قصتي ليست روايه بل واقع عشته تجرعت الالم اليك قصتي .....فكتبي لي ما هو عنوانها

قد يحتوي هذا الموضوع على محتوى غير مناسب. عرض الموضوع
السلام عليكم اخواتي ....
لقد تجولت كثيرا في عالمي عالم حواء دون ان اشارك فوجدت الحنان والرفقه المعينه على المصائب رغم ان هذه اول مشاركه لي
رغم قصتي ليس لها حل لكن اريد الفضفضه والسند والدعاء
لو كانت قصتي روايه فما هو عنوانها برايك
قبل لاابد جعل اللي شفته ماتشوفه مسلمه قط
بدايتي حياتي انا فتاة محافظه ولله الحمد ساتره في عبايتي ولبسي وافخر بذلك اشغلتني الدراسه عن محيط حياتي الاسري
انسانه طموحه جاده بحياتي لا احمل حقد على احد ولا احب اذي احد اعطيتي المدرسه وصديقاتي والمصلى مساااااحه كبيره بحياتي كتومه بالبيت هكذا تربيتي عشت مرحله الابتدائي فقط تحت ظل ابي ثم تيتمت كنت المدللة عندي ابي امي لاتجراء على مد يدها امامه كان ابي يحب البنات كثيراا وامي تومت بالاولاد ماكنت تشجعني ابد اني اتكلم معها كانت جافه معي زحتى ان تالمت ماافكر اجي واقولها اتالم بصمت وابحث لنفسي الحلول اعتمد على نفسي كثير امي ماذكر ابد انها احتضنتني او دلعتني كان كل مشاعرها متجه للاولاد دلع واحترام وتقدير وفلوس رغم امي ماعندنها بنات كثير الاولاد اكثر من ضعف البنات وغير كذا مابقى الا انا عندها كانوا الاولاد يضربوني ضرب وثم تجي تشوفني ابكي ماتسالني تسالهم هم ويكذبوا عليها وتجي تكمل ضرب ولا رحمه منها حتى مره تورمت يدي عادي المهم الاولاد هذا كله مو مهم لان تجي الدراسه والهى وانسى
مرت السنوات وانخطب ويجوا يقولو لي بس اني انخطبت وماياخذوا راي اجلس استخير وماحس انهم رافضين وان كنت وقتها بالثانوي
ومن كنت صغيره كان قريبي يحبني ويبني له حتى انه من يوم انه صغير يجي لاابوي ويقول ابيها
وكان يسوي حركات وبس يبي يصادفني واذا دقيت ابي اخواته هو يرد على التلفون وكلمه بشكل رسمي جدا جدا حتى اذا طلعنا للبر نطلع نمشي وحول بعضنا يجي قدامي بالسياره وانا اتغطى عنه وحريصه مااطلع الابعباتي واذا ابي اروح للحمام اخذ وحده من خواته توقف عند باب الحمام لين اطلع كنت ماعطبه وجه ابد لاني انا مو على ذمته وحرام واخلاقي ماتسمح وموشرط اكون له لابادرت تجاه كنت علامة استفهام بالنسبه له كنت مااعطيه وجه ولا اسبه
هو تقدم لي وانت كنت وقتها مااتعدى العشرين كان ميت يبي الرد بنفس اليوم وعلى طول الملكه انا رفضت لانه قلت باستخير وهذا من حقي قلت ابي بس اسبوع وانا والله عمري ماتخيلت اني له الاوقت الخطبه رغم انه من زماااااان الناس تدري اني له وانا طبعي مااسمح لنفسي اعيش احلام وانا مو رافضه الشخص ابد وكنت للموافقه اقرب
وبعدها تدرون وش صار
قبل لا ينتهي الاسبوع ارسل لي من محارمه وثقه ياخوات تخاف الله ووجها الواااااااااااان ومنحرجه قالت يقول انك اني مثل اخته ويعزك لكن يبي الرفض يجي منك
انا قلتها بكل اعتزاز وقوة ابشري وقالت مايبي احد يدري من اهلك قلت ابشري
وفعلا هذا اللي حصل رفضت وحفظت سره وحفظت علاقتي مع اخواته واحترامي لهن ويوم شاف موقفي رجع وقال ابيها وانا وقتها سكتت قلت يمكن خيره وباين علي القبول بس ماقلت بصريح المهم وتجي امه وتقول انتي له وهو بس يكون نفسه ....وسكتت
