غدا سنقتل السمنة ...من تريد الانظمام الى العصابة!!!!!!

انا معاكم ان شاء الله
الوزن 91
الهدف الاول 80
الطول 156
والله ينحفنا جميع
مشكورة يا ام هديل
والله يوفق لك

هلا حبيبتي اسالي عادي بالعكس يسرني انك راح تبدي معانا بكرا

وزني كان 71 وطولي 162 وهدفي 54

تغييرات بجسمي بديت احس انه اتحسن واللبس يبين احلى عليا بس لسه ورايا مشوار لاني ما زلت اعتبر سمينه بالنسبه لعمري وطولي

واهلي لاحظوا انه نحفت برضو اما اللبس ما تغير المقاس لسه باقي انا باول المشوار وكمان لان انا سمنتي من تحت بس لاحظت فرق كبير لما اجي البس ما صرت اعاني وانا اقفل الازرار او السحاب وما اعاني لما ادخل البنطلون زي قبل 3 اسابيع كنت مضاربه عشان يدخل البنطلون :35:

اما دحين الحمدلله سريع سريع عقبال ما يصير يطيح البنطلون يااارب :35:



حبيبتي انا ما قلت الرجيم ما يضيع الكرش بالعكس الرجيم مفيد لكل جسمك بس انا بقولها لا تشربي الاعشاب مع الرجيم
لاني لما استعملتها الاسبوع التاني ثبتت وزني وما نزل فبقولها لا تشربيها مع الرجيم ثبت وزنك
ولو حابه تشربيها اشربيها بعدين مو دحين لو كنتي مصرة تشربيها لكرشك ولا شي وطبعا هي دحين بس لانها ما بدت وما شافت نتايج لكن لما تشوف النتايج اتوقع راح تصرف نظر عن الاعشاب :)

مالها داعي وعن تجربه :)


انا عموما سمنتي من تحت فاول شي يبين فيه النحف بجسمي هو المنطقه اللي فوق والاسبوع دا بديت الاحظ الفرق والاحظ النحف من تحت خاصه لما جونا ضيوف الاربعاء لاحظوا مرة فرق واني نحفت من تحت


شوفي انا لسه ما وقفت رجيم عشان اشوف لو رجع ولا لا انا لسه بكمل الاسبوع الرابع ويمكن بوصل للاسبوع الثامن لان هدفي اوصل للشكل اللي اتمناه ولو طالت المده هدفي بحققه يعني بحققه باذن الرحمن

ومن وجهه نظري اي رجيم سواء نزلتي بسرعه ولا بطيء لو نظامك بعد ما توصلي للوزن المطلوب ما تغير لو اكلك ما زال غير صحي ورجعتي للعادات السيئه لو ما حافظتي عليه بيرجع ودا شي اكيد

واهم من كدا لما توصلي للوزن المطلوب لازم تعملي نظام تثبيت الوزن قبل تبدي ترجعي للاكل الطبيعي اللي كنتي تاكليه قبل الرجيم

وشي تعلمته انا الشرب اثناء الاكل اكبر غلطة وعاده راح ابطلها لما اوصل لوزني المطلوب ان شا الله

اول مرة اسوي رجيم وما ادوخ ولا اتعب ولا افقد تركيزي بالدراسه والمحاضرات شعري اتحسن بالعكس بشرتي نضرة بس لو ابطل السهر كمان بتصير وااااو اروع واروع

ع فكرة دا مو كلامي انا بس كذا عضوة معايا بالجروب لاحظوا الشي دا في شعورهم وبشراتهم

غير كدا الرجيم ما حسسني باكتئاب مثل باقي الرجيمات


عن تجربه من سنتين سويت رجيم مده اسبوعين فقط ومحتوي جميع انواع الاكل من بروتين ونشويات وفواكه وخضروات وعصير او غازيات وحليب ومشتقاته وما انكر اني نحفت عليه 8 كيلو بالاسبوعين لكن ايش كنت مكتئبه تاثرت دراستي وتركيزي بمحاضراتي وما خلصت الاسبوعين الا انا طحت يوم وانا بالمطبخ اسوي غدا وما احس بنفسي غير بالمستشفى بسبب فقر الدم من الرجيم ولما وقفته رجعت لصحتي



اما رجيم ام هديل انا بدخل 4 اسبوع والحمدلله مافي اعراض دوخه وتعب بالعكس خاصه مع الموز احس بسعاده ههههههههههههه وما تلقيني غير انقز زي القرود اهلي واخواني الاعزاء فوق كل شجرة :35:



وياريت تنضمي لينا وجربي اسبوع ولو ما عجبك تغيريه بس جربي الاسبوع وشوفي النتيجه الخميس



وبالاخير اتمنى اكون قدرت اريحك واجاوب الاجوبة اللي تبغي تسمعيها
واكون ريحت قلبك ودعواتك لنا :26:

:35:



ام هديل عندي اقتراح ان شا الله ينال اعجابك :42:



بدل فكرة انه نسوي قائمه ونتلخبط مين معانا ومين لا ومين انسحب ومين موجود بس بطل يدخل وكدا
ايش رايك اللي تكون معانا سواء من البنات اللي دايما موجودين معانا او الجدد
بس تضيف رمز فريق صامدون في اسفل توقيعها لو امكن :35:

يعني مثل ما انا مسوية في توقيعي ويصير كدا راح نعرف مين اللي معانا ومين لا عشان نبطل نتلخبط ونقول مين معانا والقايمه تتنسخ كل شوية وتسوي حوسه

ها ايش قلتي :35:


شوفي انا استغنيت عن نص النص تبع توقيعي في سبيل الفريق :35: