زوجج ما يطلعج؟؟ تعالي نشوف ليش!

والله جيتي علي الجرح انا ببقي هتجنن علي الخروج(الطلعه)
بس احنا عايشين مغتربين عن بلدنا
وهنا البلد هاديه قوي فعلطول في البيت!!!!!!!!!!!
والحمد لله ملوش اصحاب كتير هنا يخرج معاهم

أم ميثا
يوه يوه انتي يبالج موضووووووووع بروحج دامه متعود على ربعه
وبصراحه صعب صعب يتغير "لكن مب مستحيل"

في ريايل جذيه خلاص تعود انه الوقت الفلاني عند الربع!!
إدمان، أنا أشوف أخوي أحيان من تظلم الدنيا يقعد يتحرقص
يعني لو عندنا عزيمه في البيت أو أمي يايه من مكان بعيد
وملتزم يقعد .. تشوفينه كل شوي يطالع الساعه وخلي عاد تسنح
الفرصه "يالله يالله نترخص عنكم"

قعدي عنده وسمعي سوالفه عن ربعه.. قوليله حلوه علاقتكم
ماشاءالله ولماتكم !! (عياره عشان يطلع كل اللي عنده هناك)
بيقولج نسوي كذا ونقول كذا ...

وديري بالج وحذاري تقوليله أوف من ربعك دومك عندهم! أو تبينين
له انه هالوضع مضايقج هني يحس انه هو في وادي وانتي في وادي!!

لا ممكن تقولينها بأسلوب حلو احيان إذا سولف لج عنهم تقولين يا حظهم
احسدهم .. ولا يا ليتني ربعك ... ولا تدري يا فلان أحيان اغار منهم بس
بس المهم يكون أسلوب مؤثر يلامس قلبه بغزل مب بلوم !!!

طبعاً هالأمور ما بتحل المشكلة لكن بتقربج من الحل..

غييييييير ذلك يا حبيبتي لا تقعدين تندبين حظج شوفي شو يحب
وسويله مفاجآت حلوه في البيت خليه يحب يرجع البيت!!
بتقولين سويت كذا وكذا مافي فايده لا حبيبتي مشكلتج مب سهله
يبغيلها وايد شغل

يالله اني اعرف وحده من زمان !! شو كانت تقول ؟
تقول ريلها مدمن تلفزيون @@ يعني تلوع جبدها
من كثر مب مقابل الشاشه!! إذا مب مقابل الشاشه قاعد
يصلح القنوات. إذا ما يصلح القنوات قاعد يدور قنوات يديده!

وحاطلها التلفزيون في غرفة النوم !!

قالت قمت يبتله مكسرات وسويت قعده مقابل التلفزيون قعده مريحه
وهيأتله جوه أحسن تهيء.. وتميت اقعد معاه واتابع لو مب حابه
شوي شوي بدا يطنش التلفزيون ويقعد عندي يسولف !!

وحطي في بالج ربعه مب دايم بيتمون الزمان سبحان الله يفرق
وكلن بينشغل!! ريلي كان يقولي قبل كانوا يتجمعون مجموعه
ومستحيل يتفرقون بس سبحان الله كلن اللحين راح في طريقه
وصارت اللمات في المناسبات بس

موضوعك حلو..

الله يكملك بعقلك..