كنت اعاملها رغم كذ بكل احترام وتقدير ولاتغيرت علاقتي باهله وكنت وقتهها باول حياتي قويه صامده والحمدلله مااقول ماثرت فيني اثرت وانجرحت بس رجعت للدراسه وخاصه قسمي صعب والتهيت
تخرجت وكلي امل بالوضيفه والاستقرار مثل كل بنت وكبرت اختي من ابوي وكانت تتشتغل من وراي وانا مشغوله بالدراسه كانت تقول لهم اني قلت وقلت وتخترع كلام وقصص وصادقت خواته وجلسات وسوالف وهرج بنفس البيت
ولااحد يقول تعالي يجلسن بغرفتهن ويسكرن الباب ومره كانن بالملحق بالحوش وكننت اقول بنفسي ليه جالسه لوحدك اطلعي اجلس معهمن خلي الافكار الشينه ورحت وجلست ومن جلست قامت اختي ولحقتها زوجة اخوي اللي هي اخته وتركني وقمت وانا حاااااااااااز بنفس ويوم جيت ادخل غرفتي للتنفس ابكي لقيتهن بالمطبخ جالسات ومغفلات دخلت غرفتي جلست ابكي بعد ماتخرجت عرفت الناس وحقدهم عرفت معنى الوحده عرفت الهم عرفت الشيب السواد تحت العيون عرفت الامراض عرفت الكابه عرفت ان اختي تحسدني على شهادتي المهم طوووووووووووووووووووول الفتره ماتقدم لي احد لان الناس فاهمه اني محجوزه حول 5واكثر عمري راح ومااحد محترق غيري انا ماحسيت الا بعد ماتخرجت وبعدها جتني قريبتي وصديقتي وقالت تراااااااااااااااااااك مخدوعه تراه يبي اختك وناوي يخطبها وهوزوجته اخوك هي اللي مشت الوضع طبعا اللي كانت معها بالملحق وجيت لامي قلت يامه ولمتى خلاص قولي يزوج ولدهم عشان تشوف عمري اول مره اتجراء قالت امي وش تبين اقول لهم والله اقول زوجوا ولدكم عشان بنتي تتزوج ولا قالت ابد طبعا انا ماثلت لاهلي انه قال خلي يجي الرفض منها افضل بس دروا من غيري مو كلهم وطوا الفتره عندي اخوي شكاكاك جنني حتى ضرب يضربني يفتش جوالي واخليه يفتشه يبي يمسك علي شي مامسك والله مره ضربني ووانا علي الدوره سدحني وضرب برجوله على بطني تدرو ليش لان كنت اهاوش اخوي الضغير غلط علي وهو عند المخل مادري عنه والله ماشفته وكان يكلم وطلع صوتي عند خويه وجاء ضربني تحسبوا امي دافعت وقفته عند حده امي عندها قناعه اعبدي اخوك وبعد ماخلص رفص وانا ابكي واصارخ مثل المجنونه منهاره وعلي الدوره وتعبانه جسديا ونفسيا جت واضربتني كف قالت اسكتي الحين صوتك طلع للجيران وهو ماقالت له شي متى ماجاء قدمت له كل اللي عندها طبعا ابوي متوفي والا وقفه عند حده هنا كرهت امي تحسبون جت رضتني لا وماهميتها اهم شي الولادها حولها طاق يطقني المهم حاولت اطلع اتزظف توظفت باهلي وراحت قليل شهر والمشرفه شر وغير كذا مالقيت احذ يودي ويجيب كلهم شالو ايدهم وجلست وهذا موقف من المواقف ومره دخلت لقيته يفتش غرفتي ودلابي وشاف ورقه مكتوب عليها خاطره وكاتبه اسم ريئسة المصلى زحب في الله وبالنهايه اسمي وكاتبه اختي بالبدايه وبالنهايه اسمي واختك بالله ومافيها كلام يخدش الحياء كانت هي بنتقل وقلت ابهدي لها درع وكتبت الكلام على اساس اذا طلع اخوي الثاني هو وزوجته للسوق يسويه لي وعيى لان بنظره سخافه وصرف فلوسر وماله داعي رغم الفلوس مني وبنته الحين بالابتدائي وتسوي للمعلماته دروع المهم شلت الورقه على