شاركي في النقاش

سجلي الدخول لإضافة تعليق.

التعليقات

198
  1. @dlaa_algnob_2

    صاحبة الموضوع
    رحت توضيت وصليت بعد ما خلصت تسندت على طرف السرير

    وانا احس راسي مصدع من كثر مابكيت بعدوقت

    سمعت امي تدق الباب قلت ادخلي يمه

    دخلت امي وهي تبتسم

    جلست عندي وقالت هاحبيبتي ان شاء الله ارتحتي هلحين

    قلت الحمد لله ارتحت شوي بس احس راسي مصدع

    قالت تبيني اجيب لك بندول قلت لا ما يحتاج يمه بيخف من نفسه بعد شوي

    قالت امي نورة انتي ليش قافلة جوالك وماتردين على وليد

    تو متصل على البيت يسا ل عنك

    قلت طيب ليش ما قلتي له اني بقعد عندكم كم يوم لين يطلق زوجته

    يعني لا يحا ول اني اتنازل و ارجع له هلحين

    :قلت له بس هو ما قتنع بكلا مي ويقول اذا ما ردت علي بجي لبيتكم

    واروح لها بغرفتها اتفا هم معها

    انتي ردي عليه وتفاهمي معه ما راح ينط عليك من الجوال

    صراحة خفت ينفذ وليد تهديده ويجي تنهدت بضيق وقلت خلاص

    هالحين بفتحه
    قالت امي زين انا بخليك ترتاحين وبروح اشوف وش صار على العشى

    بعد ما طلعت امي فتحت جوالي ماكملت خمس دقايق الاهو يرن

    نا ضرته وبعدين سحبت نفس وانا احاول اهدي نفسي قلت الو

    جاني صوت وليد وهو مليان شوق ولهفة

    هلاوالله حياتي ليش ماتردين انشغل بالي عليك

    رديت ببرود هلا وليد بغيت شي

    قال حبيبتي وش فيك كذا تغيرتي علي فيك شي تعبانة

    قلت ايه تعبانة شوي ودي اقعد عند اهلي كم يوم

    قال سمحيلي حبيبتي ودي اخليك تقعدين عند اهلك كم يوم

    بس تعرفين اني ماقدرانا م وارتاح حتى شغلي مااقدر اركز فيه
    وانتي بعيدة عني

    قلت بس انا ما عندي نية ارجع لين تطلق زوجتك اذا جبتلي ورقة
    الطلاق رجعت معك وغير هالكلام ماعندي

    قال وهو يحاول يضبط اعصابه
    نورة بلا حركات الاطفال هاذي هلحين منى وش جبها لك هي بمدينة
    وانتي بمدينة بعدين تدرين اني مشغول ومنيب فاضي لدلعك

    قلت وانا منقهرة من كلامه خلاص خلني عند اهلي علشان ترتاح مني
    ومن دلعي

    قال بحزم نورة بدون كلام زايد تجهزي بعد نص ساعة اكون عندك

    مع السلامة وقطع الخط قبل ارد عليه

    ناضرت الجوال وانا معصبة هلحين هو الي يخطي علي وبعدين يفرض كلامه

    اف بس بوريه من تكون نورة طنشت وقمت طلعت من غرفتي

    ونزلت عند امي ومها اشوف وش يسوون

    لقيتهم يجهزون السفرة للعشى قلت اساعدكم بشي قالت امي لا ارتاحي خلصنا كنت بنا ديك تتعشين بس جيتي بوقتك

    قعدنا نتعشا بس ما شفت ناصر قلت يمه وين ناصر قالت معزوم على زواج يقول لا تنتضروني على العشا

