ّّّ لـــيش تبــين تنحفين آو تــتــخنيين ؟؟ ّّّّ تــعالي سجلي طموحك وهدفكـ

بنااااااااااااات مو كاني داخله غلط كلكم بتنحفوووووووووووووووون الا انااااااااااااااااااااااااااااااا

طيب بعرف وش سمنكم علشان اخذه

هههههههههههههههه الله يسعدك .. ياقلبو احنا نأكل مثلكم .. ويمكن انتم بعد أكثر
بس المشكله بالجسم انتم تحرقوون بكمياااات ماشاء الله .. واحنا اجسامنا تحرق شووويه بث:44:

خليك كذا حلووووو .. لااااااحقه ع السمنه

* الطول /178
*وزنك الحالي /86.5
*كم طموحك الي بتوصلين له /60-65
*المده الي حاطتها ببالج/شهرين او ثلاثه يارب مو اكثر
*الهدف ليش تبين تنحفين أو تتخنين ؟؟/لنفسسسسسسسسي اكره السمنه ولاناقتي وثقتي بنفسي
*الحميه المتبعه /الغاء العشاء
*شخص يساندكـ بمشواركـ/الكل يتمنى انحف هههههه
*نصيحه لخواتكـ /مااحد بيتعب من سمنتك كثرك

السلام عليكم و رحمة الله و بركاته

أووووول شي قولوا معاي :

اللهم صلّْ وسلم على سيدنا محمد و على آله و صحبه أجمعين ،
و من تبعهم بإحسان إلى يوم الدين


:
:

شلونكم يا دباآآآت يا بطاااات يا حلواآآت ؟؟؟

أبي كل وحدة منكم الآآآآآآآآن تسأل نفسها هالسؤال :

ليش أبي أضعف ؟؟؟

و تكتب لنا قد ما تقدر من إجابات بترتيب و صراحة تااامة كأنها تكلّم نفسها

نبي هالموضوع مرررجع لكل وحده تمرّ بلحظة ضعف
و شهوتها للأكل بتغلبها تدخل هني وتقرأ الأسباب اللي تدفعها للرشاقه
عشان تستعيد وعيها و إرادتها و تكممممل رجيمها و اهي ماتشوف الدرب :7_5_127:

يللا ابتديء بنفســــــــي و طبعا أنا توني بادية رجيم لكن مابي أمر بأي لحظة ضعف
تحولني إلى مفجوعة آكل الخضر و اليابس حتى و أنا شبعانة :icon8:


لازم أرتب أفكاري و أحدد أهدافي عشانيزيد إصراري

وأكون سعيدة بالرجيم أكثر من سعادتي (المفترضة) باليوم المفتوح أوبأيام النهم والشفاحة :



1- أبي أتخلص من التنهدات و اللهاث اللي يفشلللني كل ما مشيتمسافة كبيرة أو صليت أو صعدت أو نزلت الدرج كأني شايب أبو سبعين سنة!:king:

2- تعبببببت أحس نفسي غـــــــول بين البنات اللي كبري،
:ohwe::ohwe: ماااابييتكرر موقفي بعيد الأضحى أروح بقمة أناقتي و سعادتي بالعيد و مجرد ما أدخل و أشوفنظرات الناس و شكلي في منظرتهم شلون مريع وأشكال البنات شلون تفتح النفس وأتظاهرإني مريضة وأرجع البيت بس عشان ما أفشل نفسي أكثر مما هي تفشل بالسمنة.

3-أحتاج أروح للسوق بدون ما يكون همي إني ألقى شي يدخلفيني و ما يطلعني بشكل مهرج، أبي ألقط أي قطعة و أقيسها و تطلع حلوه و آخذها ومايهمني حتى سعرها لأنها حلللوه علي .. لأني أنا حلللوه فيها.

4-أشتاق لمرة بحياتي أتسوق ملابسي مع صديقاتي بدال مايكون بدل أمي بسبب إحراجي منهم إن يشوفون مقاسي القليل الوجود.

5-مليت من كثر ما أوسوس من السكر ، أبي أوصل لمكانآآآآآآمن ما أفكر معاه كل ما حطيت راسي عالمخده إني ممكن أكون مريضة سكر.