امل القى احد او هويوافق وجاء هو يفتش ورقى الورقة يجي يضربني ضرب قدام اهل البيت كلهم واتهمني بعرضي بشكل صريح كانت اختي الكبيره موجوده ودافعت عني وامي يوم شافتها دافعت بس موذاك الدفاع ومواقف كثير تدمي القلب اروح للجامعه احيانا وانا الصبح مضروبه ليش لان انتظر الباص بالحوش قريب من الباب وانا والله لابسه قفازات وشربات وعباتي علي ومتغطيه بس انتظره لانه حكومي ماينظر على طووووول يروح وابلش من يودني والخاص ماقدر اسدد مكافئتي يالله ملابس وكتب وتصويروجوال حتى الاقلام انا اشتريها والدفاتر لان امي ترفض تعطني شي وتقول مكافئتك الف طيب قسمي كتبه غاليه وغير كذا ماجي للبيت للعصر واحتاج فسحه وتعي تعطني حتى بكى بكيت ولا اطلبها مباشره ارسل لها احد وتجي تصارخ وتهاوش واللي يقهر انها تعطي اخوي كل اسبوع مصروف ميتين ومن غير مكافئته وكل واحد يدخل الجامعه تطلع الفلوس فجاء وتشتري لهم سياره وانا اطلبها كل شهر ميتين والعطل مابي وتعي وتدعي علي وتحرش اخواني علي وشهر تعطني بهواش وشهرين مااشوف شي حتى ملابس العيد على حسابي واذا ماعندي انطم واعيد باي شي الزوجات علي والكوافير وانا قمت احوس ادخل بسالفه واطلع من سالفه بس تحملوني تعبانه المهم انا وقتها عندي صبر اصبر اقدر وبعد المعاناه احلم بالفارس اللي يجي ياخذني من همي ولاحسوا ولا قدروا ان الوحده تتالم اذا انخطبت بعدين ارفضت انها تتالم مابي منهم شي بس هم رفضني وش اسوي ليه يشكون
نكمل اختي يوم تخرجت انقهرررررررررررررررررررت واو اسولف بقسمي تروح وتدعي علي تقول تعايرني هي مو شاطره وانا ماني يمها طيب تسهر مثل ماسهرت تتترك الطلعات مثلي تحرم نفسها من كل شي مثلي انا ضحيت واخذت شهادتي وتشهادتي ماهي ضررلاحد اختي هدي ياما تسوي لي مواقف واسكت لانها مكاره وماخذه امي معها متى ماكلمت احد تجي وتتسمع مو واثقه من نفسها تكره تشوف علي الخير واي احد يسولف معي تكذب عليه وتقولني كلام ماقلته ويبعدون عني الناس مره كنت جالسه مع بنت خالي لحالنا بس والله بصاله البيت ومفتوحه الابواب شافتها وجت اخذتها قالت تعالي ابيك بموضوع وعيت البنت قالت قولي هنا وضلت معها تحاول لين مسكتها من يديها وجرتها ومن الكلام الزين وراحت ودخلت غرفتها وسكرت الباب وانا لحالي جلست قمت ورحت ابكي ولا رجعت لهن تسال بنت خالي عني وترسل ولاطلعت والله مدري من وين القاها مواقف كثيره صارت ومره كنت بالباص جت وحده اختها بنفس مدرست اختي وتصارخ علي وتقول انتي ماتخافين الله وبنات الباص يسمعون خافي اختك حرام عليك انا واختي طوووووووول العصر نسولف سكت ومادري وش اقول وظلت تقول خاصه البنت اعزها وادري على نياتها بس اختي تكذب عليهن وبالخير قلت والله مااشوفها انا ماجي للعصر انام شوي واقوم اذاكر وانام وطلع من الساعه خمسه وماسكتت البنت لين قالت لها وحده انت وش دخلك خوات بينهن هينا دورين موقف مااانسساااه
اهم شي تشوه صورتي وتقهرني زبس تتجسس علي وبس خايفه اني اسولف عنها والله ماكنت اسولف ومره كنت اكلم بنت اخوي ونسولف عن مدرستها والبنات وماني يمها واخر اهتمامي هي انا صوتي خلقه عالي واكلم قدام المطبخ وجلست بالمطبخ كنها تشتغل ورايحه جايه انا ماشكيت بها على نياتي المهم سكرت من هنا دقت على بنت اخوي وش تسولفن بي الله لايبلانا
