شاركي في النقاش

سجلي الدخول لإضافة تعليق.

التعليقات

2,587
  1. @amml_n

    tadoh
    المكرونه باللحمه المفرومه ..هانحتاج الآتي : طماطم مفرومه ناعم ثوم طازج جبنة موزاريلا مبشورة جبنه رومي لحمه مفرومه زيت زيتون زبده مكرونه اقلام زي اللي في الصوره وطبعا ملح وفلفل الكميات انتي اللي هاتحديدها علي اد ما تحبي اول حاج…
    ربنا يشفي اولادكم جميعا يارب ويحفظهم

    مها تسلم اديك على كل مجايبك سواء مالح او حلويات

    سموحه حلو الزبادي جميل جدا ما شاء الله والتباديل افكار حلوه

    لوليتا الكيكه بسيطه وحلوه ما شاء الله

    موووتي كيكة النيدو المحمص شجعتيني اجربها

    رانيا السينابزن رولز والتارت اجمل من بعض تسلم ايدك

    رشا ملكه المعجنات البسكوت تحفه يا رشروش ممكن اسمك على الفيس واحده معرفه عندها حفله ممكن تتعامل معك


    كل سنة ونتوا جميعا بصحة وعافية يارب ومتجمعين في الخير وللخير دائما تحت قيادة العمده الكبير اوي اوي دينا


  2. @mlysya

    بنات معلش اتحملونى اصلى كل ما برجع ادخل المطبخ بعد غياب بحس ان حصلى فورمات
    ومحتاجه اسطب ويندوز الطبخ من جديد

    انا كنت عمله كفته بشوية فريك وبصل وبهارات وقسمتها نصين
    نص صبعته عادى وحمرته ف الفرن والنص التانى شلته ف الفريرز
    مينفعش اعمل بيه اى حاجه غير الكفته التقليديه دى؟؟
    او طريقة تسويه تانيه
    قلى مثلا زى البانيه ؟؟

    تسلمو يارب مش عارفه من غيركم كان الواحد بقت حوسته حوسه
  3. @aman61

    كل سنه وانتم طيبين يا احلى بنات ربنا يكرمكم ويشفى اولادكم ويحفظهم من كل شر ويجمعنا دايما على خير
    لوليتا يا قمر عجبنى انك بتفضلى ورا الحاجه لحد ماتتقنيها ماشاء الله عليكى وبالنسبه لكيكة المفضله والمحببه ليا بتاعة فراشه
    لو تلاحظى هيا قالت انها مش بتنفش اوى زى ما انتو متخيلين وقالت انها بتعمل فى صينيتين لما تحب تعمل تورتايه وكمان قالت لازم البيض يكون كبير ولو حابه تعلى معاكى الكيكه اكتر ممكن تزودى البيكنج بودر شويه بس مش تكترى انا عن نفسى بعمل المقدار وبلتزم بيه وبخبزه فى صينية الكب كيك وبتطلع جميله اوى ولما احب اعملها فى صينيه اكبر بضاعف المقدار وبعملها فى الصنيه اللى مفتوحه من النص مقاسها 24 وبتطلع زى الفل عاليه وهشه وجميله وعمرها ماطلعت مكتومه استنى اوريلك شوية صور اما بالنسبه لفرنك فالله يعينك بجد كيكه تاخد ساعه ونص ده شلل رسمىىىىىى لأ بجد فى حاجه مش طبيعيه لو كان نفس نوع البتوجاز بتاعى فاكيد فى حاجه بايظه فى فرنك للاسف اما بالنسبه للكريز فالاحسن تستعملى الكريز المسكر او الكمبوت وده تلاقيه عند المحلات اللى بتبيع خامات الحلوانى اما التانى مانصحكيش بيه الا اذا قطعتيه انصاف وخليتيه من البذروتحطى معاه شويه سكر وميه وعلى النار تخليه يغلى ويبقى قوامه زى الشربات او كمبوت ممكن تزوقى بيه فى الحاله دى وحاولى الطبقه اللى فى النص ماتكتريش فيها الحشو عشان مش تفصل معاكى يادوب تدهنى كريمه وتوزعى قطع من فاكهه الكمبوت ولكن مش تمليها اما عن تغطية الكيكه فحنون قامت بالواجب
    سندريلا يا جميله مرحبا بيكى فى المطبخ بجد ليكى وحشه بصى ياستى الكفته دى مفيش فيها مشكله ممكن تصبعيها وفى بيض وبقسماط وتقليها فى الزيت زى البانيه عادى مع بطاطس محمره ورز ابيض وسلطه طحينه واو وكمان ممكن تكوريها تحمريها او تشوحيها بسيط فى شوية زيت وتقومى حطاها مع صينيه البطاطس فى الفرن يعنى ده اللى جه فى بالى دلوقتى واكيد برضه البنات هاتفيدك اكتر
  4. ربنا يخليكو يا احلي بنات في الدنيا والله انتو احلي اخوات في حب وطاعه الله بصوا يا بنات انا مش عوزاكو تفهموني غلط والله اللي هتحتاج اي حاجه انا عيني ليها كل مافي الموضوع اني بتكسف ودي عقدتي في حباتي مع الناس كلها فانا مش متخيله اني ممكن اخد من اخواتي فلوس حتي لو مقابل حاجات انا عملتها وعمتا انا اسمي علي الفيس بوك
    rashaattya
    واللي مش هتعلرف توصلي تقول وانا احطلها الرابط بتاعي .

    امال انا تحت امرك يا حبيبتي في اي وقت.

    مهموهتي المكرونه تجننننننننننننننننننننننننننننننننننننننن تسلم ايدكي يا حبيبتي وربنا ما يحرمنا من ابداعتك.

    لوليتا ايه التورته الجميله دي وزعلانه دا انا نفسي اعمل ربعها وبالنسبه للكفر بتاع التورت يا ماركاتو يا سبنيس منزله في العرض ب16ج انا لسه جيباه من درب البرابره ب 30 فالاحسن ليكي تجبيلك واحد بيبق هايل وبيحفظ الحاجه كانها لسه معموله.

    اميره انا مش نسياكي بس بكره هخلص حاجه واحاول انزلهاللك بعد بكره البلوتوث زفت في ايه انا مش عارفه.

    اماني وحشتيني يا ايمو اخبارك ايه
  5. @aman61







    دى يا لوليتا شوية صورعلى الماشى بمقادير مضاعفه للكيكة اللبن الساخن
    صحيح من يومين الولاد طلبو منى رز بلبن وعملت بنصيحة ام زوما وحطيت معلقة كريم شانتيه ومعلقة ايس كريم فانليا بجد طلع طعمه تحفه وريحته جنان تسلمى يا ام زوما على الفكره وجزاكى الله كل خير
    رشرررروووووووش انتى كمان وحشانى اوى اوى بصى بكره انا اجازه ياريت اقابلك بجد نفسى ارغى معاكى
    بسوم انا ضفتك عندى شوفى كده عشان اعرف ابعتلك

تابعي تجارب أخرى من هذا القسم.