السلام عليكم اخواتى فى الله
اهلا وسهلا بك عزيزتى واختنا الفاضله دكتورة sasi
بجد مستمتعه جدا جدا بالدورة اللى حضرتك بتقدميها
لجميه الحوائيات واستفدت منها كتير جدا جدا مثل
اخواتى فى حواء خاصة ان الدورة بتتكلم عن اساليب
الطفل فى جميع اعماره المختلفه وكيفيه التعامل معه بمنتهى
الهدوء والرذينه واتمنى من الله عز وجل ان تجدى لى حالا
فى مشكلتى مع طفلى
طفلى يبلغ من العمر 3سنوات ونصف لديه اخ اكبر
عمره 6سنوات لله الحمد والمنه اولادى ماشاء الله مهذبين
يعنى مافيش حد فيهم يشتم او يسب او ياخد حاجه من
حد فلوس مثلا فى اطفال حد قاله خد كذا ياخد الحمد لله
والمنه اطفالى مش كده والاهم من كده ماشاء الله
بيكرهوا الكذب نميت فيهم حتة الصدق والقول الصادق
مهما فعل لازم يصدق فى قوله مهما كانت عاقبة ذلك
وبسم الله ماشاء الله دعمتها فيهم وثبته بفضل من الله اهم
مافى الموضوع ان ابنى الصغير عنيد لدرجة لا تتخيليها كل
شىء مقابل بالرفض بمعنى ماتنزلش الشارع لاء هانزل
ياحبيبى الشارع وحش وفى كذا وكذا وكذا يسكت شويه
ويقولى هانزل برضه ابتدى استعمل الحده معاه شويه
واسلوبى يبقى اشد واقوى من الاول يقولى اوك مش نازل
بعدها باقل من خمس دقائق الاقيه نزل وعمل عكس اللى
قولته كله انادى عليه اطلع ياحبيبى يعمل مش سامعنى
اطلاقا مع انه ممكن يكون بيبص عليا بس احيانا مايردش
احذر مرة واتنين وتلاته واستعمل احيانا الضرب مفيش
فايده مش فى دماغه كانه بيقولى اعملى اللى انت عايزاه
واتعصبى واتنرفزى وانا اللى عايزه هايكون هههههه احيانا
والله العظيم من شده ماهو بيعاندنى واعصابى تتشد
وابقى متعصبه جدا افضل ابكى اخاف يكبر ع العند ده
هاتبقى مشكله كبيرة جدا جدا مع انه بيخاف من والده
وبيحب والده جدا ومع ذلك مش بيمشى اللى فى دماغه
يعنى ياولد اسكت اول مرة ممكن مايسكتش بعدها مجرد
مايبوصله خلاص كده الموضوع انتهى انما انا لاء افضل
اغنى للصبح ولا حياة لمن تنادى غير بقى لما يتعصب
يفضل يبكى بشده وانتى مش بتحبينى ويضرب فيا ويفضل يشيل ويحط
فى الحاجات اللى حواليه ويقولى اهو بقى بس والله
العظيم بنفس اللفظ اهو بقى بس اسيبه مع نفسه لغايه اما
يهدى يعنى مابياخدش اكتر من ربع ساعه وفجاءة
يسكت لوحده وفجاءة تلاقيه جالى وحضنى ويقولى بتحبينى ياامى اقوله اه ياحبيبى بس زعلانه منك لاءنك مش بتسمع كلامى ويهدى وينتهى الموضوع وندخل فى موضوع العند من جديد فى اى
شىء اخر ومابيحبش يخلى اخوه ياخد حاجته غير بمزاجه
هو بس احيانا تلاقيه يحضن اخوه ويبوسه وخد ياحبيبى
الكرة دى مثلا واحيانا يرفض تماما ان ياخد منه شىء ولو
تافه وكل حاجه عنده لاء لاء لاء لما كرهت كلمه لاء دى
نهائى فامش عارفه بجد حضرتك اعمل معاه ايه خاصه ان
ولده ان شاء الله بعد فترة صغيره مسافر وهايسيبنى
لوحدى مع الاولاد
دورة مهارات التعامل مع غضب الطفل(درووس ومناقشة)
متابعة النقاش، صفحة 37