وغير كذا تروح لحريم اخواني تسب وتتكلم فيني خلتني فاجره ومااخاف الله وكانت علاقتي بهت حلوه بس منهن مايعطني وجه
وبعد الخمس السنين اللي انا والناس فاهمين اني محجوزه جاء وخطب اختي هذي ووافقت وتسال من وراي ليش مااخذها وتروح تالف قصه هي واختها شبيتها بس عشان تعرف السالفه يقولون لها من قاللك تقول حرمه وامنتي مااقول
وشكلها عرقت هي اهم شي تقهرني لا تقولي ليش اهللك وافقوا مااااااااااااااااادري
وطبعا صديقتها اللي زوجة اخوي طلعتها له وشافها وقال ابيها وخطبها والا هي مو على باله
ومجرد ماخطبها تسوي معي حركات وتعيرني انه حظي طايح وتدخلل فجاء وانا عند التلفزون وتفتح شعرها وتميل شعرها وتضحك بصوت عالي اقسم بالله ولا حركات مسلسل تجهز قدامي تاخذهن للغرفه عشان توريهن جهزها واجلس بالمجلس لوحدي حتى ذهبها عيت توريه قصب عنها طلعه اخوي ورنا كلنا انا عيت اطلع اشوفه وقلت لامي ماابي اشوفه ولاح الا اجي وقصب جيت وكل هذا والى الان عندي صبر
ويم جوا بعد الملكه ماطلعت لاهي ولا اختها يقهون رحت انا قهويت ام خطيب السابق تقولوا من جبت الصبر من الله وقايم الليل والقران والاستغفار وكل هذا مو بعينها
وبعرسها كانت لي ليله صعبه لان كل الناس بتظر لي تشوف ردت فعلي واخاف ماضبط نفسي قمت الليل دعيت الله وكنت ادعي وانا اشهق من البكاء واستغفرت الليل مع النهار وقبل اروح للقصر قريت قران طبعا جلست ابكي قبلها لين صفى قلبي لان امي عيت تعطني حق الكوافيرة وقلت خلاص اذا ماتعطيني ماحظر العرس والعيب عليك وبكيت وعطتني وغير كذا فستاني كل ماوديه لخياط يعي يستره يقول مانقدر وانا ماابي البس عاري ووشاحه طويل وساتر بس يغطي على الموديل المهم بكيت من قهري على فستاني وجبت عدتي وقصيت وخيطت الظهر وسويت حبنيز والله موذاك الزود وويديته للخياط وخيط عليه وقلت مو مشكله شعري طويل ويغطي من وراء وقدام وفعلا ضبط مو ملاحظ بس صارت خيره اني بكيت عشان الفستان والكوافيره ورحت والله حتى والكوافير تمكيجني استغفر والحمدلله طلعت قمر ومرررررررررره حلو الفستان علي والتسريحه وهذا ريحني شوي ورقصت وزفيتها وكانت صديقتي وقريبني بنفس الوقت بجنبي تقول كنت خااااااااايفه يوم يزفونها يغمى عليك حتى ماكنت اطالع لك من اخوف الكل يطالع متعجبين من ردت فعلي والناس تاناخر ووالو ماجلست على الكوشه انا اووووووووووووووووووووول من رقص وارقص واضحك انا صرررررررررراااااحه متعجبه من نفسي كيف كنت متمااااسكه كذا وامه تنظرني بحسسسسسره مافرحت بالعرس وطول ماهي بالاستقبال تنظر لي بحسر وكل ماناظرت لها اشوفها تناظر لي انا والله دعيت اني اكون حسره بقلوبهم ياخذون اي وحده الا اختي ولا يدرون انها تكرهني واكيييييييييييييييييييييييييييييييييد تتسالوا طلعت حلوه لا والله بشهادة الكل ماطلعت حلوه هي موحلو اصلا بس تسوي خلطه من هي بالمتوسط وصارت بيضاء من الخلطه
تبون تقولوا ليش مااستخدم مثلها الخلطه مضره وفيها زبئق وكرتوزون وانا والله اهم شي عندي الدراسه مااعرف الترزز

