السلام عليكم يا بنات أتمنى يكون الجميع محافظ على النظام و ما لخبط بالأكل ..
حاسة بإرهاق و صُداع رهيب و أعتقد هالشي بسبب الرجيم ،
لأني سمعت إن أول يوم ممكن تصابين بهالأعراض و بعدها ترجعين طبيعي و يزيد نشاطج ..
أنا نظام نومي ملخبط يا بنات لذلك ما أدري شنو أسمي الوجبات فطور و لا عشاء !!
والله ضايعة مع نظام نومي >_<
المهم ..
أمس الساعة 7 صباحا ً كانت أول وجبة لي في هالنظام عبارة عن بيض مسلوق و كوب شاي بدون سكر ..
و الساعة 11 ونص صباحا ً أكلت ملعقة بينت بتر ..
و العصر كان غدا أهلي مرق دجاج طبعا ياكلونه مع عيش (أرز) ،
بس أنا أخذت لي فخذ دجاجة و باذنجان و استبدلت الأرز بالجرجير و الريحان مع رُبُع علبة سفن دايت ..
و بعدها ما أكلت شي بس شربت ماي و نمت و لما صحيت من النوم أكلت التالي :
بيض مخفوق مع الطماطم و قليته بملعقة كبيرة زيت زيتون و أكلت معاه جرجير ،
و مع رُبُع علبة سفن آب دايت ..
قاعدة أحاول أصوّر وجباتي و إن شاء الله أنزّل الصور
عشان يكون فيه حماس أكثر و تفاعل بالموضوع :) ..
بس ممكن توضحون لي بطريقة سهلة شنو الفرق بين نظام دشتي و آتكنز ؟
لأني اللي قاعدة أمشي على توصيات د.دشتي .. حسب التجمعات القديمة
اللي كانت بقيادة Soul الله يرزقها من واسع فضله و يسعدها وين ما كانت
قروب اتكنز حياكم الله معانا >> وداعا للسمنة مرحبا بالرشاقة ومن جد وجد
متابعة النقاش، صفحة 27