قصتي موجعة يابنات شوفوا لي حل !!

للرفع

الله يريحك بالك ويرزقك الزوج اللي ينسيك اياه

الله يهديكي حرام عليكي كل هذا تسوينه انتي ماشاء الله متعلمه وموضفه ليش ترخصين نفسك كذا اذا انتي نفسك هنتيها هو كيف بيقدرها يعني مطلق وعنده ولد واهله مابغوكي وكمان لسا تفكري فيه لسا ماغيرت رقمك

اساسا ايش ضمنك انه مايتكلم عند احد ويقول بنت فلان عرضت نفسها علي او اذا اتزوجتيه مايقولك انتي حفيتي على ماحصلتيني وليش 12 شيخ تستفتي حتى واحد كثير عليه

فوقي وانتبهي خلاااااااااااااااااااااااااص غيري رقمك وحتى لو جا يخطبك ابدا لاتوافقي

واتقبلي مروري ولو كان قاسي قااااااهرني

أشكركم أخواتي على كل النصايح اللي قدمتوها ليا ،، ويعلم الله إن ردودكم لها دور كبير في تحسن

حالتي النفسية ،، رغم إن بعض الأخوات كانت ردودهم جارحة لي ،، إلا إن لها وقعها الخاص في نفسي

عشان أفوق من اللي أنا فيه ،، لأني بجد كنت تعبانة بقوة ،، واللي خلاني أنزل الموضوع ،، إن اليوم صار لي

موقف ما أنساه طول حياتي ،، وقفت قدامي طالبة من طالباتي وقالت لي أيش فيك يا أستاذة فلانة إنتي

مو إنتي ،، لأن اللي صار لي مو شوية أنعكس على صحتي وشكلي ،، وزني نزل من القهر الحين 14 كيلو من رمضان

إلى الحين ،، علاوة على لوني بشرتي سمرت بشكل رهيب ،، أثر في نفسي سؤال طالبتي جلست أطالعها وأقول

ليتني بمكانك وليتني ماوصلت للي أنا فيه الحين أستغفر الله العظيم ..

أشكركم جميعاً وما أنسى وقفتكم جنبي ،، يعلم الله إني كل ما أشوف رد لوحدة فيكم أقسم بآيات الله وعزته وجلاله

ينشرح صدري وأحس إن الدنيا باقية بخير ،، وأحس بإنكم كلكم أخواتي ومهتمين بموضوعي وكلكم توجهوني وكلكم تبغون

مصلحتي الله يجزاكم الجنة ويسعدكم دنيا وآخرة واللي متزوجة فيكم يسعدها مع زوجها ويرزقها الذرية الصالحة ..

واللي مو متزوجة الله يرزقها الزوج الصالح ،، وصدقوني أوعدكم وعد وبيني وبينكم الحين الله سبحانه وتعالى إني أغير رقمي

وأغير مجرى حياتي من إلى ،، وقريباً بأبشركم في موضوع مستقل عن شي خاص بإذن الله ما أبغى أحرق المفاجأة ..

خلوها لظروفها ،، وأوعدكم ما تتكرر هاذي الغلطة في حياتي ما حييت ،، لأن اللي مريت فيه مو سهل والله ماهو سهل ..

أنكسر قلبي كسر لا يمكن ينجبر ولايمكن أنسى اللي صار ،، كل شي نقدر ننساه في هاذي الدنيا إلا الخداع والغدر والخيانة

تفضل محفورة في القلب ،، أدعي الله وأرجيه يغفر لي وله ويسامحني ويسامحه دنيا وآخرة وأنا قد سامحته ..

لأني ما أبغى أطلع من هاذي الدنيا وفي قلبي لأحد شي مو كويس ،، ولا أبغى يكون بقلب أحد ليا شي مو كويس ..

أشكركم مرة ثانية على وقفتكم جنبي ونصحكم ليا ،، بجد فقت وصحيت من غفلتي والفضل لله سبحانه وتعالى ثم لكم يا أخواتي

أدعي لكم كلكم من كل قلبي بالسعادة في الدنيا والآخرة ..