شاركي في النقاش

سجلي الدخول لإضافة تعليق.

التعليقات

2,587
  1. رشا
    جزاكي الله خيرا أنا عملت الفراخ المشوية بطريقتك النهاردة طلعت تحفة ما شاء الله تبلتها لمدة يومين

    سموحة
    البسبوسة الكب أنا عملتها مرتين مرة في قوالب الكب كيك و عملت نفس بتاعتك نفشت اوي وطلعت برا الورق عشان الكمية كانت كبيرة ومرة تانية عملتها في صينية من بتاع البسبوسة وطلعت مظبوطة بس لازم تتقطع كويس قبل ما تسقيها الحليب المكثف أو الشربات
    وتسلم ايدك على الشيكولاتة روعة ما شاء الله

    دندونة
    ممكن الطرق بتاع الوصفات الحلوة بتاعتك ما شاء الله كلهم أحلى من بعض
  2. مليسيا
    انا معاااااااااااااااكى جدااااااااااا:44: بس اعمل ايه فى الفساد ف الارض ابوها شغلته بس يخرب ويفسد ويدلع بطريقه مستفززززززززه:mad::mad: شاطر بس يعمل فيها دكتور لما تمرض ويتخانق معايا عشان نشترى دوا من غير كشف :mad::mad:
    ازيكم يا احلى بنات عاملين اية


    عايزة اخد رايكم فى حاجة عايزة اشترى بروان سيلك بيل مش عارفة اشتريها منين بسعر كويس ممكن لو حد عارف يقولى
  3. @lolyta_v

    hamdy916
    ازيكم يا احلى بنات عاملين اية عايزة اخد رايكم فى حاجة عايزة اشترى بروان سيلك بيل مش عارفة اشتريها منين بسعر كويس ممكن لو حد عارف يقولى
    صباح الخير يا قمرات
    وحشتونى كلكم
    رشا وحنان وسماح وام زوما شكرا جدا على ردكم علياا بخصوص البيتزا وياكهرمانة انا باعجن باى عجينة تخطر على بالى وقتها زهقت من الموازيين والورقة والقلم بجد مفيش احسن من البساطة فيمكن عكيت

    عملت كيكة اللبن الساخن من فترة واهى بس اول ما طلعتها من الفرن بردتها ولفتها كويس وعلى الثلاجه طلعتها تانى يوم اقطعها لقيت فتفته رهيبه وانا باقطعها مش عارفه ليه وقبل كده كنت باقطعها بعد ما تبرد من غير ما ابيتها يوم فى الثلاجه وكانت بردو بتتفتت جامد هل سبب دا انى خفقت كتير بعد اضافة اللبن الساخن ولا ايه وكمان بتطلع معايا قاسيه اوى مش هشه ابدا ولا طريه وانا اتلزمت بالمقادير كلها ده مقدار اربع بيضات و2كوب دقيق



    وكمان عملت كيكة البرتقال لهند بس معجبتنيش عشان بالزيت يمكن ولا ايه وانا محتارة جدا هى بتقول مقادير بسيطه وبتطلع منها قالب هش وعالى اذاى هى بتقول على صينيه مقاس كام يابنات يا ايلى جربتوا وصفاتها والصورة اهى


    ملاحظاتى بقه ابقوا اعملها ببشر برتقال كتير وتانج البودرة عشان عصير البرتقال كان مر ومكنتش حلوة والسكر ما بانش فيها وكمان البرتقال كده قشرته كانت مش بتتبشر بسهوله غلبنى وابقوا اعملوها على قالب مقاس 20 انا هانزل اشترى صوانى صغيرة عشان اعمل فيها وصفات هند جزاها الله خير
    بس فراشتى حبيبتى مره كده فى الروقان قالت هقولكم على احسن كيكة برتقال بالدنيا وانا استنيت تقول مقاديرها عشان باثق جدا فى كلامها بس نسيت
  4. @lolyta_v

    رشا ام كريم
    اذيك فينك مش بتدخلى ليه كتير وحشششتينا

    انتى كنتى قولتى لى الفرق بين الزعتر التركى والسورى بس العطار قالى عكس كلامك قالى السورى هو ايلى بيطحن مع سمسم وبيبقى دقة زعتر والتركى ده قالى للبيتزا هو لونه مصفر شويه كده اما السورى لونه غامق شويه وريحته قويه بصى انتى بتجيبى من انهى عطار انا باجيب من ايلى فى وش المحككمة العسكريه فى الزهراء او اول العاشر

    وبعدين كل مااسال عطار عن الطرخون يتريق عليا بجد هما اتجننوا ولا ايه انتو جبتوه منين وهى دينا معلش قالت اسمه ايه تانى غير الطرخون
  5. @lolyta_v

    اه نسيت حاجه
    بصوا اقروا الملاحظة دى كده


    طريقة خبز الكيك

    طريقة الخبز مهمه جداً وجداً وهي تتويج للكيكة وتعتبر المرحلة الأصعب في عملها . قبل البدء بعمل الكيكة يجب أن نشعل الفرن على حرارة متوسطة وتكون بين (100-130) في جميع الأفران الكهربائية وافران الغاز , ونحرص على وضع الرف الشبك في وسط الفرن بالظبط . ومن ثم نضع الكيكة على هذا الرف ونقفل الفرن ولا نفتح أبداً قبل مرور 20 دقيقة على الأقل , احبتي الوقت الازم لخبز الكيك يعتمد على حجم الصينية وارتفاع خليط الكيك فيها وقوام الخليط اذا كان حجم الكيكة اكثر من 12" ستحتاج إلى حوالي ساعة وعشر دقائق حتى تنضج بشكل جيد على حرارة متوسطة وإذا كان حجم الصينية أقل من 12" ستحتاج إلى 45 دقيقة للوصول إلى مرحلة النضوج. ولكن في بعض الأحيان يكون قوام الكيك مختلف بإذا كان القوام سائل يجب أن نضع الكيكة في حرارة هادية ولوقت أطول من المعتاد ب20 دقيقة . اما إذا كان قوام الكيك جافاً قليل نضعها لوقت أقل من المعتاد ب20 دقيقة في حرارة متوسطة.


    بصوا بقه انا كنت فاكرة العيب من فرنى فى خبز الكيك وانه بارد طلع لا هو كويس المشكله ان الكيك حجمه بيكون عالى والصينيه غويطه فبيقعد معايا ساعه وعشر دقايق بالضبط وكمان على 220 درجه وبيطلع بنفس شكل كيكة اللبن الساخن ايلى فوق
    واما عملت كيكة البرتقال المفرغة من النصف ايلى فوق بردو فى الصوره قعدت نصف ساعه بس عشان مش عاليه زى مانتو شايفين وعلى 220 بردو
    حد منكم بيحصل معاه كده ولا انا بس

تابعي تجارب أخرى من هذا القسم.