    تعشينا وخلصنا رحت اغسل يديني وسمعت جرس الباب قلت بنفسي اكيد هاذا وليد

    رحت وجلست في الصالة وانا ما عندي نية اطلع له

    شفت امي راحت تفتح له وبعد شوي جت عندي

    قالت نورة ترى وليد جا دخلته بلمجلس روحي له يقول وده يكلمك شوي

    تنهدت بضيق يمه ما ودي اروح له تكفين خليني على راحتي
  2. @trouble_maker_1

    مشكووووورة يادلع الجنوب على الرواية الرائعة ... بس أحس أني تلخبطت .. الله يجزاك خير ياديزني لاند خلي دلع الجنوب تكمل عارفين أنك سويتي كذا بحسن نية بس ياقلبي تلخبطت مدري أقرى منك ولا من دلع الجنوب ...
  3. @dlaa_algnob_2

    صاحبة الموضوع
    لا ياحبيتي اذا كان الموضوع لها اقري لها بس تابعي معي واللي سوته مو بحسن نيه الا ....
  4. @dlaa_algnob_2

    صاحبة الموضوع
    جلست امي جنبي وقالت يا نورة ياحبيبتي ترى المشاكل بين الزوجين ما تنحل بلعناد

    ولا تحسبيني راضية انهم ما قا لولك انه متزوج بس هذا الي حصل ولا نقدر نغيره

    وبعدين لازم تتفهمين ضروفه يمكن يكون مشغول باله حبيبتي تعوذي من الشيطان
    وروحي له

    قمت وانا منقهرة يعني لازم يتمم كلامه ناضرت شكلي بمراية الصالة
    الحمد لله ان جمالي طبيعي بدون غرورحتى لوكنت ما حطيت أي مكياج
    كنت بالجلابية الي جيت فيهاوشعري مرفوع باهمال وطايح على وجهي كم خصلة

    رحت ودخلت المجلس شفت وليد كان جالس ومنزل راس ومسنده بايده

    تنحنحت وقلت السلام عليكم

    انتبه لي وقام واقف هلا والله بحياتي الي ماقدر اعيش من دونها

    جلست وصديت بوجهي وقلت ايه هين العب علي بكم كلمة

    جاوجلس جمبي حط ايده على كتفي
    وقال والله ما العب عليك هاذي الحقيقة

    قلت بدلع طيب ليش جيت وانا اقولك ابقعد عند اهلي

    مسك وجهي وهو يناضر عيوني بحب قال تقعدين عندهم واهون عليك وانا اتعذب
    وما اتهنى بحياتي من دونك

    قلت المشكلة انك ما تهون علي

    ابتسم لي باتسامة انتصار وقال اجل اذا كنت ما اهون عليك يا الله حياتي
    تجهزي وانا بنتضرك لين تخلصين


    قمت من عند وليد ورحت شلت اغراضي البسيطة الي جبتهم معاي رتبت شكلي ولبست
    عبايتي ورحت سلمت على امي ورحت لوليد وقلت ياالله انا جاهزة

    قام وركبنا السيارة ورحنا لبيتنا بعد ما رجعت كنت مصممة اني ما اخلي منى
    تخرب حياتي مرة ثانية

    بعد كم يوم اتصلت منى كم مرة وكل ما تتصل اسكر السماعة وما اعطيها فرصة تتكلم
    وشكلها يأست ان اتصالها يجيب نتيجة وانقطعت اتصالاتها


    بعد اسبوعين من رجوعي للبيت قمت من النوم وانا احس بدوار براسي وغثيان
    حا ولت اقوم وحسيت اني بطيح على وجهي تمسكت بطرف السريروقفت وانا اتسند على
    الجدار الي يروح للحمام

    وصلت للحمام بعد جهد وانا احس بدوخة بعد ما طلعت من الحمام حسيت اني تحسنت شوي
    جلست على السرير وسندت راسي اخذت جوالي واتصلت على وليد بعد كم رنه ردعلي
    هلا والله حبيبتي
    قلت بصوت مبحوح وتعبان هلا وليد انت مشغول هلحين

    استغرب وليد من صوتي قال بخوف نورة وش فيه صوتك تعبانة
    قلت لا بس يوم قمت حسيت بدوخة وغثيان وهلحين احسن شوي

