رحت توضيت وصليت بعد ما خلصت تسندت على طرف السرير
وانا احس راسي مصدع من كثر مابكيت بعدوقت
سمعت امي تدق الباب قلت ادخلي يمه
دخلت امي وهي تبتسم
جلست عندي وقالت هاحبيبتي ان شاء الله ارتحتي هلحين
قلت الحمد لله ارتحت شوي بس احس راسي مصدع
قالت تبيني اجيب لك بندول قلت لا ما يحتاج يمه بيخف من نفسه بعد شوي
قالت امي نورة انتي ليش قافلة جوالك وماتردين على وليد
تو متصل على البيت يسا ل عنك
قلت طيب ليش ما قلتي له اني بقعد عندكم كم يوم لين يطلق زوجته
يعني لا يحا ول اني اتنازل و ارجع له هلحين
:قلت له بس هو ما قتنع بكلا مي ويقول اذا ما ردت علي بجي لبيتكم
واروح لها بغرفتها اتفا هم معها
انتي ردي عليه وتفاهمي معه ما راح ينط عليك من الجوال
صراحة خفت ينفذ وليد تهديده ويجي تنهدت بضيق وقلت خلاص
هالحين بفتحه
قالت امي زين انا بخليك ترتاحين وبروح اشوف وش صار على العشى
بعد ما طلعت امي فتحت جوالي ماكملت خمس دقايق الاهو يرن
نا ضرته وبعدين سحبت نفس وانا احاول اهدي نفسي قلت الو
جاني صوت وليد وهو مليان شوق ولهفة
هلاوالله حياتي ليش ماتردين انشغل بالي عليك
رديت ببرود هلا وليد بغيت شي
قال حبيبتي وش فيك كذا تغيرتي علي فيك شي تعبانة
قلت ايه تعبانة شوي ودي اقعد عند اهلي كم يوم
قال سمحيلي حبيبتي ودي اخليك تقعدين عند اهلك كم يوم
بس تعرفين اني ماقدرانا م وارتاح حتى شغلي مااقدر اركز فيه
وانتي بعيدة عني
قلت بس انا ما عندي نية ارجع لين تطلق زوجتك اذا جبتلي ورقة
الطلاق رجعت معك وغير هالكلام ماعندي
قال وهو يحاول يضبط اعصابه
نورة بلا حركات الاطفال هاذي هلحين منى وش جبها لك هي بمدينة
وانتي بمدينة بعدين تدرين اني مشغول ومنيب فاضي لدلعك
قلت وانا منقهرة من كلامه خلاص خلني عند اهلي علشان ترتاح مني
ومن دلعي
قال بحزم نورة بدون كلام زايد تجهزي بعد نص ساعة اكون عندك
مع السلامة وقطع الخط قبل ارد عليه
ناضرت الجوال وانا معصبة هلحين هو الي يخطي علي وبعدين يفرض كلامه
اف بس بوريه من تكون نورة طنشت وقمت طلعت من غرفتي
ونزلت عند امي ومها اشوف وش يسوون
لقيتهم يجهزون السفرة للعشى قلت اساعدكم بشي قالت امي لا ارتاحي خلصنا كنت بنا ديك تتعشين بس جيتي بوقتك
قعدنا نتعشا بس ما شفت ناصر قلت يمه وين ناصر قالت معزوم على زواج يقول لا تنتضروني على العشا
تعشينا وخلصنا رحت اغسل يديني وسمعت جرس الباب قلت بنفسي اكيد هاذا وليد
رحت وجلست في الصالة وانا ما عندي نية اطلع له
شفت امي راحت تفتح له وبعد شوي جت عندي
قالت نورة ترى وليد جا دخلته بلمجلس روحي له يقول وده يكلمك شوي
تنهدت بضيق يمه ما ودي اروح له تكفين خليني على راحتي
روايــــــــــــــــه انـــــا وزوجي
متابعة النقاش، صفحة 14