مشكلتي مع السمنه الي ذبحتني الله يوفقكم ادخلووا

نفس الكلام

غيري نظام اكلك

حبيبتي راح اقولك قصتي انا كنت قبل اتزوج قبل 9سنين تقريبآ وزني81كرهت حالي وماكنت اروح للعزايم واذا فيه مناسبه لازم احضرها والله انه يضيق صدري ماادري وش افصل والجاهز مايجي قدي واصلا انا ماتناسبني الموديلات لان سمنتي فوق وتخيلي صدروبطن وانا لسى بنت مو متزوجه وابالكليه ماكنت القى بلايز مقاسي لان السوق قبل يختلف مايجيبون المقاسات الكبيره اما الحين على كيف الدبدوبات وعندي اختين اصغرمني كلهم جسمهم جنان خيال تعبت حيل من نفسي والخطاب يجون لاختي الاصغروزود على هذا كانت جميله جدا سبحان الله كنت اشوف نفسي قبيحه لمااطالع المرايه من النفسيه الزفت وانحرج ودي الموت ياخذني لما يجون خطاب ويطلعون لاختي طبعا هي توأم روحي احبهابس الاحراج خصوصآ قدام ابوي واخواني وكل اللي بعمري تزوجوطبعآ ماكنت كبيره كنت لسى متخرجه وانا هلاحساس معاي من دخلت الكليه ولازمتني سمنتي الى23ولما دخلت 24وكنت وقتها بس قاعده بالبيت اخذت الشهاده وماحد خطبني قررت اسوي رجيم لاحظي ان ذاك الوقت مافيه وعي زي الحين ومافيه نت وتجارب البنات اللي تشجع وماشفت احد على واقعي شافته عيني نحف ولا كان فيه الرابح الاكبر اللي واحنا ببيوتنا يشجعونا وبدت رحلتي الشاقه طبعآ تعب وصعوبه تواجهك بس الحلو بالعمر هذا ينزل الوزن اسرع من بعد30يكون الحرق اقل اول شي جربت الكيميائي كنت موصيه على كتابه من خارج السعوديه لانه ماكان ايامها موجود عندنا سويته بس ماطولت عليه يمكن ثمان ايام ونقصت 3كيلو طبعآ من شفت السبعين تشجعت وصرت اخفف باكلي كثيرماأكل الحلويات والمشروبات الغازيه والرز والفطايروالدهون كلها ابتعدت عنهاوأكل فواكه وخضروات وفتره اذا ماكانت متوفره كنت اذا صحيت الضحى او الظهر ماافطر كنت اخذ صحن من ايدام اهلي حق الغدا وقطعة دجاجه وخضرة خضرا ونصف خبزه والعشا نص خبزه وحبة جبنه وطماط وجرجير او كراث اوبقدونس اي شي تحبيه وكوب شاي بسكر دايت ونقصت كثير يعني اعتمدت نص خبزه في الغدا والعشا مع اي شي خفيف طماطم مقليه مع بصل او تونه اوبيضه مسلوقه وشرايح طماط اوبابا غنوج انااسويه بدون زيت اوشكشوكه بطماط وبصل كثيروحبة بيضة بس وغيرت كل مره اتبع شكل حتى نحفت ووصلت تخيلو كم





59 وبعدين ثبت على الستين وياسبحان الله صار الكل يتمناني وصرت انخطب وارفض من ثقتي بنفسي ان راح يجيني افضل وصرت البس بنطلونات وجينز وقصير وحركات واستريتش وضيق وتزوجت قبل اختي وسويت حركات بزفتي وشغلات خيال وزواجي صار حديث مدينتنا ولما اطالع المرايه احس بجمالي وادلعت على زوجي وكان لما يرجع من بره وانا لابسه حركات تنوره جينز قصيره مررره وبدي احمرشفاف وشبشب اصبع احمر اواكون لابسه شورت قصيروبدي كان يشيلني من الارض ويقول والله مافي مثل رشاقتك ولياقتك بهالكون ربي اكرمني فيك ويحط ايده على بطني ياسلام غزال ضامر:27: وانا بقلبي اقول آه لو تدري عن ذيك الشحوم والبطن والله انك ماتقدر تحركني واللي يقهر اختي الصغيره تكلمني في الجوال وتسمعه يدلعني ياغزالي تقولي هو عارف انك كنت دبه خليتي شحومك عندنا كنت فيل وجيتيه غزال وتهددني لازم اجيبلها شوكليت او ترسل صورتي وانا دبه لزوجي واسويلها اللي تبيه وانا مغمضه:35:
الخلاصه لايضيع عمرك وانت كل يوم ببدا رجيم ولازم يكون التاريخ واحد ويكون سبت اتركو هالحركات وابدو بدايه صح ولايغريكم شي حتى لو عندكم مناسبه وذبيحه محمره ورز وعليها مكسرات وبيض وايدامات وسلطات وببسي وبجنبها محاشي آه اشتهيتها :44:كنت اترك هذا كله واكل اللحم بس شدي حيلك ياقلبي ولاتجوعين نفسك حيل ايام كثيره لانه راح تنهارين وتضعفين قدام الاكل انا مجربه هالشي
نسيت اقولكم لانه اكيد راح تسألوني نحفت تقريبا بثمن اوبتسع شهور وكنت اشرب الشاي الاخضر بدون سكر
المفاجأه يابنات اللي راح تزعلكم اني انا الآن وبعدست سنوات من زواجي وزني83أتمنى ماتهزؤني لاني عن جد صحيت لعمري وقاعده اسوي رجيم والحمد لله نقصت 3كيلووماراح اوقف الى ماأصل60واشوف نفسي حلوه بعين زوجي لانه بصراحه ماعاد يطري جمالي وزعلت على نفسي:mad:بس الحمدالله يحبني:27:

^^

كلآآآم والله يشششجع كانك عايشه معي وشايفه ظروفي ..
من جد اختي الي اصغر مني مطلووبه اكثر بحكم رشاقتهآآآ ..
بس ياقلبي من عرفت نفسي وانا من رجيم لرجيم لدرجه ان الحديد عندي نازل وفقر دم ذبحني
وللاسف انا بزياده مو نقصان مع العلم اني كل يوم امشي ساعه ونصف على السير واكلي صحي ولاني من الي ياكل رز ولحم ودجاج لا الحمدلله مااكل هالوجبات والشيبسات والمياه الغازيه مااتطب بطني
واكل المطاعم مااكثر منه يعني بشهر مرآآ اذا كثرت ..
واغلب اكلي خضروات واشياء مفيده بس للاسف ماانحف كل يوم عن يوم ازززيد ..