شرحات اللحمة باليمون والصوص

مرحبا حوائيات هذةاول مشاركة لي وأرجوا منكم التفاعل وتشجيعي

المقادير /لحم مفروم,شرائح بطاطس ,شرائح بصل, ثوم مهروس, عصير3ليمون,طحين,ملح,كمون, فلفل اسود,بهارات, مويةدافية

الطريقة /نضع اللحمة المفرومة في بادية وسيعة شوي ونحط عليها شوي ملح وفلفل اسود وبهارات اللي تحبينها وشوي طحين ونعجنها مع بعض ونبدا نكورها ونشكلها على شكل شرايح بس ثقيلة شوي ماتكون رقيقة ونتركها ترتاح شوي

تجيبين قدر وتحطين فيه شرايح البصل والثوم المهروس وشوي زيت وتقلبين لحد مايلين البصل شوي بعدين حطي عليه البطاطس وقلبيها شوي وحطي عليها مويةوملح وفلفل اسود والكمون وحركيها وخليها لحد مايستوي البطاطس ثلاثة ارباع استوى بهالوقت جيبي بادية صغيرة وحطي فيها 3ملاعق طحين وتقريبا كأس موية كبير وحركيها وبعدين حطية على البطاطس والبصل وحركي بسرعة لانة بيثقل (لاحد يقول ماقلتي انه بيصير ثقيل)
واذا كان ثقيل مرة زيدي شوي مويةواذا تماسك مع بعض صبي علية عصير الليمون وخليه يغلي شوي

بهالوقت جيبي صينيه وحطي فيها شوي زيت وصفي اللحمة اللي سويتيها شرايح وقلبيها الين تتحمر من الجهتين وبعدين جيبي خليط البطاطس وصبيه على اللحمة وقصري النار عليها وخليها تطبخ لحد ماتستوي اللحمة وتصير الصوص ثقيلة وبالهناءوالعافية
اتمنى تعجبكم ياليت تجربونها وتعطوني رايكم بصراحةهي بالشرح تبين طويلة بس بالعمل سريعة

ملاحظة /احيانا احط شرايح فطر مع البطاطس والبصل يطلع الطعم رووعة

معليش مافي صور انا جديدة وماأعرف احمل ياليت تعلموني عشان افيدكم مثل مافدتوني


انتظر ردودكم ياحلوين:)

9 تعليق 3,229 مشاهدة

شاركي في النقاش

سجلي الدخول لإضافة تعليق.

التعليقات

9
  1. @anth_dlooooaah

    يعطيييك العافيه
    مبين لذيذه
    وبالنسبه للصور افتحي مركز تحميل حواء


    فوق بالصفحه
    وحملي بعدين انسخي الرابط الثاني اللي يطلع لك
    ولصقيه بالموضوع وبس
    ننتظر مواضيعك ياعسل
    :)

تابعي تجارب أخرى من هذا القسم.