    قال حبيبتي لا تتحركين من مكانك مسافة الطريق وجايك

    بعد ربع ساعة وصل وليد جا لعندي ناضرني وشاف وجهي الي صاير اصفر وذبلان
    قال يا الله انا بروح اجيب عبايتك عشان ا وديك للمستشفى
    جاب عبايتي وساعدني البسها مسك ايدي وهو يسندني فتح باب السيارة ركبت سكر الباب
    وركب هو حرك رحنا لمستشفى خاص دخلت عند الدكتورة فحصتني وسالتني كم سؤال
    وبعدين قالت لازم اخذلك تحليل
    خذتلي تحليل وبعد شوي طلعت النتيجة
    قالت الدكتورة وهي تبتسم مبروك طلعتي حامل مثل ما توقعت
    شهقت وانا مستغربة معقولة اكون حامل بهسرعة احس توني على الاطفال ومسؤليتهم
    نا ضرتني الدكتورة وقالت ليش مستغربة يا حبيبتي شي طبيعي تحملين اذا كنتي ما تستعملين موانع حمل
    قلت برتباك ادري شي طبيعي بس احس توي صغيرة على الحمل
    ابتسمت الدكتورة بتفهم وقالت لاتشيلين هم ان شاء الله بتقدرين تعتنين بنفسك وبلبيبي
    بس اهم شي انتبهي لاكلك يكون صحي ومغذي عشان ما ترجعلك الدوخة مرة ثانية
    وانا كتبتلك هالفتمينات تستعملينهم بانتظام وبكتبلك مراجعة شهرية علشان متابعة الحمل

    شكرت الدكتورة وطلعت من عندها وانا احس بوهن ورجليني يالله تشيلني
    طلعت لوليد ولقيته ينتضرني
    اول ما شافني طالعة جا عندي :قال هابشري وش قالت لك الدكتورة
    قلت بعدين اقولك اذا ركبنا السيارة
    بعد ما ركبنا السيارة التفت لي وقال وهلحين ركبنا ما ودك تقولين وش قالت لك الدكتورة
    قلت وانا ناوية احرق اعصابه
    بصراحة مادري وش اقولك
    قال وهوشكله خلاص بدا ينفذ صبره نورة قولي بسرعة وش قالت لك بدون حركاتك هذي
    قلت الدكتورة تقول اني حامل
    مسك بريك قوي شوي ولا صدمنا السيارة الي قدمنا
    التفت الي وعدم التصديق والفرح باين على وجهه
    قولي والله :قلت والله هذا الي قالت لي لش منت مصدق
    قال لا دبس احس توك بيبي ما اتخيلك تصيرين ام


    وصلنا البيت وجلسنا

    يقول
    ماني مصدق لانك صرتي حامل واني بصير ابو
    قلت وانا امسك بطني الحمدلله

    بعد كم يوم بدا الوحم يزيد علي ورحت عند اهلي وما وافق وليد اني اروح الا لما شاف حالتي وخاف يصير لي شي وهو موموجود
    جلست عند اهلي اسبوع ووليد كل يوم يتصل يتطمن علي
    بس في اليومين الاخيرات ما اتصل
    حسيت اني احسن شوي واني مشتاقة لوليد جت على بالي فكرة ليش ما اسوي له مفاجاة

    رحت استعد وانا احس بالاثارة وانا افكر بردت فعل وليد
    لما ادخل عليه بدون ما يدري اني ابجي خلصت لا بسة ومتجهزة
    واتصلت على ناصر وقلت له يجي يوديني لبيتي
    قال انزلي انا تحت عند امي
    اخذت شنطتي ولبست عبايتي كنت جايبة مفاتيح لبيتي احتياط
    اخذت المفاتيح ونزلت سلمت على اهلي وطلعت مع ناصر وصلني لبيتي

    و وقف ينتضرني ادخل طلعت مفاتيحي وانا احس برعشة بيديني وقلبي يدق بسرعة سميت باالله
    وفتحت الباب بشويش

تابعي تجارب أخرى من هذا القسم.