شاركي في النقاش

سجلي الدخول لإضافة تعليق.

التعليقات

146
  1. بنات انا عندي ماساة اني اداوم بالجامعه وشرب العصير يسبب .... ومااحب وانتم بكرامه دورات مياه الجامعه يصير من بعد الظهر لحد الليل اشربه هو والمويه ولا لازم الصباح وكيف اوقاته افيدونن جزاكم الله خير
  2. صاحبة الموضوع
    أشـــــكر كل البنات اللي أنظموا وكل اللي شاركو وإن شاء الله بنشجع بعض وبالتوفيق لنا جميعاً

    والشكر موصول لإدارة المنتديات على التثبيت للموضوع

    يعطيكم العافية يابنات وبجاوب عالأسئلة برد واحد لأن الردود كثيرة يسلمكم ربي

    ممكن اسوي كوكتيل يجمع هالعصاير مع بعض

    ممكن ياقلبي بس على كذا بيكون كوب واحد احنا لنتيجه سريعة نحتاج 3 أكواب خلال اليوم

    بسألك ماحددتي الكميات ,,,يعني أقدر أسوي عصير كوكتيل:
    جزره + برتقاله + قبضة بقدونس؟؟؟


    أيه تقدرين تسوين كميتك براحتك ولكن بعصارة الجزر هالكمية ماراح تكون نص كوب.

    بالنسبه للكمية اللي أنا أسويها أنا أشربه خالص لجل كذا لازم كمية أكبر يعني عصير الجزر 7 حبات جزر بعصارة الجزر تجي كوب لأنه يعطيك العصير زي الموية .

    وأنا يابنات أنصحكم للإستمرار لا تستخدموا الخلاط لأنه بيعطيك خليط غليظ ماتستطيعين شربه وأنا جربت الخلاط وماستمريت عصارة الجزر تعطيك العصيرات صافيه أريح لك وأريح للجسم على طول يمتص الفوائد من السائل مايجلس يصفيه وسلبية عصارة الجزر تحتاج كميات أكبر من الخلاط لجل تحصلي على كوب عصير واحد.

    ولا ننسى إنها تأخر التجاعيد وهذا أهم شي

    معاك حق أنا أخترت هالنوع من العصيرات لأنه أكثر شي غنية بالفيتامينات وخاصة البقدونس لو يعلمون البنات فؤائد الإستمرار عليه ماكان كرهوا طعمه وحله أنه يكون كوكتيل مع الجزر وبالنسبه لي تعودت أشربه لوحده خالص بس أهم شي يكون معصور بعصارة الجزر بالخلاط لا يطاق نهائي.

    انا اسوي الشراب الاخضر عباره عن بقدونس - سبانخ - جزر - زنجبيل - خيار - جزر - تفاح- كرفس - ليمون
    واشربها على الريق بس مالاحظت
    شي في بشرتي
    والبرتقال اكله يوميا وبرضو مالاحظت شي


    البنات ماقصروا يعطيهم العافية ردوا عليك بس تأكدي الأشياء الطبيعية تحتاج وقت واحنا أهملنا الأكل الصحي عمر وإذا نبي نرجع نهتم نحتاج وقت وبالنسبة لك فعلا تحتاجي مويه بكميات كبيره خاصة أن السبانخ يسبب أملاح بالبول خاصة عند النساء أنتبهي يعني عليك بالمويه ولو تقدرين تلغين السبانخ من الطريقه ألغيه وأستخدمي السبانخ مطبوخ .

    طيب ممكن تعطين طريقه عمل عصير البقدونس والجزر؟؟

    مافي طريقة ياقلبي خالص بدون أي شي لا ماء ولا سكر

    الطريقة:

    البقدونس نص حزمة كبيره تغسليها جيداً وتعصريها بعصارة الجزر وتشربيها مباشرة قبل تفقد أي شي من قيمتها الغذائية ولاتنسون يابنات السيقان في البقدونس تراها مهمه جداً يعني أعصريه كامل السيقان مع الأوراق فقط إذا غسلتيها قصي نص سم من السيقان والباقي أعصرية لأنه غني جدا وهو غذاء الأوراق.

    والجزر نفس الشي وإذا بتسوينهم كوكتيل براحتك

    تيب الجزر والبقدوونس ماينفع اكلهم؟؟ عارفة نفسي مارح استسيغهم عصيررر

    عادي ياقلبي بس أحنا تعودنا على السلطة ومافيه نفس النتيجة اللي لاحظتها بأسبوع مع العصير

    إيجابيات العصير أنه كمية كافية لفائدة الجسم والشرب أسهل من الأكل خاصة لنا الخليجين مانحب الأكل المفيد بطبيعتنا
    وماتقدرين تستسيغينهم لأنك ربما تستخدمين الخلاط

    يصير من بعد الظهر لحد الليل اشربه هو والمويه ولا لازم الصباح وكيف اوقاته افيدونن جزاكم الله خير

    أيه يصير يالغالية الوقت اللي تحبين وفعلا البقدونس معروف من فوائدة الصحية أنه مدرر للبول الله يكرمك وهذي فائدة مو سلبية ولكن وقت الدوام لاتشربيه مثل ماقلنا كل وحده تختار أوقات تناسبها


    ويعطيكم العافية يابنات وخلونا نفيد بعض ومو بس صاحبة الموضوع اللي تجاوب ولاتاخذون الإذن يالغاليات كلنا نتناقش ونسأل ونستفيد من بعض وأنا محتاجة لتجاربكم أيضاً

تابعي تجارب أخرى من هذا القسم.