يا اختي العامرية معليش بالتفصيل ......!!!! صعبة شوية
والبداية بالتقبيل .......وعارفة انه صعب عليك وامكن اذا قلتيلها تجي تقبلك تحس كانك تضحكي عليها لانه هي ما اتعودت
وبعدين يقولو اكل اللوز حبة حبة
وفي اول حبة اضغطي على نفسك ......انت قراتي موضوع طفلك اين مكانه من قلبك؟؟
اذا قراتيه حاولي تنفذيه يسهل عليك الامر لانك قاعدة تتخيلي انك تقبلي البنت البيبي اليي شفتيها اول مرة
وياليت تكتبي ردك هناك عشان نقدر نناقش الموضوع احسن
كمان الظاهر ان الوضع عندك مرة خربان فانت احرصي انك تصلحيه شوية شوية مو دفعة وحدة
يعني مرة وهي راجعة من المدرسة سلمي عليها وخديها اتكلمي معاها وخليها تحكي ايش سوت اليوم
وبعد العصر جيبي دفتر تلوين وخدي رسمة وهي تاخد رسمة واقعدو لونو فيها
وحاولي تقضي معاها اطول وقت في شي خاص انت وهي بس .........ويا حبذا يكون فيه احد يمسك الصغير عنكم
ممكن تاخديها نزهة مشي على الرجلين برة البيت شوفو فيها علامات الربيع......تراها مو كتير بس زهور بيضا في اشجار النيم.....وشوية اوراق خضرا على الاغصان
اول خطوة دحين ..........تقضي معاها وقت اطول......لاحظي مو طويل ..اطول من العادة
ان شاء الله نكمل في الموضوع الخاص بحب الطفل عشان تعم الفائدة
كمان احاول اكمل معاك اليي اقدر عليه لاني مسافرة عن قريب وامكن ما اقدر ادخل على الانترنت في فترة سفري ......ابغاك تشدي حيلك معايا :27:
وتلسمي ..........
والله دايما ادعيلك ......وترى حاسة بمعاناتك لانه في وحدة اعرفها تعاني نفس معاناتك
طفلك .. هل تجلسين معه .. تحاورينه .. ؟؟
متابعة النقاش، صفحة 10