كنت ماخذه عجينة الخبيزات من ام فيصل الله يرحمها ويغفر لها ويسكنها فسيح جناته ويجعل ما جائها من هم وتعب ونصب ومرض والم تكفير لذنوبها وخطاياها يارب ..
فحبيت اضيف عليهن شي خفيف واسويها غداء او عشاء لنا ونكثر الدعوات لها واذكرها بخير عند اهل بيتي واخليهم يترحمو عليها .. وفعلا سويت الصينيه وذكرتها بخير رغم اني مالي علاقه شخصيه بها لكن يشهد الله اني حبيتها فيه والى الآن اذكر المواضيع ادعو لاختنا ام فيصل اشتد عليها المرض ادعو لها فهي مريضه ..الخ
والحين نقول ادعو لام فيصل فقد وافاها الاجل .. رحمكي الله يا ام فيصل .. وجعل قبرك روضه من رياض الجنه يارب ..
المهم هذا رابط تبع الخبيزات لام فيصل الله يرحمها ..
$$كانولوني بحشوة اللحم ماياخذ منك وقت$$..رحمك الله يا أم فيصل
http://forum.hawaaworld.com/showthread.php?t=683912
سويت انا الخبيزات ثم حشوتهن بجنة السنبله تبع البيتزا والفطائر اللي تجي حجمها كبير وانتي تبشريها المهم وصفيتهن بصينيه ثم سويت على النار بصله وبندور مع بهارات وملح وملعقة صلصة الصويا وفلفل اسود وتركتها تتسبك (ممكن تضيفون لحمه مفرومه لكن انا احسها تصير دسمه وانا ابيها خفيفه ) ثم صبيتها على الخبيزات ثم بشرت فوقهن من نفس الجبنه ودخلتها بالفن من فوق .. صدقوني سهله وسريعه ..
ادري الموضوع اكبر من قصة الطبخ لكن هذا اللي طلع بيدي وحبيت اذكرها بالخير وتاخذ اجر مساعده الناس الله ياجرها هي ماتت لكن بقت مواضيعها وخدمتها للناس الله ينولها اجرها وهي بقبرها..
دعواتكم لاختنا الغاليه الفقيده اللي استفدنا منها كثير وذكرتني بالقول ..
وما من كاتب الا سيفنى ويبقى الدهرما كتبت يداه..
اللهم اغفر لها وارحمها ووسع قبرها واجعله روضة من رياض الجنة يااكرم الأكرمين
اللهم ثبتها عند السؤال ياارحم الراحمين واجعل مااصابها تكفيرا ورفعة لها
