تعالي شوفي احد الوجبات المعتمده في المدارس الامريكيه لكن صناعه سعوديه من يدين نــوال

وااااااااو تسلم ايدك

مرحبا حبايبي اليوم عملت للاولاد الكورن دوق

بس بيبي دوق كانت صغيره وكانت مررررررررره حلوووه وعملت المقادير بالضبط وبالمكيال كمان عشان عيونكم




المقادير بالضبط

كوبين حليب سائل

كوبين دقيق بس انا هنا اول شي حطيت كوب بعد ما خلطت حطيت الكوب الثاني

بيضه

ملعقة مسترد ( خردل ) خليته هو النكهه الخاصه هالمره وكانت مررررررره طيبه

نص ملعقه بيكنج باودر

ثلث كوب زيت

رشة ملح ورشة فلفل اسود

بتخلطي السوائل وبعدين بتضيفي الدقيق واخر شي البيكنج باودر بعدين خلاص تستخدميها دايركت

وطبعا مجهزه المقانق وشكينها بالاعواد وقبلها كنت مدخلتها المكرويف عشان تستوي فيكي تسلقيها بشوي مويه وفيكي تقلبيها على الطاوه الين تستوي وفيكي تدخليها الفرن بس تضمني انها استوت بعدين بتدخلي كعنصر في الطبخه

نجي لبقية الصور





نشوف هنا قوامها اخذت لكم 4 صور عشان تكون واضحه كيف




هنا غطستهم كلهم في الخلطه وبعدين لما جيت اغمرهم بالزيت اخذتهم واحد واحد

وخلونا مع بعض الخطوات القلي عشان كل وحده تعرف وين موضع الخطاء



اول شي يكون الزيت حااامي حطي الاله على اعلى درجات الحراره

اغمري الكورن دوق كامله في الزيت يعني 3 ثواني كذا بعدين ابرميها لكن مش بشكل سريع على مهلك الين تشوفيها بدت تحمر بعدين ابرميها بالسرعه اللي تحبي

ليه لا تبرميها بسرعه لانه ممكن يفصل الخليط من على المقانق او تطلع لها زوائد واجنحه لانه شي بديهي راح تتحرك الخلطه في الزيت وتتشكل

اذا نغمرها تماما 4 ثواني
نبرمها على مهل الين تحمر
بعدين نبرمها بالسرعه اللي تحبي الين تحسي انها استوت خلاص


شوفو هذي الصور اخذتها لثنتين بعد ما برمتها ال 4 ثواني كيف بتكون شكلها بعدين نخليها تحمر



خلينهم على جنب تتحمر وكملت الباقي




وهالحين مجموعة صور للمجموعه كامله وقطعت وحده من النص عشان تشوفونها كيف










وبالهناء والعافيه
هالحين اللي تجي وتقولي ما زبطت يا ويلهااااااا


بقولها جيبي الاغراض وخلينا نسويها سوااا بس اكيد تحسب حسابي معاها

وبالعافيه على قلوبكم

هذي الصوره كمان لا ننساها بعدين تزعل


يالله اشوفكم على خير حبايبي

ماشاء الله تبارك
الله يعطيكي العافية