جرحني كلام صديقتي

قد يحتوي هذا الموضوع على محتوى غير مناسب. عرض الموضوع
مرحبا بنات
أنا عضوه يديده قلت بافضفض لكم اشوي بالقهر الى فيني
السالفه يا بنات أنا بنت عمري 33 سنه مب مزوجه وعايشه حياتي يعني أشتغل وماليه فراغي بس مشكلتي سمنتي يعني متينه وكلما قررت اسوي ريجيم ارد بعد يوم او يوميـن من اربع سنيـن تقريبا سويت ريجيم ونزلت 20 كليو الكل انهبل مني بس رديتهم لظروف المهم أنا وزني 100 وطولي 157 يعني متينه
السالفه ان عندي صديقتي روح بالروح ما اخبي عنها شئ صارلي موقف قررت بعده اني اراجع نفسي في أكلي لقيت اني اكلي وايد وايد فخبرت صديقتي عن رغبتي في أني أسوي ريجيم لقيتها اتقول (( انتي ايش ناويه انتي ما راح اتكونيـن حلوه راح اصورون اخدودش داخل والمتون لايق عليكي ( يعني حلو علي ) وخذ من هذا الكلام المهم قالت كلمه خلتني مب في وعي ( انتي شايفه عمرش عمرش الحيـن 33 يعني خلاص كبرتي لا اتسوين ولا اتعبيـن روحش يعني ما راح افيدش الريجيم)) انه انهرت من كلامها
لحظه بنات للحيـن ما كملت كلامي بعدها بكم يوم كنت عند زميلتي في الدوام وكانت صديقتي معانا اول ما دخلت سلمت وتعشينا ورحت بغسل جان الاقي صديقتي مع زميلتي في الدوام صدمني كلامها عني (( اتصدقيـن اتقول بسوي ريجيم اهي شايفه عمرها يعني بهلعمر وبتسوي ريجيم هذا اكيد تضحك على روحها خلها اتروح اشوف روحها شلون تاكل ما تقدر اتسكر فمها وتبي اتسوي ريجيم )) وتمو يضحكون انا انصدمت وحتى ما كملت السهره وطلعت ورحت البيت وبكيت ليش انا لهدرجه صرت اضحوكه لهم ومم من صديقتي وزميلتي
دلوني يا بنات شسوي اسوي ريجيم واقهرها لأني وايد صادني احباط ومن سمعتها وانا زايده في الأكل
بلييز بنات دلوني شسوي ؟؟؟

82 تعليق 8,621 مشاهدة

شاركي في النقاش

سجلي الدخول لإضافة تعليق.

التعليقات

82
  1. @am_albtabyt

    ما عليكي حبيبتي منها هذه مو صديقه والله لو صديقة ماتتقول كذا انت لسى في احلى ايام عمرك وصغيره سوي رجيم وانحفي لسى الدنيا قدامك واذا تقدري سوي ربط معدة كثييييير يسونها وينحفووووون ومايقولون ....وسوي معها جلسات تنحيف عند اخصائيات واهتمي في نفسك اكثر خاصة انه انت مانتي متزوجه عندك وقت اكثر لنفسك حبيبتي ...ادعيلي انحف انا كمان..
  2. أكيد هذا يعطيك دافع تسوين رجيم وتهتمين بنفسك أكثر وتقهرينهم أكيد عندك شيئ هم غيرانين منك فيه....صراحة الأيام هذي الصداقة صعبة.

    الله يقويك ياعسل ويوفقك وتوصلي لهدفك وانت بصحة وسلامة.
  3. @hloh_hyl_2

    سوي رجيم ،، اول شي عشان نفسك انتي وعشان تكونين راضيه عن نفسك .. قبل ما تفكرين باي احد ثاني ..

    واقهريهم بارادتك
  4. @cosmos

    أولا هاذي ما اعتبرها صديقة .. الصديق وقت الضيق لكن صديقتك تجيب الضيق
    يعني كلامها كله غلط هي اصلا شافتك لو ضعفتي؟ يمكن تصيرين احلى! بعدين الواحد يضعف موبس علشان شكله يصير حلو بس علشان صحته وعلشان الامراض ما تجيه
    بعدين انتي عمرك 33 مين قال انك خلاص كبرتي! الحين اللي عمرهم 50 يسوون ريجيم فكيف انتي! انتي اولا ياختي
    لاتخلي اللي قالته يحبطك وبالعكس لازم تشدي حيلك و تثبتي لها انك راح تكوني بحال افضل بعد الرجيم
    والجمال مو بس بالوجه ..الجمال بالجسم واكيد اللبس اللي تقدرين تبدعين فيه لو جسمك كان انحف شوي
    ولاتنسي جمال القلب
    الله يسعدك ويرزقك اللي تتمنين
  5. انتي لسه صبيه والحياه قدامك
    لازم تعملي ريجيم وتفرحي بشبابك وماعليكي من كلام صديقتك
    انتي اهتمي بحالك وبس
    وادا هي صديقتك بجد لاازم تراجعيها بالكلام اللي صار
    موووووفقه

تابعي تجارب أخرى من هذا القسم.