شاركي في النقاش

سجلي الدخول لإضافة تعليق.

التعليقات

6,785
  1. صاحبة الموضوع
    احم احم

    انا طبعي حنونه مره ورحوم وقلبي كبير وكل ابو شي زين ماعدا اني عصبيه جدا افقد السيطره احيانا واصل الى حد الجنون ان كنت حامل
    اول ماتزوجت كنت مسالمه جدا وما ااذي احد والامور ماشيه عادي وريلاكس على طول

    المهم حملت باول ولد على طول وكان هادي الى هنا الوضع تمام وكنت اخاف عليه خوف مو بسيط كنت اروح للناس واجي والولد في حظني ما اخلي احد يشيله ولا احد يحبه وكنت احاول اتجمل وانا اغلي من جوا كنت اقول لامي ان صار فيه مناسبه مابي اروح اني مابي افشل احد ولا ودي يحبحبون فيه ويشيلون فيه لان كان عنده اول مانولد مشاكل صحيه والعدوى باي فيروس تضره ومو من صالحه
    حملت بالبنت وعمر الولد اربع شهور يعني لسا صغير لحد ماجات البنت وهنا بدات المعاناة البنت صيوحه لابعد الحدود وقلقانه اربع وعشرين ساعه وكانت تجبرني اني اشيلها على ايدي اربع وعشرين ونفس الشي الولد ان محتاج حنان صغير ماكان يمشي ومحتاج عنايه خاصه هذا كله وعمري 19 سنه وصرت احاول ارضي الجميع زوج بيت اطفال لن يد وحده ماتصفق
    قدمت على شغاله وجتني وانحلت نص المشكله صار همي عيالي وزوجي لاكن صار الولد نفس اخته استنكر الوضع وين اللي كانت تهتم فيني وتخاف علي والحين اربع وعشرين مرمي لان الحضن شاغلته البنت اللي مشغله السفتي اربع وعشرين حتى النوم مو متواصل كل 10 دقايق تصحا
    وعلى هالحال 3 سنين متواصله
    خلال هالثلاث سنين حسيت اني كارهه عمري ومهمله نفسي وضايعه بين هالبزران ومادري وش اسوي فصرت اضغط عليهم مره اضرب واعصب وصرت قاسيه عليهم مرره مع اني ادري ان هذا غلط وصرت اربع وعشرين متنرفزه ومتضايقه اطلع اروح اجي ما انبسط
    كنت مهتمه باكلهم بشربهم لبسهم ومظهرهم اخاف عليهم لاكن مافيه حنان ابد سطحيه جدا في التعامل معهم وصاروا الاطفال بالنسبه لي مصدر رعب من بعد ما كانوا عيالي صغار ماشلت اي طفل غيرهم ولاحبيت اي طفل غيرهم
    مع الوقت حسيت ان فيه زي الحاجز بيني وبينهم احاول اكسره ماقدرت
    احيانا اقعد اصيح ودي اضم ولدي ودي ابوس بنتي بس فيه شي يمنعني وحسيت ان هذا الشي اثر على نفسياتهم صاروا صياحين حركين بزياده عصبيين نومهم قليل
    مع ان الناس ان شافوني حسوني ام مثاليه للاسف وانا بس ما اسوي الا واجبات فقط مظاهر فقط ولا من ناحية التعامل صفر للاسف
    جبت الولد الثالث والرابع ونفس الشي تعاملي مع الكبار سطحي جدا
    احس ان مع الاثنين الصغار اهون بكثير عطيتهم حنان اكثر من الكبار لكن مازال فيه حاجز
    اخذت دورات عن تطوير الذات كلمت مستشارين راسلتهم اشتكيت لهم عطوني دروس واليات وطرق التعامل وشلون افكر لكن ماش صلحت احوالي مع الناس كلهم
    اهلي زوجي صديقاتي خواني واللي حولي لكن عيالي لا مادري ليش
    قسم بلله يجيني ايام اقعد اصيح اقول انا طبعي حنونه جدا لو اشوف قطوه قعد اصيح ليش عيالي بعيده عنهم وخصوصا الكبار
    واتعذب اذا قالت البنت يمه ليش ماتضمينا
    وش اتعذر فيه اقول هاااااااااو انتي كبيره عيب يوم كنتي صغيره ضميتك لما قلتي بس مع اني عارفه انها ماتذكر لحظه ضميتها فيها

    الحين الولد الكبير بخامس والبنت برابع وكل يوم يصعب الوضع لانهم كلمالهم يقربون من مرحلة المراهقه اللي يحتاجون فيه لحنان اكثر
    واللي يخليني ارتاح نوعا ما ان ابوهم معطيهم وجه شوي لاكن مالحضن الام بديل

    اللي جرحني يوم كنت حامل في ولدي الرابع كانت نفسيتي صفر مجنونه الا دقيقه انهيااااااااااار تقدرون تقولون بس صياح وعصبيه من حملت فيه لين ولدته المهم كنت ذاك اليوم اصعب يوم مر علي للاسف من مجاميعه ضغوطات تعب كل ابو شي نمت وانا اصيح
    وانا نايمه حلمت اني اصيح وكاني ادور امي طلعت لقيتها تصلي على سجادتها جيت طبيت عليها وضميتها بقوه قسم بالله ان طعمها للحين يوم صحيت من النوم لقيت نفسي مسفهله ومبسوطه ونفسيتي زينه
    كل ماذكرت ذا الحلم اقول اكيد عيالي بحاجة ذا الضمه هذا انا طيحت اللي في خاطري كله وهو حلم وشلون هم


    اتمنى اللي كتبته مايغير نظرتكم فيني لكن من الشجاعه اني اكتب واعترف وصدقوني قلبي وسيع للنصايحكم وانا فعلا ودي اتغير
  2. صاحبة الموضوع
    صباح الخير بنوتات
    ابد موجوده بس قاعده افضفض

    وش قاعدين تتناقشون فيه
  3. صاحبة الموضوع
    الدانه $$$
    بعد اذن ريميه موضوعنا اليوم مره مهم بس ما وفقت لصياغه جيده ودي اناقش اسباب هالخجل وعواقبه لاني صراحه بفتره المراهقه استفدت من حب ابوي وكلامه العسل اللي خلاني اتعلق به زود وصار هو الشخص اللي امتلك كل اعجابي فلو فرضنا ان البنت انحرمت من…
    شوفي فضفضتي الدانه وتعرفين
    ان شعب الجزيره العربيه جدا جاف يمكن هالقسوه والجفاف اللي فينا استمديناها منها
    (نتعذر بهالشي )

تابعي تجارب أخرى من هذا القسم.