6-إلى متى و كل بياع في كل مكان يناديني مدام؟ حجية؟ماما؟، عمري بالعشرين توني ما تزوجت و ينادوني بهالاسم باجر لما أكون مع زوجي بأي مكان وينادوني جدامه بهالاسم شنو بيكون موقفي! أحس ودي انقلب غييييير مرئية ساعتها.

7-السمنة عدوي اللي صار سجني، أخفتني عن حياتي الحقيقيةو عزلتني عن سعادتي و طلعاتي وحياتي الاجتماعية... جم مناسبة بالسنة أفوتها و أزعلربعي وأهلي بحجة إني مابي احد يشوفني بهالشكل المريع!؟

8-نضجت و كبرت و أنا للآن ما لعبت و طلعت اللي في خاطريمثل كل اللي كبري، نطاطية المزرعة جم مرة تظاهرت بالتعب و العجز بس عشان ما أدخلفيها و أحرج نفسي جدام البنت لما ينخفس المكان اللي أنا واقفة عليه أكثر من كلالموجودين... جم مرة انجبرت أقعد وسط الحريم أمهات العيال و اللي أكبر مني بعشرينو ثلاثين سنة بس عشان ما أطلع مع البنات أركض و ألعب كرة و أنطط معاهم بسبب وزنياللي يمنعني من هالشي.

9-مابي أسمع أي انتقاد أو إحراج بخصوص وزني مرة ثانيةبحياتي.... لمتى أزور جدتي حبيبتي الله يطووول لي بعمرها ... و اشتكي الحر تقول من الشحوم الزايدة!؟ أشتكي التعبتقول من السمنة خففي يابنتي ....
لمتى لما يتكلمون الحريم عن السمنة و القرف اللييتبعها و أحس لا شعوريا إن كل أصابعهم تأشر علي حتى أصابع ايدي معاهم تأشرعلييييي....
لمتى فلانة و علانة اللي ما يحبوني كل ما جو يجرحوني أعطيتهم الحق بإحراجي و جرحي بسبب سمنتي : انتي يالدبة ..... بسج أكل .... كأنج أمنا الناس عبالها انتي أمنا :unsure:

10-شنو جابت لي السمنة ؟ اكتئاب ... كسل ... تكيس مبايض... .. نقص فيتامين دال ... نقص بالحديد ... شعر يتساقط ... بشرةكل مالها وتتدهور رغم كل عناية .. شكل هلامي بشع مستحيل يطلع حلو مهما غطيته بالخلاجين!!!

11-كل مرة أكون في مطعم مع رفيجاتي يجيب القرسون الحسابو يحطه جدامي و اضطر أدفع ليييش؟ لأن الكل على باله أنا أمـــهــــم ... ما فيهإهانة أهنت نفسي فيها أكثر من السمنة اللي وصلتني لهالحال.:10:

12- جم مناسبة داخل محيط العايلة أو خارجه ترجع منها أميو خاطرها مكسور، ليش يابنتي ما رحتي معاي كل الحريم معاهم بناتهم كل بنت أحلى منالثانية و أكشخ من الثانية ... فلانة لابسة هاللون و فلانة لابسة هالموديل ... وأنا من داخلي أحترق قهر و حسرة على حالتي المرزية.:29:

13- لمتى كل ما شفت موديل و وصفته صديقاتي قالواحلللو بس يبي له جسسسسم ، متى يجي اليوم اللي أشوف موديل و يعجبني و أخيطه وألبسه و ماحد يتجرأ يقول : ((بس)) يبي له جسم!:humm:

:confused:

:
:

يلللااا يلللا كل بطة تدخل تكتب أسبابها خلونا نخليه ملف للفضفضة
و التشجيع خلونا مع بعض نزيد كرهنا للسمنة القبييييحة

و راجعة باذن الله أكمل الأسباب اللي تدفعناااا للتخلص من الشحوم و اللحوم الزايدة

موضوع خطيير صراحه
انا ابي انحف عشان نفسي البس واكون مقتنعه بان اللي لابسته حلو ولايق علي
ابي اعيش عمري توني بالعشرينات
ابي اعجب بنفسي وابغى اسرق نظرات زوجي واللي حوالي
وكمان السنه هاذي بنتي صار عمرها 5 سنين وصارت تشوف اني دوبا
تقول ماما ليش مانتي زي خاله
لان اخواتي اجسامهم حلوة ماعليهن ماشاء الله
بس الان انا حامل وكلها كم شهر واولد وراح باذن الله ارجع لهالقسم واشد حيلي عشان انحف..