خربشات انثى على مائدة الافطار )،/يفتح جزء اخر

حتى البنات في هالزمن اختلف تفكبيرهم عن بنات من اول
بنات من اول كان كل همها زوج يحبها ويحترمها وتجيب منه عيال وتحاول قد ماتقدر انها تسعده لو طلب عيونها
اما الحين للاسف تبي زوج مسمى فقط يعطيها فلوس يودي ويجيب وتجيب عيال
وحريتها في بيت ابوها زي ماهي ماتتغير تطلع تنام وتصحا وتاكل وتشرب وكان مافيه في البيت الا هي واذا طالب الزوج بابسط حقوقه قامت الدنيا وقعدت ويمكن تطلب الطلاق وتقول مكدر علي عيشتي

للاسف البيوت والزواجات التاليه مافيها استقرار الا ان يشاء الله

شوفي يالغلا
يمكن اكثر واحد عانا من الحساسيه انا
لكن مع الوقت حاولت اني مالقي لاي شي يضايقتي بال وحاولت اني ازرع ثقتي بنفسي تدريجيا بحيث ما اخلا كلام مجموعه ياثر على حياتي

حطي قاعده عندك انا يمكن انا ما اعجب مجموعه لاكن اعجب مجموعات فليه استسلم وانقاد لكلامهم واتدمر من جوا يمكن انتي تكونين عند الله ابرك من اجمل وحده
وشوفي يالغاليه ثلاث ارباع الشي ثقه ويمكن انتي عندك مواطن جمال يفتقر لها البعض بس ما استغليتها
اترك عنك كلام الناس وصلحي نفسك من جوا واترك عنك الحساسيه وصديقيني بينعكس هذا كله عليك من برا

صدقيني والله اعرف واحد جميل جدا وخطب وحده اقل من عاديه ماعندها مؤهلات جمال لكن الشهاده لله ان مستقبله مع هالبنت امن جدا
ليه
لانها دين اخلاق تربيه نظافه سنع هداوه فغطى هذا كلها على جمالها الاقل من عادي
صدقيني الجمال يزول بس مايبقى الا العلم الطيب فلا يزعزعون ثقتك بنفسك وتدمرين نفسك بنفسك وانتي ماتدرين اذا هزك كلامهم وسبب لك حساسيه زايده

وماتدرين يمكن ياخذون وحده جميله شكلا لكن اخلاقها واسلوبها معهم سيء جدا ويخليهم يكرهونها او ينفرون منها ويتحاشونها

وصدقيني كم ناس وناس تشرطوا ورفعوا خشومهم على بنات خلق الله هذي زينه وهذي شينه وطاحوا على وجيههم وجوهم حريم عيال يتمنون بس تبتسم بوجيههم واللي كانت اول ام العذاريب تعالي شوفيها مع زوجها وحمولتها قمه بس سبحان الله

وحطي في بالك عسا ماتكره النفس خيره


الله يرزقك بابو شنبات يعزك ويرزك ويدللك
الله يسخر لك قول امين ويقدم لك اللي فيه الخير

اعذريني ع الاطاله

احب اضيف جمال المراه ماينفرح فيه الا اول مايتزوج الواحد وعقب ما ياكل عيش
وش الفايده
جميله بس رفلا ووسخه ومغروره ويمكن بعد اخلاقياتها نص نص

فاذا اجتمع جمال وسناعه واخلاق اكرم وانعم
وان راح الجمال فيه اللي يغطي
يمكن الرجال يصبر على حرمه مو جميله لكن مايصبر على حرمه خاينه ولا ثانيه ويمكن يوصل الدم للركب
طيب قولي لي الجمال بينظف الجمال بيطبخ
يعني للاسف نظرتهم جدا سطحيه ماتبعد عن طرف خشومهم اللي تفكيرهم بس بالجمال
فعشان كذا اتركي كلامهم كله وراء ظهرك واتركيهم واذا لك نصيب مع ولدهم بتاخذينه شاوا ام ابوا
واذا مالك نصيب فزوجك يحتريك لابس المشلح ومشخص بس يحتري امر ربي اللي هو قاسمه انه يجي فيه

والله مادري وش اقولك
محد راح يحبك كثر ماانتي تحبين نفسك
واذا ماسعيتي بنفسك للتغيير ماراح احد يهتم لان كلن مشغول بدنياه ونفسي نفسي
الدكتور النفسي موب عيب لو رحتي له وانتي عارفه لحاله مايقدر يسوي شي دامك في قرارة نفسك تقولين ما اقدر اغير
قول باحاول اغير
وصدقيني ان تفكيرك انك تروحين لطبيب تعتبر اول خطوه للتغير بدليل انك مهتمه وحريصه وتبين تكونين افضل

ابعطيك رقم اخصائيه تطوير الذات تقديرين تكلمينها وتشرحين لها الوضع وتراها جدا متفهمه وبسيطه وان شاء الله بتساعدك على انك تطلعين من اللي انتي فيه وابد اعتبريها اختك وشقي القربه عندها فضفضي تراها اخلاق رفيعه وتحب تساعد اللي ودهم بالتغير

قولي حسبي الله ونعم الوكيل
حسبي الله لا اله الاهو عليه توكلت وهو رب العرش العظيم وسيكفيك الله ما اهمك

ان بغيتي الرقم علميني

=وهج السنين;ضي وينك من دخلت مطنشتنا ماتسولفي معانا
لايكون ضايقتك بكلامى
واسفه اذا ضايقت احد

المقصد من ذلك كلامات وانفجرت وليس لتشكى وربي الشاهد

لا والله ماني مطنشه بس قمت اسوي الغدا 00
وصدقيني ما تضايقت من كلامك الله يفرج همك 00

ويرزقكي من حيث لا تحتسبين 00 اما حريم الاخوان خليها على ربك 00 الله يجازي كل مين بعمله 00
00