ملف استشارة يوميه ...4

والله العظيم ما طنشت اسالي البنات انا عمري ما بطنش حد انا مشفتش السؤال معلش انا مش مركزه اليومين دول .

كهرمانه انا اول مره اسمع عن شوربة الفريك

رشا .. المحل فعلا تحفة بجد .. اكتشاف .. بس هو فعلا اسعاره غالية حبتين

ربنا يفرج كرب أخوك وييسر أمره

صباح الخير على احلى بنات
معليش يا بنات امبارح النت فصل عندى لسه بنقول يا هااااااااادى
المهم كويس يا حنون انك شوفتى الفديو فعلا انا كنت خايفه انزل رابط اليوتيوب بتاع منال احسن يكون هو كمان ممنوع يباريت كل البنات يشوفوه بجد مفيد جدا زى كل حلقات منال
بالنسبه للقوالب دى صينى ورخيصه جدا انا جبتها ب 25جنيه طبعا الاصلى اغلى بكتير ودى صورتها




ودى بالمره الوصفه انا نزلتها فى مكان تانى
مينى تشيز كيك باللبنه والكابتشينو
الطبقه الاولى
2 كوب بسكوت مطحون انا عملت نوعين من البسكوت الاول اولكر والتانى بسكوت بالكاكاو والشكولاته
ملعقه كبيره كاكاو خام
نص كوب زبده
الطبقه التانيه
200جرام لبنه بينار
2كيس كريم شانتيه
1 كوب لبن مركز محلى( انا عملته فى البيت)
1ملعقه كبيره جيلاتين بودر
1 ملعقه كبيره نسكافيه
للتزيين كاكاو خام +2شكولاته فليك
فى البدايه ندوب الجيلاتين فى قليل من الماء الساخن وكذلك النسكافيه ونتركهم
تجهز الطبقه الاولى بطحن البسكوت واضافه الزبده الذائبه وفرد طبقة البسكوت فى قوالب السيلكون الخاصه للكب كيك ثم نضعها فى التلاجه
تجهز الطبقه التانيه بضرب الكريمه ثم اضافه اللبنه واللبن المركز والجيلاتين حتى نحصل على قوام كريمى جميل نضيف نصف هذه الكريمه على طبقة البسكوت المجهزه فى القوالب ثم النصف المتبقى من الكريمه نضيف عليها النسكافيه المعد مسبقاونخلط ونضيف المزيج فوق طبقه الكريمه البيضاء السابقه مع مراعاة الهدوء فى العمل حتى لا تختلط الطبقتين ثم ندخل القوالب الفريزر حتى تجمد طبقات الكريمه لمده لا تقل عن 6 ساعات ثم تخرج بهدوء من قوالب الكب كيك وتزيين برشة كاكاو دارك وشكولاته فليك ويبقى عندكم احلى مينى تشيز كيك طعمه يجنننننن وشيك فى التقديم




طبعا كالمعتاد بنسى اكتب اسمى على الصور ياخساره اكتشفت ده فى الاخر انتو عارفين الزهايمر طبعا
المهم دلوقتى ورايا مشوار وراجعلكم تانى