ووجت زوارتها ماتشوف الارض من الغرور وراااااااافعه راسها فوق تخيلوا التخلف انا استقبلتها وسلمت وقهويت التكمله تصلكم ان شاء الله انتظرو
ماعليش ماراجعت الكتابه والاملاء اكتب ومااطالع الشاش مستجده :27: اصبرو

88 تعليق 22,057 مشاهدة

شاركي في النقاش

سجلي الدخول لإضافة تعليق.

التعليقات

83
  1. @am_talh_o_zyad

    صاحبة الموضوع
    المهم اكمل جت ماتشوف الارض وماسلمت على صديقتي وقريبتي بنفس الوقت مشت وخلتها انا اشتغل واضيع الوقت ادخل الغرفه شوي
    واطلع تعرفوا صعببببببببببببببببببببببببببب الموقف وانا مااتتدخل بحركاتها مع صديقتي اسكت يوم راحت لبيتها دقت على طوووووول على صديقتي وتكلمها باسلوب رررررررراقي وتقول انت وش غيرك علي اكيد احد يغيرك علي احنا خوات وانت ماتدري وش كثر غلاتك لا تسمعي كلام الناس تقصدني انا وهي تبي تسمع زوجها اني اسوي لها حركات من قهري وهي الحمل الوديع صابره ومره كنا مجتمعين وتقول يوه انا ماستشور شعري كل شوي اتروش انا من رحمت ربي ماسمعتها هن اسمعن انا اجلس مع الناس وافكررررررررررررررر كيف اهلي ماحترموني طيب لا يحترمني يحترموا السنين اللي ضاعت علي المهم من حركاتها صرت المكان اللي هي به ماجيه ولا اسال عن اخبارها ابد وعشت لوحدي عرفت الطفش والوحده القاااااااااااااااااااااتله بس وش اسوي اجلس اقهر نفس ومن تجي ادخل غرفتي اقفل ولا اطلع الا اذاراحت او اقابل التلفاز عشت اربع سنين لوحدي كنت اروح لقريباتي لكن كلهن تزوجن اللي كبري واللي اصغر مني ضعت مادري وين اروح هناء بداء ينفذ الصبر وبديت انهااااااااااااااااااااااااار تعبت كان عندي امل اني اتزوج قريب بس ماتيسر واختي اللي اصغر منها انخطبت بعدها بسننه وتزوجت وكلهن اصغر مني وسوت نفس حركات اختها بس اخف
    وانا تعبببببببببببببببببببببببببببانه صرت اكلم صديقاتي كثير محتاجتهن واجمع مصروفي اسدد منه احرم نفس عشان اسدده كان مو مهم الفوس اهم شي افضفض اتكلم مع احد هنا اهلي مااحد وقف معي ويزعجهم جلوسي لوحدي وانا والله من التعب مااقدر اجلس انكتم وادخل ابكي وهم مافكروا يطلعوني مافكروا يطلعوني عمره يطلعون اتمشى اتنفس شوي وحررررررررررررررررام اطلع لصديقاتي وقسم بالله مرت بي ايام كايعلمها الا الله يالله اتنفس من الهم وماقدرت اسامحهم بذات ان عمري راح واكثر شي يقتني الامومه والاطفال وكل هذا ماحسوا ولا اتفهموا سبب عزلتي وتعبي ماشوف الا الضرب والاهانه مااحس الا واحد من اخواني وفوق كذا اخوي الصغير من ابوي واخوهن من امهن وابوهن يجي يقول بصوت عالي وش معنى عانس ويجي يقول ليش انت ماتزوجتي هو بالمتوسط ومره طلعت على قناة شدا انشوده عن العنوسه قام يضحك بكل خبث اتوقع يسمعهن وتعبت من كثر مايجي ييسالني ليش ماتتزوجت كنت اقوله انا ماابي او على يدك ولا ابين له شي والحدلله نعمه من الله اي وحده بدالي وش تسوي انا بشر انا انسانه انا قاروره خدشت انجرحت اتلمت المهم خلصت من اخوي الاول طلع لي واحد ثاني تااااااااااااااااااااااااااااااابعواااااااااااا
  2. يالبى قلبتس بس ااااااااااااااهـ اسئليني عن كره الام ياشينه شيناااااااااااااااااااااااااااااااااااااه

    بس الحين مافهمت اختك ذي من ابوك طيب وشلون امك تصير معها ضدك

    ومالك خوات من امك؟

    قلبي معك وان شاءالله تاخذين وااحد يعزك ويحطك فووق راسه وماتدرين وين الخيره

    بس بجد حاااسه فيك خصوصا معاملت امك بس وش نسوي امك ثم امك ثم امك الله يهديهم بس

تابعي تجارب أخرى من هذا القسم.