نظام السعرات ... وساعات أدوخ من هبوط السكر ما أقدر أمشي أو أتمرن لأن يكون راسي دايخ :( .... أنا صار لي 4 سنين أنزل من وزني منهم سنة كاملة ثابت مثل الجبل ,,, الله يعيننا .. التعب النفسي لا يوصف

    هلا هيلاهوب
    حبيبتي حللت ... وكل شي سليم هذا العذاب !!!!

تابعي تجارب أخرى من هذا القسم.