اهلين اخواتي كيفكم
انا من فترة كاتبه موضوعي وربي من القلق مو قادرة اكتب ثاني مشاكلي طويلة
عمري 29وعندي ولدين ياله جبتهم بالعذاب
المهم ان زوجي في زيارة له للسعودية انا كنت موجودة ولما قلتله تعال خذنا قال لا ترجعين للبيت وقال ياانا ياانت
طبعا بالاصل انا عند اهلي وحاليا انا مسافرة لدورة لانه ماشاء الله من ديرة لديرة
حياتنا قرف الحمدالله
اولادي معي وانا الي شايله كل صغيرة وكبيرة....يرسلنا المصروف احيانا بس ناااااااااادر يكلم اولادة وانا من اتخذ القرار ماسمعت صوته
توقعت انه متزوج بس تاكد انو لا ....ماادري اا الامر في خيانه الله العالم
المهم السبب في الطردة انه مايبي اسرة يبي يعيش لحاله ولا يبغى زوجة
وجودي مقلق بالنسبه له.....وارسلي رساله من يومين يقول حرام تضيعين عمرك معي انا من اللحين اقولك ماابي حريم وولدين كفايه.( لان عنده ضعف جنسي واللحين للاسف ماعندة رغبه ابدااااااااا) واتوقع راح قرا واخذ ادويه ولا نفع واصلا اتوقع مايبي يعالج عاجبه الحال.بالاضافة الا الوضع النفسي الي عندة وحبه للعزله والانطواء والشغل حياته كلها عمل وسفر لانو يشوف نفسه هناك
.توه يكتشف الاخ بعد تسع سنين انه ظلمني معه ,,,,,غير عاد اهله القرف الي شفته منهم,,,,,,اااه ياصبري عليه راح
ابي منكم يااخوات تدعونلي ان ربي يقويني واتخذ القرار انا الصراحة محتاحة زوج فقط معنويا ومو اكيد لو تطلقت راح القى هذا الزوج المثالي لي ولاولادي
ماعمري سمعت اوحسين بانوثتي من تزوجته وربي يابنات مااكذب اذا شافني لابسة كشر وووووووو
ادعووووووولي من قلب ارجوكم بيني وبين الاكتئاب شعرة وربي مااشوف الا اولادي
انا راحمه ابوي مسكين اختي زوجها مهددها بالطلاق لو ماحملت هذا الشهر وانا زوجي طاردني
والباقيين متعقدين من الزواج
الحمدالله على كل شي
شاركي في النقاش
سجلي الدخول لإضافة تعليق.
التعليقات
57- أسأل أن يفـــرج همك ويشرح صدرك وأن يفرج هم أختك ويرزقها الذرية الصالحـــة المعافـــاة
انتي استخيري وفكري مليـــــــــــا قبل اتخاذ أي قرار
الله يكتب لك اللي فيـــه خير لك ولأولادك
^
^
حفيدة سليمان - والله ياقلبي انا اشوف انه مجرد اسم زوج في حياتك لامسؤليه ولاحقوق ولا حتى عياله مو متحمل مسؤليتهم.. انا اقول استخيري واطلبي الطلاق .. لكن ارغميه على نفقة العيال..والله يعوضك خير يارب..
- الله يفرج همك وهم جميع المسلمين
- حاولي تصلحين حاله اذا هو كويس وبعدين انا ما الومه لان الشي الي فيه يكسر الرجال ويعزله وهو لازم يروح دكتور نفسي يتعالج ويحاول يتاقلم وانتي اذا باقيه عليه كلميه وقولي له واشرحي وضعك وان انتي مو هامك الي فيه انك تبغينه هو لنفسه مو علشان الحياة الجنسيه
وخلي الطلاق اخر شي
وبالنسبه لزوج اختك انا ما ابي اتدخل بس بقول لك كلمه الاسلوب الي يهددها زوجها علشان ما حملت هذا مو كويس هذا دليل علي انه ممكن يبيعها علي اتفه الاسباب بعدين وامي قالت لي كلمه الي مايعزها بدنها ما يعزها ولدها اتمني تفهميني
هذا الرجال ينخاف منه - حبيبتي انا اقولك لا والف لا
لاتطلبين الطلاق اصبري علشان عيالك والله لو تتطلقين ان تندمين اشد الندم وياما حريم ندموا وهم كانو مع ناس الحياه معهم مستحيله وإذا على البرود الجنسي عادي ترى مو هو الوحيد الي بارد جنسياً بصراحه اعتبره صغر عقل اذا طلبتي الطلاق لهذا السبب وانتي عندك ولدين يعني اش ذنب هالولدين يتيتمون الحين ردي على رسالته وقولي له اذا انت ما تبغى حريم فأنا ابغاك ابغاك لشخصك لذاتك لأولادك مو علشان هذا الشيء والولدين كفايه حتى انا راضيه بالي كتبه الله لنا واذا على اهله ابشرك كل العوائل الا من رحم ربي تشتكي من الاهل يعني عادي ياحبيبتي فيه حريم عايشين مع وحوش مو مع اوادم ومع هذا صابرين علشان عيالهم
طيب اذا تطلقتي هل انتي متأكده انك بتاخذين الي يعطيك الحنان ووووو لاياعمري اذا تطلقتي بتضيعين اولادك هذا اولاً ثانيا مستحيل تتزوجين واحد شاب لان البيوت مليانه عواااااااااااااااااااااانس فما بالك بمطلقه وعندها اولاد
اقولك اصبري اصبري اصبري لاتتصرفين تصرف احمق تظلمين فيه نفسك واولادك وبقية حياتك
وإذا بغيتي اي استشاره ابد ارسلي لي ع الخاص واعتبريني اخت ما ابغى الا مصلحتك ومصلحة اولادك
والله يوفقك ويألف بين قلوبكم
مواضيع مشابهة
تابعي تجارب أخرى من هذا القسم.