السلام عليكم
اخباركم يالحلوات؟؟
ياحوائيات حبيت تشاركوني معاناتي والكل يعلم ان الفرج من عندالله
القصه
انا لي اخت كبيره الله يفتح على قلبها هي ذابحها الغرور عمرها تجاوز 36 سنه ومطلقة مرتين
ولي اخت اصغر مني مخطوبه وانا مانخطبت وقربت على 30 لكن الحمدلله الله سبحانه هو الرزاق
لكن المشكله ان اختي الكبيره مغروره بالمره وماتسمع لاحد وعاقه بوالديني وتتهم امي انها هي اللي خربت حياتها مع ان امي مالها دخل وتبكي لها ليل ونهار وتدعي لها ان الله يفتح على قلبها
مشكلة اختي عوبا بقوة ومايهمها احد تخيلو يابنات انها تشكي اخواني للشرطه اذا تهاوشت معهم والشرطي يقول عقلو بنتكم والله تفشلنا في الناس لدرجة انها تضرب ابوي بالشنطه على شي تافه ومتمسكه بالفلوس وبالحياة بشكل قوي
يعني الفلوس عندها كل شي
طردت الناس من بيتنا وطردت الحريم ومعاد احد يجينا بسببها وتخيلو مره تهاوشت معنا وطردتنا حنا وامي برى البيت وجلسنا بالحوش نص الليل وكل شهر مطلعه لنا مشكله مع العلم انا ناس الحمدلله على قد حالنا وحتى سياره ماعندنا وحنا يالبنات ننام في مجلس وهي تنام في غرفه مصممتها خياليه معتقه ومرخمه ومزينه افخم تزيين
لكن كل هالتزيين مايهم اهم شي انها تصحى من غفلتها
والحين هي متملكه على رجال تاجر ومشهور عندنا وخالاتي يهاوشن يقولن ليه انتي مااخذتيه هي ماتعرف المسؤليه
مع العلم اني راعية بيت واعرف الواجب واعرف المسؤليه والحمدلله اما هي والله انها ماتعرف حتى تصلح القهوه والشاهي الا بالمساعده اقولكم مدلعه نفسها بالمره :44: هي اللي مربيه نفسها من الصغر وعوبا من هي صغيره
والله ياخواتي لو اتكلم عنها من اليوم لين بكره ماراح اخلص من افعالها فينا:44:
اللي ابيه منكن انكم تدعون لها بالهداية والذرية اللي تبعدها عنا وعن مشاكلها وترفع راسنا قدام هالرجال الطيب اللي يبي رضاها وهي قاعده تتدلع وتتطنز عليه وهو توه مااخذها:(
ادعو لها معي ان الله يكفينا شرها ويهديها الي الطريق الصحيح لانا والله العظيم تعبنا معها حتى ابوي وامي صرنا نخاف عليهم لاتجيهم جلطه من مشاكلها المفاجأه:44: الله يتمم زواجها على خير ومعاد نشوفها بالمره:(
ياخوات اللي تقرى رسالتي لاتدعي عليها او تتشمت فيها ثم ربي يبلاكم ترى هذي بلوى الله يصبرنا ويعيننا بس
اللهم اصلح قلبها وقلوبنا وثبتنا على طاعتك الى ان نلقى وجهك الكريم
اللهم امين
شاركي في النقاش
سجلي الدخول لإضافة تعليق.
التعليقات
15- الله يسعدها ويبعد شرها عنكم 00والله يرزقك الزوج الصالح الي يسعدك ياااااااااااارب0
- الله يهديها ويصلحها ويبعدها عن الغرور وشوفة النفس وترفع راسكم قدام زوجها والله عيب عليها ماهي صغيره عالحركات هذي اللي اصغر منها فاتحين بيوت ومربين اولادهم وعاقلات وبارين بامهاتهم الله يهديها بس ويفكها من شر نفسها
وانتي الله يرزقك الزوج الصالح اللي يحطك بعيوني دامك شايله بيتكم وتخافي على امك ورضيه فيها - الله يهديها ويصلحها ويبعدها عن الغرور ... آمين
- الله يهديها ويصلحها
سبحـــــــــــــان الله وبحمده ..سبحــــــــــان الله العظيم...
لاإلــــــــــــه إلا أنت سبحانك إني كنـــت من الظالمين... - الله يهديها
مواضيع مشابهة
تابعي تجارب أخرى من هذا القسم.