المنطقة الحسااسة
اللي اشوفه و اقرائه انه معظم البنات تتشكى من المنطقة الحساسة لكن الحمدلله انا ما اشوف انها نزرة لهالدرجة
راح تكون حلوة معاج اذا تعاملتي معاها بخفة و دلع و خصوصا انها منطقة حساااسة حييل
1) الرسول عليه السلام وصانا بحلق العانة و بالخطوات اللي ذكرتها بدرس ازالة الشعر
و في اخت جزاها الله خير ذكرت رش النشا قبل الحلق و هي فعلا طريقة حلوة
2) لا تدققين واااايد على كم شعر الموجودة و اللي تصعب الوصول اليها
3) للبنوتات الغير متزوجات كفاية تستخدمين المقص لقص الشعر اذا يصعب عليج استخدام الموس او تتجرحين منه
4) تقشير بخفــــة حيل بالحمام التركي
5) ترطبيها يوميا
6) ابتدي ابتعاد كلي عن استخدام الصابون المعطر في المنطقة و لا تقربين اي عطر صوب المنطقة
7) اخر يوم من الدورة و قبل ما تغتسلين خذي كمية من الماء مغلي و صبيه على ملعقتين قشور الرمان المجفف, ملح بحري طبيعي او ملح فارسي , اعشاب معطرة اذا عندج (اكليل الجبل, البابونج, الخزامى اللافندر ) صفي الماء و اشطفي المنطقة فييه . استخدميه أي وقت تحبين حده حلووو
8) لا تبالغين باستخدام الغسولات, خصوصا البنات
دورة دلع رفاهية جمال العناية بالبشرة . درووس فقط
متابعة النقاش، صفحة 6



