شاركي في النقاش

سجلي الدخول لإضافة تعليق.

التعليقات

1,081

  1. @am_zyody_5

    ييا بنوتات ساعدوني انا طولي 156

    و عمري 25

    اقدر اطول؟؟
    شوي شوي وحده تفهمني التمارين عبارة عن ايش؟

    لانه ما فهمت من كلامكم شي .. كل الروابط حاذفينها

  3. السلام عليكم

    اخباركم بنات :)

    وكيف التمارين معاكم ؟

    طبعا بما انه مافيه وقت اسوي التمرين لي فتره تاركتها ^.^

    بس شكلي بصير اسويها على المغرب ان شاء الله يعني قبل اذان المغرب ان شاء الله 30 دقيقه ؟

    تتوقعون ينفع ^^

  4. خيتو اللي سألت عن التمارين ^*


    ----


    البرنامج يتكون من 4 اقسام مهمة :

    قسم النوم: لازم الشخص ينام عاالاقل 8 ساعات وعدد كافي للجسم حتى ينمو ويتمدد.
    2- عدم اكل وجبة دسمة قبل النوم مباشرة عاالاقل قبل النوم ب3 ساعات.
    3-يفضل اخذ حمام دافئ قبل النوم.
    4-النوم على سرير ذو مرتبة قوية يدعم الجسم.
    5-النوم بدون وسادة لانه يسبب انحناء العمود الفقري وتقوسه.

    قسم التغذية :
    يحتاج الجسم لينمو اطول تغذية متوازنة وهذي اهم العناصر المهمة:
    الماء: شرب كمية كافية من 6-8 اكواب باليوم وخصوصا شرب كوب ماء قبل النوم وبعد الاستيقاظ منه.
    الفيتامينات والبروتينات والاملاح: يفضل ويستحسن بل ضروري اخذ مكمل غذائي

    ممكن :megateen dietery supplement من ارمال (gnc)
    وانا بستخدم جلوفيت glovit كمان فيه العناصر الضرورية كلها مع الاكل طبعا.

    قسم التمارين:
    3 مراحل اول مرحلة التمهيدية وهي سهلة مع الصور: 6 تمارين لتمهيد الجسم لمابعده من تمارين.
    تعملونهم لمدة اسبوع (7 ايام) مرتين باليوم صبح بعد النوم وبالليل قبل النوم لمدة 15 دقيقة.

    الصور::








    قبل ماتقومين من السرير الصبح وقبل ماتنامين وانتي منسدحة مددي الذراعين والرجلين لحدهم الاقصى قد مااتقدرين مددي .لين ماتوصل الرجل لحاافة السرير يعني موشرط بس قد ماتقدرين وذراعك مديه لبدااية السرير وجسمك كلله حااولي تمدينه . بعد شوي حاولي تفترين وانتي بنفس الوضعية ممدة يعني لليمين واليسار وكل جهة خللي المفااصل والعضلاات تنشد.



    ===









    وانتي لسه بالسرير ونايمة عالظهر خلي يدك عمنطقة الحوض ورفعي الرجلين لحد الحوض وخلي وزنك على الذراعين حاولي تحركين رجلك مثل سياقة دراجة لمدة دقيقة



    ===

    في وضعية الجلوس وانتي لسه بالسرير خلي راسك يميل للامام وذقنك لاصق بالصدر قد ماتقدرين .دوري راسك يمين خلف ويمين وامام. عيدي الحركة الدائرية عدة مرات حاولي تمدين الراس اقصى ماتقدرين يمين ويسار بس لاينقلع هعهع امزح..هذا يشد مفاصل الرقبة
    ===







    في وضعية الوقوف الذراعين ممدين افقيا دوري الذراعين في حركة دائرية ابعد ماتقدرين ولاثنين الكوع خليهم مستقيمين دوريهم من الكتف لليد بعد عدة دورات حركي دائرية لاتجااه اخرر معااكس يعني



    ===





    قفي بعيد عن أي جدار او اشيااء بحوالي 18 انش خلي راسك يميل على ورا ابعد شي ممكن بدون ماتتعبين الرقبة مدي الذراعين بعيد عن الجسم بس على مستوى الكتف وانحني مرا يمين ومرا يساار اقصى شي تقدرين






