شاركي في النقاش

سجلي الدخول لإضافة تعليق.

التعليقات

2,587
  1. @dalya83

    رشا البقاء لله وربنا يسكنه فسيح جناته يارب
    ايمان تسلم ايديك ياقمر بجد مشاء الله عليكي كل حاجة احلي من التانية ربنا يباركلك ويقومك بالسلامة ان شاء الله
    من فضلك عاوزة اساللك علي عجينة البيتزا مقاديرها ايه بالظبط اصلي مشاء الله البيتزا طالعة وااااو
    وتسلم ايديكم كلكم يابنات ام زووما واماني وموتي كل الاكلات روعة
  2. لوليتا v
    السلام عليكم ورحمة الله اذيكم كلكم وحشتونى والله يادندونه بالنسبة لبهارات المحشى انا عن نفسى جربت وجربت وجربت لقيت احسن حاجه ماجى فاين فودز ماجى لا وحش مع ملح وفلفل اسود ومعلقة صلصة وعلى شوربة المحشى وخلاص ودى احسن حاجه فعلا انما البهارر…
    انا معاكي يا لولو سبحان الله المحشي الحاجة الوحيدة اللي ما بحاولش اخترع فيها :35:

    يعني ملح وفلفل أسود فقط لا غير اي بهار تاني بيدي طعم مش صح وفي الآخر هيا أزواق :)

    وكمان انا ما بحطش كزبرة نهاااائي يمكن لان طعمها قوي جدا فبيطغى على البقدونس والشبت

    مع انه اساسي في كل انواع المحاشي عندنا
  3. حبيبة ابراهيم
    انا معاكي يا لولو سبحان الله المحشي الحاجة الوحيدة اللي ما بحاولش اخترع فيها :35: يعني ملح وفلفل أسود فقط لا غير اي بهار تاني بيدي طعم مش صح وفي الآخر هيا أزواق :) وكمان انا ما بحطش كزبرة نهاااائي يمكن لان طعمها قوي جدا فبيطغى على البق…
    أبله دينا جزاكى الله خير بس انا كنت سمعت ان الموضوع ده فى شركة كوكاكولا مش بيبسى

    ايمان ما شاء الله عليكى يا احلى فراشه كل الحاجات تحفه تسلم ايدك يا قمر والف مبروك على الشوايه وماكينة البيتزا تتهنى بيهم يارب

    ام زوما تسلم ايدك الفطاير شكلها جميل وطريقتها سهله

    حنونه حلوه اوى طريقة كرات الشيكولاته بس عايزه مزاج راااايق

    مونى ولا يهمك يا قمر عارف ظروفك ماكنتش تسمح. ربنا يخليكى ويجازيكى كل خير الملف تحفففففه اكتر من رائع ياحبيبتى ربنايخليلك الادك وتفرحى بيهم


    دندونتى بصى يا قمر انا بحط بهارات بابا بيجبها من عندالعطار برضه وبيطحنها مع بعضها بنفسه بس هو بقه قالى ايه هى مش زى ناس :39: كمون وكسبره ناشفه فلفل اسمر جوزة الطيب قرفه جنزبيل مطحون ورق لورو دى بحطها وبزود عليها من عندى نعناع ناشف وبيطلع طعمه جميييل وكمان حاجه تانيه ابقى شيلى شوية بصل حطيهم بعد ما الصلصه تتسبك وحطى معلقه توم بعد ما البصله تصفر قبل ما تضيفى الطماطم

    موتى تسلم ايدك على الكب كيك ولذيذه اوى الاشكال اللى انتى عملاها ياقمر



  4. حبيبة ابراهيم
    انا معاكي يا لولو سبحان الله المحشي الحاجة الوحيدة اللي ما بحاولش اخترع فيها :35: يعني ملح وفلفل أسود فقط لا غير اي بهار تاني بيدي طعم مش صح وفي الآخر هيا أزواق :) وكمان انا ما بحطش كزبرة نهاااائي يمكن لان طعمها قوي جدا فبيطغى على البق…
    صباح الفل يا بنات، جمعة مباركة ان شاء الرحمن فينكم مختفيين ليه:35:

