شكلك كدة يا اينا حتزلى ولادك على ماتعمليلهم الكحك والبسكوت انا حرد عليكى بس بشرط تسمى وتبتدى بقى تعملى قبل العيد وترجعى تقولى اخص علية العيد هو اللى جة بدرى ........صح ؟
اولا بالنسبة للنشادر طالما ريحتة لسة نفازة وقوية يبقى سليم استخدمية
ثانيا بالنسبة للملبن حطية زى ماهو فى العجين يعنى احشى بيه على طول وممكن كمان لو كان ملبن محشى بالجوز احشى بيه على طول
ثالثا بالنسبة للبسكوت علشان الرطوبة تضعية فى علب صفيح وتضعية عادى فى الثلاجة ... بس مش المكيفات مفتوحة عندكم على طول يا اينا ؟؟ولا برضة مش مأصرة برضة ؟؟؟؟
بالنسبة للبتيفور يا ست الكل لو حتعملى المقدار كله بالشيكولاتة يبقى تحطى الكاكاو البودرة مع الزبدة والسكر والبيض وانتى بتضربيهم فى الاول لكن لازم تبقى عارفة انتى حطيتى كاكاو اد اية ؟؟يعنى لو حطيتى معلقتين تروحى شايلة من الدقيق معلقتين دقيق ولو حطيتى 4 معالق مثلا كاكاو تروحى شايلة من الدقيق 4 معالق دقيق فهمتينى يا اينا ؟؟؟علشان ماينشفش
ولو كنتى عاوزة تعملى نص العجينة بيضاء والنص بالشيكولاتة يبقى بعد ماتخلصى ضرب الزبدة والسكر والبيض وحتبتدى تضعى الدقيق تفصليهم جزءين تضيفى لجزء منهم الدقيق عادى وتضيفى للجزء التانى الكاكاو وتخلطيهم وبعدين تضعى الدقيق بس برضة تشيلى من الدقيق كمية الكاكاو اللى حطتيها
وانا تحت امرك فى اى اى سؤال يا اينا برضة معلش للتاخير لانى لسة والله بكتبلوكم من نت الشارع
ملف don لجميع حلويات العيد المصرية
متابعة النقاش، صفحة 25