    ====



    :26:

  5. المرحلة الثانية:


    الان يجب ان تكوني طبقتي تمارين الاسبوع الاول(المرحلة الاولى) اللي كانت لازم مرتين باليوم. في هذا الوقت يجب ان تكوني لاحظت انك صرت بصحة افضل ووعي اكثر بنفسك. اي مشكلة بخصوص القوام والوقفة الخاطئة يجب ان تكون تصححت على فكرة الوقفة لازم تكون مستقيمة بدون انحنااء كبير للامام او الاسفل يعني وقفة مستقيمة وبانتصاب. وانك صرت تنام براحة اكثر (النوم يجب يكون بدون وسادة وعلى الظهر ) وعلى مرتبة مريحة وتلاحظ تحسن عندما تنظر لصورتك بالمراة . بعضكم قد يكون لاحظ زيادة في القوام. اذا لم تلاحظ زيادة فلا تقلق نحن مازلنا في البداية! ولذلك رجاء انسى كل المشاعر والمواقف السلبية ولاتكون سلبي تذكر انك ستعيش باقي الحياة وانت قصير لذلك اعطي كامل مجهودك والنتيجة ان شالله 100%

    في هذي المرحلة جسمك للحين غير مهيا بشكل كامل لبداية المرحلة الثانية جسمك مازال يحتاج للتهيئة لاي متطلبات .
    هذه المرحلة الثانية ستعمل هذا الشي ولكن تذكر ماتعملهم الا بعد ماتكمل اسبوع الاول من المرحلة الاولى وتبتدي فيهم ومعاهم تمارين المرحلة الاولى لمدة اسبوعين عالاقل زيادة على اول اسبوع .

    هذه التمارين مصممة ليس فقط لمساعدتك لاستقامة العمود الفقري ولكن ايضا لشد الجسم وتقوية العضلات وهذا ماسيحقق لك حلمك وهدفك .

    انت ستواصل تمارين المرحلة الاولى كل يوم اضافة للتمارين المرحلة الثانية لعم اجهاد نفسك ننصحك بعمل خمسة فقط من ال15 تمرين للمرحلة الثانية وحتى ماتتعبي . مثلا اول يوم بتعملين خمس تمارين اخترتينهم من ال 15 تمرين الموجودين و اليوم الثاني تعملين 5 تمارين غير واليوم الثالث ال 5 الباقين وهكذا .. وسوي هالطريقة لمدة 21 يوم فيها تسوين تمارين المرحلة الثانية بالطريقة اللي قلتها قبل (كل يوم 5 غير) وبنفس الوقت لاتنسين تمارين المرحلة الاولى(ال7 تمارين) تسوينهم معاهم .

    لاتنسين دور الاكل المتوازن والمكملات الغذائية خلال كل هالفترة وكذلك النوم الكافي ولا الشغل مابيتكامل ويطلع نتيجة لانه هالشغلات متربطة ببعض.

    باتباع تعليماتنا بدقة بتقدرين تضيفين 2 او 3 بوصات زيادة لطولك (يعني 5 الى 7 سم) ونتطلع لزيادة اكبر في ال 12 اسبوع الللي عقب.
    =====


    _ اوقفي بانتصاب وراء الكرسي ورجلينك لبعض يعني مضمومين ويدك ماسكة الكرسي . لازم تكونين بعيدة حوالي 12 بوصة عن الكرسي خلي رجل وحدة وراء وعلى فوق يعني اقصى شي تقدرين مديها ويدك عالكرسي حتى تسندك. نزلي رجلك وعيدي الحركة بالرجل الثانية وعيدي الحركة لكل رجل 10 مرات

