الصيف قآآدم و الهمة قبل القمة..~|[ الفريق البنفسجي،]|~..(90 _ 100) ..~

:icon33:اليوم يا طويلات العمر التخبيصات زيده عن حدها يعني انا اعتبر اليوم اليوم المفتوح للاسف الشديد والنفسيه تعبت وسلامتكم
:44:

اوكي انتظرك لاني طفشانه نفسي اسولف شوي

لكن حبيت ارتب لج الأفكار عشان تتضح الصوره شوي ..

اولا اذا كان في جسمك دهون : بالنسبه لحرق الدهون في الجسم انا انصحج بشغله وهي المشي السريع لمدة ساعه مع بعض التمارين السويديه ( بدون وزن )
او انج تمشين لمدة نصف ساعه وتقسمينها بين جري ومشي ( يعني مثلا 5 دقايق مشي و5 جري وترجعين مره ثانيه 5 جري و5 مشي ) وهكذا حتى تنتهي النصف ساعه ..

وطبعا تمارين البطن مهمه وضروريه بعد المشي تساعدج كثير في خسارة الدهون في هالمنطقه

وطبعا اذا مشيتي ع الطريقه اللي قلت لج راح تخسرين كثير من الدهون في وقت قصير ان شاء الله وخصوصاً في فصل الصيف ماشاء الله عندنا الجو في الخليج ساونا بروحه مايحتاج ههههههه ..

* الشغله الثانيه بعد ماتحرقين الدهون وتوصلين للوزن اللي تبينه راح تبقى ترهلات في الجسم .. والترهلات هي تجيك بعد عمليه حرق الدهن وتكون على شكل جلد زائد ويحتاج للشد عشان يتحسن مظهر الجسم ..
السؤال الآن : كيف اتخلص من الترهلات ؟؟
طبعا الجواب وبكل سهوله تستمرين في تمارين البطن ولكن بأوزان خفيفه وبعد تتمرنين اي تمارين ثانيه مثل التمرين اللي عندج لـ للمدربه جيليان مايكل ولكن بشرط يكون مع وزن خفيف ( يعني حديد ) .. وتستمرين لفتره لحد مايشد الجسم وتروح الترهلات ويبقى الجسم 100% <- سمبتيك هههه

* طبعا فيه ملاحظه مهمه حبيت اوضحها لج : التمرين بالأوزان هذا يكون لشد الترهلات في الجسم وتقوية العضلات وعادة يكون بعد حرق الدهون .. ولكن اذا حبيتي تحرقين دهون تتمرنين بدون اوزان .

الحين نجي لموضوعنا الثاني وهو عن التغذيه طبعا ما فيه اي بروتين يشد الجسم وهذي معلومه خاطئه البروتين يعتبر مكمل غذائي ويستخدمونه لاعبين كمال الأجسام لزيادة الكتله العضليه .

وانا انصحج بالبروتين الطبيعي الموجود اللحوم البيضاء ( مثل السمك وصدور الدجاج) او اللحوم الحمراء وبياض البيض والفول واللوز والالبان والحليب والزبادي وغيرهم ..
وبالنسبه للأكل اهم شي يكون مسلوق او مشوي عشان مايكون فيه نسبة دهون كبيره وطبعا لاتخافين المشوي والمسلوق مايمتن واكلي براحتج ههه ..

ووو اتمنى اني افدتج واذا احتجتي اي شي انا حاظر ياطويلة العمر وبالتوفيق :)


كنت احوس بعمو قوقل لقيت موضوع اعجبتني بعض مشاركاته..//ملوكه