يا بنات مصر ساعدونى أين أجد لوازم الكورشيه؟

ايوه يا هبه متهيألي اسمها التربيعه
اما التاكسي فانتي هاتقوليله انا عايزه اروح الحسين وممكن تنزلي عند كوبري المشاه يعني تبداي من اخر الشارع لان فيالغالب التاكسي مش هايرضى يمشي من تحت يعني هايطلع الكوبري وينزلك عند قدام كوبري المشاه ويبقى غلى يمينك الغوره وعلى شمالك الحسين تقومي لفه ومديه ظهرك للمستشفى بتاعة الحسين وتبقى الغوريه على شمالك والحسين على يمينك
وتعكسي الخريطه
فهمتي حاجه؟؟؟؟؟؟؟؟؟؟؟!!!!!!!!!!!!!!!!

ايوه يا ام يوسف فهمت طبعا :)
كتر الف خيرك يا مروه ما نتحرمش منك ومن مساعدتك
اظن صاحبه الموضوع زمانها بتقول مين دول ؟ ايه دول؟ بيعملوا ايه هنا؟؟!

شكرا جزيلالالالالالا

هي فرولايه فين تشوف الهنا للي بقت فيه

السلام عليكم و رحمة الله و بركاتة
اية الجمال دة يا بنات انتو هايلين دموعي نزلت لان مصر وحشتني جدا
و وحشني الناس الحلوة دي و التعاون الجميل و يارب دايما متعاونين و بنحب بعض
وصفتك رائعة يا ام يوسف و اول ما انزل مصر حروح علطول انا عايزة اشتري قماش كتان اللي ينفع يتعمل علية ايتامين عارفينوة لو شفتو موضوع التطريز المغربي هو نفس القماش رائع للمفارش بس مش عارفة الاقية فين على فكرة انا مجنونة بالكروشية و الخيوط و الابر و مفيش اي علاج جاب نتيجة معايا

دة القماش اللي بقول عنة ياريت تكون واضحة اتمني تقولولي الاقية فين
و شكرا لكم