    ====




    استلقي على ظهرك على . ارفعي رجلك اليسار للاعلى وتكون مثنية من عند الركبة.وخليها تلمس ذقنك يعني الركبة خل تلامس وتوصل للذقن . امسكي رجلك بيديك الثنتين وتكونين حاطتهم تحت الركبة بنفس الوضعية واسحبي الركبة للرقبة . يمكن ترفعين راسك من الارض عادي باتجاه ركبتك لكن لا ترفعين الكتف من الارض. لما توصل ركبتك لرقبتك ابقي على هالوضع لمدة ثواني قليلة وارجعي بعدين للوضعية السابقة يعني مستلقية عالظهر .
    كرري التمرين بالركبة للرجل الثانية وعيدي التمرين 10 مرات لكل رجل. (نسيت اقول هالكلام للتمرين السابق بعد نفس الشي 10 مرات لكل رجل


    ملاحظة: لما تقربين الركبة من الصدر تذكري تتنفسين يعني تاخذين نفس حتى الرئة تمتلي بالاوكسجين. وابقي عالوضعية وعقب ازفري يعني طلعي الهوا في الزفير لما بترجعين لوضعية الاستلقاء عالظهر.
    ====


    اوقفي منتصبة والركب والاصابع الرجلين مضمومين والذراعين يكونون ريلاكس يعني مرتاحين على جنب. رفعي يدينك فووق لمايوصلون اعلى نقطة فوق راسك. وبعدين امسكي يدينك وهم فووق معلقين امسكي اليدين مع بعض. وانتي مرفعة ذراعينك رفعي اصابع رجلينك بعد يعني كانك واقفة على اصابع رجلك حتى يصير الوزن عليهم. مدي وشدي ذراعينك وجسمك فووق على قد ماتقدرين. وذراعينك مرفعين تنفسي واخذي نفس حتى الرئة تتسع كفاية.
    نزلي الذراعين وهم مثل ماهم يعني يدينك ماسكين بعض طلعي الهواء ببطأ ونزلي اصابع رجلك لحد مايلمسوا الارض. عيدي التمرين لمدة دقيقة في البداية والمرة الثانية لمدة دقيقتين و3 دقايق للمرات الجاية. يعني مو كله في نفس الوقت لا يعني مثلا اليوم جربتي التمرين اول مرة اوكي تظلين بالوضعية لمدة دقيقة يدينك مرفعين وواقفة عاصابع رجلك واليوم الثاني دقيقتين واليوم الثالث 3 دقايق ومامكتوب تعيدينه او لا بس يفضل تعيدينه مرتين او اللي تقدرين عليه حتى يسرع النتايج.
    ===


    استلقي \انسدحي على بطنك ويدينك ورا ظهرك امسكي يدينك مع بعض وسكري على اصابعك . اعملي نفسك كانك قوس يعني رجلينك فوق وراسك فوق مثل الصورة واكتافك بعد فووق وابقي على الوضع . حركي نفسك مرة للامام مرة للخلف يعني تهزين نفسك امام وخلف عدة مرات . بعدين وانتي على بطنك نايمة خلي ذراعينك للامام مديهم يعني ويكونون على الارض مومرفعين لا عالارض ورفعي رجلينك للاعلى كل مرة دور وحدة ترفعينها بدوون ماتثنين ولاتحنين الركبة وهي مستقيمة .سوي هالتمرين خمس مرات لكل رجل . وطبعا في كل التمارين اذا تعبتين تعب غير محتمل او ماتقدرين تواصلين وقفي وارتاحي عقب كملي.
    ====


    5- اوقفي منتصبة وذراعينك مرفعين للاعلى فوق راسك وخلي الاصابع داخل بعض يعني شبكيهم . حاولي ترفعين جسمك للاعلى من دون رفع رجلينك من على الارض وبعدين انحني قد ماتقدرين لليمين وبعدين لليسار وانتي على نفس الوضعية عيديه 10 مرات ارتاحي دقيقة وردي عيدي 10 مرات انحني ببطء لكن شدي الذراعين والجذع .

    ====


    6_ استلقي عالارض ويدينك تحت المؤخرة ورجلينك مو سيدة عالارض لا اثنيهم وحاولي ترفعين جسمك عن الارض اقصى شي تقدرين وعيديه 10 مرات
    ===

    يتبببع تمارين 2

تابعي تجارب أخرى من هذا القسم.