شاركي في النقاش

سجلي الدخول لإضافة تعليق.

التعليقات

70
  1. @am_toto22_1

    ومنكم نستفيد

    حبيبه محمود ياحوبي لك هندية
    حلو انك تعرفين عربي كويس
    الله يسعدك
    شكل ايدامك حلو
  2. @rghd_666

    السلام عليكم ورحمة الله وبركاته 
    حياك الله اختي : البرنسيسه ١١ 
    بالنسبه للايدام 
    اهم حاجه فيه نوع البهار والخضار الي بتستخدميها 
    يعني انتي ايدامك خضار مشكله ولا بس نوعين
    وانا والعياذ من كلمة انا طريقتي شبيهه لطريقة الأخت حبيبة حمودي
    بس في نوعية البهار
    لأكن اتوقع طريقتها جداً رااااائعه 
    شوفي عزيزتي 
    طريقتي دائماً خضار مشكله بس صراحه كل من يذوقها تعجبه مررره ماشاء الله تبارك الله 
    وهي اجهز ( بصل &ثوم&فلفل حار وسط )
    وجمع البهارات الي ابغى استخدمها في صحن صغير وهي عباره عن (اهم بهار للايدام والمحاشي الكزبره الناشفه& كمون&فلفل اسود& كركم& بهار مشكل خاص يا لحم او دجاج & وافضل نوع للبهار المشكل هو مهران الي يجيك علبته كرتون مو بلاستيك ومكتوب (بالخط الأردو)
    بالنسبه لمقدار البهار لكل نوع نصف ملعقة شاي 
    لاكن البهار المشكل الي هو (وهران) مقدار ملعقه ونصف
    (ملاحضه مهمه)
    زيادة كمية البهار للأكل يجعل طعمه مُرررررر،،،
    واجهز لحمتي سواً (لحم او دجاج ) وبعض الأحيان استغني عنهم كلهم واسوي الايدام بدون لحم او دجاج 
    عشان النكهه ممكن تضيفي مرقة لحمه تكوني مفرزتها للطواري او مرقة الدجاج ماجي 
    وتاخذين شوية بقدونس & كزبره مفرومه وسط يعني مو مره صغيره يعني فرم خشن
    وتخليها في صحن لوحدها على جنب
    حبه وحده طماطم كبيره ابشرها بالمبشره 
    نصف علبة صلصه السعوديه
    نجي ذحين للخضار
    ( عدد-٢ بطاطا وسط مقشره مقطعه مكعبات وسط
     عدد-٢ كوسا وسط مقشره ومقطعه نصف حلقات نصف دائره
     عدد-٢جزر وسط مقشره ومقطعه نفس الشي زي الكوسا 
     عدد-٢ فلفل رومي حبه خضراء والثانيه حمراء مقطعه مكعبات وسط
    عدد-١ كوب فاصوليا خضراء مقطعه بالعرض مائل شوي يعني كأنك تبي تقطعيها حلقات بس ميلي السكين شويه وانتي تقطعيها اتمنى انك تكوني فهمتي عليه
    ذحين ناخذ الخضار كل نوع نقليه نصف قليه بالزيت يعني يدوب الي تحسي انه خلاص ممكن تاكلينها كذا
    طبعاً ابدي فيهم كلهم لاكن خلي الجزر اخر شي لأنه يطول شوي ويعطي الزيت طعم حالي شوي
    كذا نكون خلصنا من قلي الخضار
    نجي ذحين للكشنه
    نجيب القدر الي نبغى نسوي فيه الايدام ونحط فيه قليل سمنه مع شوية زيت
    ولمى نشوف ان الزيت بدا يحمى نحط البصل والفلفل الحار مع بعض ونقلبه شوس ايلين مايذبل البصل والفلفل هلى نار متوسطه بعدين نضيف الثون ونقلبه ايلين ما نشم ريحة الثوم بارزه بعدين نضيف الهارات الي جهزناها من اول في صحن صغير ونحركها عشان تنحمس زين وتطلع نكهتها من جديد
    ذحين نضيف الصلصه و نحركها لمدة نصف دقيقه
    ايلين ما نشم ريحتها زين وتلاحضين انها بدات تختلط مع الزيت زين 
    والسر هنا لأنه جميع انواع الصلصه لها ريحه معينه بسبب التعليب وماتروح هذي الريحه الا اذا حمستي الصلصه بزيت 
    لاكن اذا اضفتيها مباشره على اي نوع من انواع المرق وانتي ماحمستيها بزيت رايحه تطلع للأكل ريحه وطعم زي ريحة وطعم الصدا
    المهم 
    بعد كذا نضيف اللحمه الي عندنا سواء دجاج او غنم
    بعدين نحركه شوي ونوطي النار عليها شويه 
    ونخليها لمدة ١٥ دقيقه وبعدين نضيف عليها
    الطماطم المبشوره ونحركها شويه لمدة ٣ دقايق وبعدين نضيف عليها مويا حاره مقدار ٣ اكواب 
    ونحركها ونتركها على نار هاديه لمدة نصف ساعه ايلين ماتشوفين ان اللحمه خلاص استوت 
    ذحين ممكن تضيفين الملح لأنه اذا اضفتي الملح قبل اللحمه ما حتستوي معاك اللحمه بسرعه بالعكس تطول
    المهم اذا لاحظتي ان المويا قليله ممكن تضيفين ١ كوب ماء ساخن فقط
    ذحين نقوم بوضع جميع الخضار الي قليناها 
    على اللحمه 
    ونقلبها بشويش عشان ما تنهرس معانا ونرجع نغطي القدر ونتركه لمدة ١٠ دقايق 
    ونرجع ثاني مره نحرك الخضار ونضيف عليها البقدونس والكزبره ونرجع نغطي القدر ثاني مره لمدة ١٠ دقايق 
    وبعدين طفي النار عن القدر واستني عليه شويه كذا يعني على بال ماتجهزي سفرتك 
    وبس ذحين ممكن تستمتعي بألذ ايدام خضار
    مع الليمون والجرجير امممممممم
    وادعيلي ياقمر...
    اتمنى اني اكون افدتك بشي بعد الله تعالى .:) 
  3. @mchef

    اذا كان ايدام بمرق انا انصحك ..

    اولا تحمري البصل مع الثوم ثم تحطين اللحم او الدجاج

    وبعدها حطي بهاراتك وملحي

    ثم خليها تتكشن شوي ثم حطي الطماطم والمعجون

    والخطوه الاهم .. عندك طريقتين

    1 انك تخلطين جزره مع الطماطم في الخلاط

    2 انك تحطين ملعقه طحين مذوبه في فنجان مويه

    وتصبينها فوق الايدام قبل لا ينضج

    * اذا تحبين يكون للايدام طعم حطي ملعقه شاي سكر

    ترى بيعطي طعم حلو مع الملح


    وجربي وان شاء الله تزبط معك


    وبالنسبه للصواني والمصقعات ترى سهله ما يبي لها


    وبالتوفيق .. اتمنى اكون افدتك ..
  4. صاحبة الموضوع
    الف شكر حبيباتي الله يسعدكم وحدة وحدة والله ما قصرتوا رح اجرب كل الطرق الي عطيتوني اياها باذن الله
    ماني عارفة اش اقول بس ربي ان شاء الله يجعل كل حرف كتبتوه في موازين اعمالكم والله يسخر لكم ازواجكم وعيالكم

تابعي تجارب أخرى من هذا القسم.