    ميعاد الوصفة الصحية


    تبلت صدور الفراخ بملح، فلفل، اوريجانو و خل
    دهنت الجريل بزيت زيتون و شوحتها على الناحيتين ضفت سبرنكل، بابريكا و اوريجانو و بعدين شلتها
    دهنت الجريل شوية زيت زيتون تانيين و كنت مقطعة بصلة شرايح، فلفل رومى و فلفل الوان مربعات كبيرة شوية و شوحتهم 3 دقايق و ضفت ملح، فلفل، اوريجانو، سبرنكل و بابريكا و بعدين ضفت معلقة صلصة بيتزا و كوباية مياة و سيبتها تتسبك شوية و حطيت الفراخ تانى هديت النار و غطيتها بفويل 3 دقايق و قلبتها على الناحية التانية و 3 دقايق كمان و بالف هنا
    ممكن تضيفوا جبنة مبشورة، زيتون، كوسة، مشرومن بروكولى ابدعوا يعنى



    فتة البسلة
    الوصفة كانت فى عدد من مجلة كل و اشكر
    عملت رز بسمتى عادى على فكرة انا مش بضيفله لا زيت ولا سمن
    بسيبه فى مياه سخنة و ملح نص ساعة اصفيه و بعدين اضيفة لمياه مغلية اد الرز عليها ماجى يتشرب شوية مياه اوطى عليه لغاية م يستوى
    سلقت البسلة و الجزر فى مياة ضفت لها كركم، ماجى خضار، سبرنكل، بابريكا، قرفة(الاضافات دى من عندى مش من الوصفة)
    و قبل م اقفل على الرز ب10 دقايق ضفتله البسلة و الجزر بعد م صفيتهم
    قشرت فصين توم و دقتهم و حتة سمنة صغيرة شوحت فيها التوم و زودت خل اول لما غلى طفيت عليه و حطيته على البسلة و الرز و قلبتهم طلعت بجد ما شاء الله تحفة







    مش اكلنا صحى نبوز بأه:39:
    تشوكليت فادج كيك بتشوكليت جاناش
    21/4 كوب دقيق
    2 م ص بيكينج صودا
    م ص ملح
    كوب سكر بنى
    كوب سكر
    125 ج دقيق
    3 بيض و فانيليا
    كوب مياه مغلية
    كوب قشطة حامضية
    5 م ك كاكاو

    انا بضرب الزبدة مع السكر البنى و السكر العادى و اضيف بيضة بيضة و الفانيليا
    انخل الدقيق، ازود عليه البيكينج بودر، الكاكاو و بعدين اضفهم على خليط الزبدة و السكر و اقلل سرعة المضرب خالص و اضيف الكريمة و بعدين المياه و احطهم فى صينية مدهونة زيت و مرشوشة دقيق و على فرن متوسط 180 ساعة تقريباً
    الجاناش:
    200 ج كريمة لبانى
    200 ج شوكولاتة خام متوسطة
    2 م ك سكر بودرة
    م ص زبدة

    انا بغلى الكريمة على النار و اضيفها على باقى المكونات و اضرب كويس بالمضرب لغاية م يتمزجوا كويس و بعدين اضيفهم على الكيكة بعد م تبرد و بالف هنا

  5. ميمي تسلم الايادي ياقمر جزاكي الله خيرا وكل الاطباق ماشاء الله تحفه وحلوة فكرة الثومه بالخل علي الارز جديدة
    بس ان شاء الله نجربها بس اكيد منك هتبقي تحفه وكيك الفدج يجنن بارك الله فيكي يارب .

    l

تابعي تجارب أخرى من هذا القسم.