شاركي في النقاش

سجلي الدخول لإضافة تعليق.

التعليقات

86
  1. @ghlaoy22

    صاحبة الموضوع
    مشكورات يالغالياتبس ماقلتوا لي تعرفون من فين ممكن اجيب بول الابل؟
  2. @mss_so0so0

    شوفي اختي .. انا عندي اكزيما وراثية ومرررررة تعبت منها
    ولسه من اسبوعين رحت عند الدكتور واعطاني مرهم اسمو اليديل .. وحبوب حساسية عشان الحكة حق الاكزيما اسمها
    كلارا .. ولوشن مرطب بالحليب للجسم
    واهم شي تكون المنطقة رطبة يعني دايما رطبيها بكريم خالي من العطور..
    وحاولي تروحي عند دكتور شاطر لان الاكزيما لها عدة اشكال وكل شكل يختلف عن الاخر في العلاج
    بس اهم شي حاولي ترطبي المكان .. وسمعت عن زبدة الشيا يمدحوها مررة ..
    وعلاج الاكزيما بالنسبة ليا طلعت نتايجه بسرعة ماشاء الله .. مع انها كانت شديدة
    ان شاء الله اكون افدتك
  3. @ghyth_5

    السلام عليكم
    اختى العزيزه . شفاك الله
    انا عندي اختى الصغيره تعاني من نفس المشكله

    استخدمه مرهم اسموا ( كيناكومب ) هذا الي يستخدموه للصغار لما تجيهم حساسيه من الحفاظات
    اختفت الاكزيما منها تماما بس هي كانت اكزيمتها على خفيف يعني بقع صغيره بس سوده مره من كثر الحك

    دمتي بعافيه وصحه

    وطمنينا عنك
  4. @mra_roh

    زبدة الشيا من فوائدها أنها تغالج الأكزيما

    شفت قبل فترة فيديو لنساء اجنبيات عارضين تجاربهم مع زبدة الشيا لعلاج الأكزيما ماشاء الله كان ممتاز



    هذا والله أعلم


    الله يشفيك و يعافيك
  5. @alsosn_14040

    الله يشفيك ياحبي ويعافيك
    ابغى اقوللك شوية اشياء
    الان المثل يقول اسأل مجرب ولا تسأل طبيب
    طيب انا طالبة طب ومريضة اكزيما من 19 سنة
    باقوللك وش صار معاي وش اللي ساعدني بالزبط


    اولا بول الابل ...جربته اسبوع الحق يقال مانفعني لاكني احسه صفى بشرتي شوي
    موية البحر الميت انحرقت ...يعني حرق حقيقي مش المتني لا من بعدها انتقلت لمرحلة اصعب من الاكزيما
    المره احرقتني وصار عندي تجاعيد حول فمي من الحرق


    طيب زبدة الكلام اللي ح يفيدك
    مريض الاكزيما عندو خلل ف تركيب الطبقات السطحية من الجلد...هذا الشي ح يخلي الجلد يبخر الموية على طول
    ف يصير عندك تشققات ...التشققات تعرض جلدك للهوا ف يتعرض للبكتريا والفطريات وغيرو...يحكك ويسوي سواد وتنعدم ملابسك دم وتنعدم نفسيتك ثقتك بنفسك

    I've been through all that


    اذا تبغي تخففي الاكزيما لازم نشتغل ع الخطوات اللي فوق كلها تقريبا
    بداية التنظيف ...بأشياء التنظيف الطبية اللي بدون صابون وهيا غالية شوي
    او صابون دوف القالب ...او ديتول للبشرة الحساسة ذي اكثر اشياء ناسبتني

    بعدين ياعمري الشور يوميا او يوم بعد يوم...الموية تكون دافية تميل للبارده..الحارة ح تتعبك والباردة برضو ح تتعبك

    التجفيف بمنشفة مصنوعة من مواد طبيعية ...مو فرك..لا تربيت
    وتسيبي شوية موية ف جسمك
    بعيدين تخلطي بيدك كريم مرطب مع كريم اكزيما وتحطيه على جلدك وتفركي شويا بس...
    عندك للترطيب افالون الاورنج كريم ترطيب لليدين وينفع للجسم هذا يوصفوه لي مستشفى العسكري مرا حلو
    وعندك الفازلين بس احسه مايناسبني شخصيا...او اي كريم طبي
    يعني مثلا دوف نيفيا هالاشكال ابعدي عنها جدا....خوذي من الاشياء اللي عند الصيدلي..الجلسريد يناسب اغلب الناس
    بعدين كريمات الاكزيما اخر واحد متطور اليديل وهوا غالي شوي....والثاني اليكا برضو فنان بالذات للحساسية اللي في الوجه

    بعين ياعمري السكربات ...والحمام المغربي والاشكال ذي ماتناسبك
    البقع احسن شي تنتظريها او...تجيبي كريم افالون افوكين 4% ..وتدهني مرتين في اليوم...بس بليز اتأكدي انو الحساسية اختفت قبل ماتستخدميه
    لانو م ح تستفيدي شي اذا عالجتي البقع وطلعت ليكي حساسية ثانية وحاس جسمك ثاني

    الخطوه اللي لازم تعيديها ع الاقل مرتين في اليوم اللي هيا الترطيب....هذي صحتك لاتبخلي عليها بعشر دقايق في اليوم

    الان فيه حبوب تهدي الحساسية بدون ماتنوم واثارها الجانبية ع المدى البعيد ضعيفة....عندك كلارا والثاني زيزال..حبة في اليوم
    ميزة الاثنين انو ماتنعسك ولاتسوي خمول ولاشي


    بعد ماتخف الاكزيما غيري خطتك...
    الحبوب تصير يوم ورا يوم ...والترطيب يصير يوم مع كريم اكزيما ويوم مرطب لحالو...
    خليكي كذا اسبوع تقريبا
    اذا كنتي لسا مسيطرة ع الاكزيما
    خلي الحبوب مرتين في الاسبوع وكريم الاكزيما اخلطيه مع كريم الترطيب مرتين في الاسبوع
    واستمري

    في كل مره تحصل لك هجمة اكزيما ارجعي لوضع الترطيب مع كريم الاكزيما مرتين في اليوم مع حبة مضاد للهيستامين كل يوم

    فيه شي ممكن انتي ماتعترفي بيه بس هوا واقع
    النفسيه كثير تأثر...يعني انا ايام الاختبارات الدكتور بيوصف لي مثبت للحالة النفسية
    اشربي اعشاب تهديكي وكذا
    شوفي ايش من الاكل يحسسك...سمسم طحينة فول سمك بيض وغيرو وابعدي عنو تماما
    اذا انتي تشتغلي في البيت غطي اماكن الاكزيما عن الغباروالمنظفات تماما
    لبسك بصابون بدون ريحة ينغسل
    وجه سريرك قطن...انا جبت زي حق المستشفيات...اذا تبغي تتغطي ببطانية حطي تحتها شرشف قطن بينك وبينها
    خلي عندك وجهين سرير ع الاقل ...لانو لازم ينغسل ياكل يوم او يوم ايوا ويوم لا...ولازم ينكوي بالمكوا

    هذا اللي عندي ياحبي ...معليش اذا كلام كثير بس يشهد الله المعاناه صعبة ويعز علي احد غيري يشوفها
    الله يشفيك ويشفينا
    موفقه

تابعي تجارب أخرى من هذا القسم.