ملف استشارة يوميه ...4

كهرمانة

جزاك الله خيرا ياحبيبتي

كريمة الخفق ثقيلة ودسمة جدا انا لما جربتها وعملتها خفت آكلها اصلا هههههه

هاجرب المارينج ( بياض بيض وذرة ملح واحط عليه شربات تقيل سخن صح؟؟ )

بالنسبة للكريمة اللباني دي اعملها ازاي؟؟ بيتهيألي دي أخفهم

انا مجربتش المارنج قبل كدة ياشهيرة ولا الكريمة اللباني
بس اعتقد ان المارنج بياض بيض وسكر فقط البنات اكيد هيفيدوكي في النقطة دي

عملت كيكة الحليب المحمص طلعت حلوة جدا جدا انا عملتها زمان مكنتش عجباني بس اما قللت كمية الزيت لقيت طعمها حلو جدا ومش قادرة اقولكم قد ايه هشة بشكل رهيب ماشاءالله

2 بيضة
نصف ك زيت
1 كوب سكر
1 ك دقيق..م ك بيكنج بودر
نصف كوب ماء
1 ك حليب بودرة محمص وواخد لون ذهبي غامق شوية

نضرب البيض في الخلاط وعليه السكر دقيتين كمان ثم الزيت ثم الماية ثم اللبن المحمص وبعدين نصب الخليط في طبق عميق ونضيف الدقيق مع البيكنج تدريجيا طعمها حلو اوييييي مفروض نصب عليها حليب مركز بس انا عجبتني كدة من غير اي اضافات
عملتها في صينية 22 وكانت عالية وهشة جدا ماشاءالله

اميرة تسلم ايديك على بلح الشام شكلة جميل اوي اوي انا بحبة جدا وكمان جوزي بيعشقة وانتي شجعتيني اعملة بس ممكن تقوليلي انتي ساقتية وهو بارد ولا وهو ساخن وكمان الشربات كان ساخن ولا بارد
وكمان شكل البيتزا جميل اوي تسلم ايديك ياقمر

رشروش تسلم ايديك على البيض انا بعملة كدة بس من غير توم بيكون جميل اوي وتغير عن البيض العادي

http://forum.hawaaworld.com/F:\اطباق دينا\20100530(001).jpgكهرمانة ازيك ياقمر جزاكي **** خيرا على الكيك بس فين الصورة بقى زي ماعودتينا طبعا الكيك دة اكيد تحفة زي كل الكيك الي عملتية قبل كدة ربنا يباركلك يارب
بس انتي حطيتي كوباية لبن بودرة مش كدة طيب مش باينة في الطعم؟؟؟؟يعني طعم اللبن البودرة باين في الكيك ؟؟؟؟؟؟
وكمان اية نوع اللبن الي استعملتية ؟؟؟؟
يابنات النهاردة عملت على الغداء رز بالجمبري بس كان جميل اوي بس حسيت ان الجمبري كش اوي يعني حجمة صغر اوي مع الرز لية ؟؟؟هو اصلا جمبري بتاع الساندوتشات يعني الحجم الصغير مع اني كنت عاملة منة جمبري بانية وكمان جمبري بالبصل والطماطم بس حجمهم زي ماهو
انا قطعت البصل مكعبات لما لونة بقى ذهبي بشرت طماطماية ولما اتسبكو قلبت معاهم الجمبري شوية وبعدين حطيت الرز وقلبتة معاهم وبعدين حطيت الماية والملح والبهارات وشوية كاري
قولولي لو في حاجة غلط هي الي خلت الجمبري يكش كدة
وكمان عملت جمبري بالبصل قطعت بصل ترنشات رفيعة وحمرتهم مع فص توم وبعدين طماطم ترنشات وبعدين حطيت الجمبري وشوية صويا صوص كان حلو اوي احسن من الجمبري البانية

انا عملت عيش الصاج ومشيت على المقادير بس تعبنى جدا جدا جدا وكان بيلزق وحالته صعبه معرفش العيب فى الدقيق ولا كان عايز مده عجن اطول ولا ايه
ياريت يا رشا تقولي على طريقة البيتزا بتاعتك