السلام عليكم ورحمة الله
اسعد الله مساكم بالخير والرشاقه
اسفه امس مادخلت خلصت مشاركاتي بما اني مشتركه جديده
يومياتي لــ امس ...الفطور بيض مقلي وكاس شاي بسكر الحميه سويت اند لو
الغداء مشاوي مشكله + سفن دايت
العشاء دجاج مقلي .. شربت مويه لحد ماطلعت مع اذوني طبعا لازم في رجيم دشتي شرب الماء بـــ اخلاص اقل شي 2 لتر
بنات انصحكم في نظام دشتي احلى مافيه تاكلين لحد تشبعين
بااختصره لكم هو اربع مراحل طبعا انا في المرحله الاولى وهي اهم مرحله تقعدين فيها لحد مايبقى لك قرب الوزن المثالي كم كيلو يعني 3 مثلا
المسموح اللي تاكلينه جميع انواع البروتين وباي كميه حتى الشبع مثل (( دجاج سمك لحم بيض فطر مرتديلا نقانق همبرجر )) بجميع حالات الطبخ مقلي مشوي مسلوق
مسموح بجميع انواع الزيوت زبده سمن ..زيت زيتون زيت ذره
مسموح بجميع انواع الجبنه ولازم كامله الدسم ..مثل الجبنه السائله ..جبن الكيري لابشكري ..شيدر ..جبن شرايح بمقدار 100 غرام كل يوم
مسموح لك بطماطمه وحده وخياره وحده
مسموح لك بالخضروات الورقيه ..لاحظوا الورقيه (( بقدونس .كزبره .ملوخيه .خس . جرجير .سبانخ )) مفتوح بس في حدود المعقول
مسموح لك بكريمة الخفق
مسموح بالكوفي ميت ...ومسموح لك بالقهوه النسكافيه اللي بدون كافين يجي غطاها احمر ومكتوب عليها دي كاف
نجي للممنوعات ..جميع انواع النشويات كل شي بالدقيق النشاء حتى الهمبرجر والدجاج تاكلينه مقلي بس بدون خبز او بقسماط اذا كان متبل فيه ومسموح بكل انواع الاشياء المجمده بس تاكدوا انها خاليه من الخبز والنشاء
والكربوهيدرات ماتتعدى 20_ 25 في اليوم تشمل الخضروات جميعها المسموحه وكمان الاشياء الموجوده في الكوفي ميت والاجبان اعملو حسابكم اللي تاكلين فيه وماتشيلي هم مره البروتين
كمان مسموح الدايت السفن والفيمتوا الببسي لا لا لا لا لا لا لا لا
من الاشياء المهمه كمان اشرطه الكيتون وهي موجوده في الصيدليات تحطينها الله يكررمكم في البول وتبان اذا متبعه الرجيم صح او لا
طبعا اذا جاء لونها موف غامق انتي تمام اذا افتح اكيد في شي غلط عندك او خالفتي في شي معين طبعا السكر ممنوع بس اللي مسموح سبلندا وسويت اند لوا
جميع انواع الفواكه ممنوع في هاذي المرحله اذا قربتي من الوزن المثالي ممكن تبدين تدخلين النشويات بكل تدريجي
والله يبنات حلو وكمان تشبعين وممكن تروحين مطعم تاكلين فيه
من اعراضه وهاذي مهم في اول يومين صدااااااع بس ممكن تتغلبين عليه بالبنادول وتحسين بخمول لان جسمك بدا يفقد الكربوهيدرات والنشويات طبعا من يوم تبدين احسبي 36 او 48 ساعه يبدا الجسم في عمليه الحرق اذا بتستخدمين اشرطه الكيتون لازم في بدايه اليوم الثالث عشان تبان معاك النتيجه وهي مهمه اكثر من الميزان ويبان في الشكل اكثر من الميزان لان الدهون خفيفه فاذا احترقت يبان على جسمك اكثر
معلومه مهمه ..المشي فقط لمده 25 الى 30 دقيقه رقص شغل تجهدين نفسك فيه ..في ناس تاخذ فيتامين انا لا
ممكن مع الدوره يثبت الوزن او يزيد لكن استمري وبيرجع ينزل
واهم شي شرب المويه اقل شي 2 لتر يوميا ...وانا اشرب بردقوش يوميا كاسه فقط قبل النوم
التونه مسموحه بالزيت ..في ناس ممكن تعاني من الامساك كل ماعليك هو اكل 10 حبات زيتون مع كاس ماء دافي على الريق
او وضع ملعقه زيت زيتون في كاس مويه وشربها على الريق ممتازه ...بالنسبه لي ماعنيت منه ولله الحمد بس اذا صادف احد منكم
المايونيز مسموح بكميه مفتوحه اذا صنع منزلي ..واذا الجاهز ملعقتين فقط
الباذنجان والكوسه مسموحه يعني مثلا تاخذين حبة كوسه وحبه باذنجان وسط بس حاولي مو يوميا
كتبت هالكلام للي تبغى تستفيد وتشاركني ودعواتكم ان الله يقوي ارادتي وارجع زي زمان كان وزني 52 يارب اكرمني وارجع له وكل من قالت امــــــــــــــين
واللي تبغى تاخذ فكره اكثر تكتب في قوقل موقع الدكتورحسين دشتي:09:
الفريق البرتقالي لاحلا رشيقات من 69-59 حياااكم
متابعة النقاش، صفحة 260