شاركي في النقاش

سجلي الدخول لإضافة تعليق.

التعليقات

628


  1. حقيقة ضحكتوني !!!!!!
    الحين صاروا كل البنات يشوفون إن التفريز مقرف؟!!!!!

    وانتقدتوا اللي تفرزن حمسة البصل أو اللحمة وغيرها...!

    وفي نفس الوقت كلكم أجمعتوا على صلاحية فرزنة الكبة والسمبوسة وشقيقهما السبرينق رول!!!
    عجباً منكن يا بنات العرب أوليس ما بداخل هذة المحاشي لحمٌ مطبوخ بل وبصلُ محموس أيضاً؟!!!!!

    تعجبني فلسفتكم يا بنات بالذات بتصنيف ما يصلح للفرزنة وما لا يصلح...

    بس أعجبتوني قدرتوا تطمنون صاحبة الموضوع .. عشان تاخذ راحتها وتاكل من الجيران وبالعزايم
  2. والله ثم والله ثم والله ماعرفت سالفه التفرزن الا هنا بعالم حواء كنت اشوف اهل زوجي واتضايق وماحب اكل منه وهم بس بالكم يوم كيف عااد اللي بالشهور وبصراحه الحمدلله على تعب امي الله يشافيها وممنوعه من الشغل الا انها مستحيل تفرزن وكل طبخنا واكلنا طازج والله اذا سوت الغداء ونزلته بالعشاء بنفس الايام مع اشياء طازجه الكل يتجه للطازج ومايحب ياكل حق الغداء وهو بنفس اليوم كيف اللي بالشهور ..!!!!!!!
    واصلا اذا اكلنا اكل بايت معدتنا تقلب علينا كل ابونا في البيت ..
    وكل كوم لاشفت الشوراع والسوبر ماركتات قبل رمضان بكم يوم ومضارابات وهواش وبواري تدق ومساقط على العالم ومهاوش على المواقف والعربيات المتروسه وعند المحاسب تقولون بيهاجرون والا كل سنه تجيهم موجه حر او
    غضب يشردون بالاكل بعيد عن هذي الديار ..مايصير صرنا مطنزه عند الخلق لهدرجه يعني الاكل مهم برمضان اتوقع برمضان كل واحد يزيد فوق وزنه 10 الى 15 كيلو ...! مادري هو شهر العباداات والا شهر الاكل والشهوات ..!
    ياليت مثل ركضهم على الاكل كذا يكون ركضهم بالمثل وافضل على الطاعات والعبادات تنفعهم بدنياهم واخرتهم ..
    نرجع للسالفه المفرزن مادري كيف ياكلونه اصلا جربي تخلين طبخيه يومين بالثلاجه وسخنيها وطالعي كيف الطعم يتغير ويقولون الطعم مايتغير لان خلاص السنتهم تعودت على الطعم زوجي على انه كان عند اهله كل عمره يقول ماعمري اكلت في بيتنا عشانه بايت ويقول 10 سنين واكل من برى البيت الين تزوج ..!واذا مره سويت اكله من الليل وحطيتها بالثلاجه ماياكل لو تقطيعنه وانا نفس الشي وبصراحه اذا نظيف وشفت ريحته زينه عطيت عيالي واذا مايبونه اعطيه عامل او ارميه اذا قليل الله يسامحنا ويغفر لنا ..
    انا ملاحظه هنا بنات مخلصين التفرزن من الحين يالله كم باقي على رمضان شهرين او ثلاث ..!!
    وكل هذي شفاحه على الاكل قال ايش العذر رمضان للعباده اذا للعباده صحيح سوي اكلك بنفس اليوم واصحي الظهر عشان تحسين بقيمه صيامك وتكسبين الاجر الصحيح مو عشان النوم لين قبل المغرب بساعتين وتصحى تقلي بس وعشان تلحق على الاسواق والطلعات..!! صار الدين شماعه و غطا على تصرفاتنا اللي لو كانت زينه في نظرنا مابررنا لها بالعباده والصلاه ...
    وترى كل الشهور فيها صلاه وعباده ليه ماتطبخون وتكرفون الا برمضان ..!
    وترى عظمه هالشهر بالقيام بها على احسن وجه بالصلاه والعبادات مو التفنن بالطبخ والاكل ..!
    صار اعظم شهر مع اعظم الطبخات ..استغفر الله حتى الشهور تخصصونها بطبخات معينه ولازم السفره تصير مليانه للاخر واخر شي محد ياكل الا من رحم ربي ويخلونه باخر الليل ويقضون عليه هنا ماينلامون بالعكس اهم شي مانرمى الاكل
    مو لازم مفاخره بالاكل وترى مو ناقصنا شي كلنا نقدر نتفنن بس نعرف قدر النعمه ونعرف ان الاسراف حرام ونعرف ان ناس ميتين جوع مايحصلون النعمه وناس تبذر وتكثر وتتفنن بالاكل عشان يقولون سنعه مافي مثلها حتى ماخافت من العين اهم شي تصير احسن وحده مع شهاده تقدير من الجميع ...
    الحمدلله برمضان نظامي معين طبعا اول مره اجرب افرزن وبس حدي بالكثير 3 او4 ايام سمبوسه فقط عشان الوقت فيها بتجهيز الحشوه ولفها وكلها اسويها بنفس اليوم بالليل ..<<< مع ان ماتعجبني هالحركه بس الوقت مو في صالحي ..!
    ونبدا باللقيمات مع تمر على اذان المغرب ونجلس الين 9 او 10 الليل وسويت فطورنا السمبوسه نوعين والشوربه واحيان تبوله او فتوش واحيان مكرونه او بيتزا حسب المرغوب اكثر واحط صنف واحد كل يوم او يومين مع السمبوسه والشوربه لان المعده طول النهار فاضيه وتتعب مع هالاكل الدسم فعشان كذا اخفف واقلل الفطور مو لازم نقوم شبعانين الحمدلله كل شي موجود وشوي شوي على اجسامكم ..وترى وراكم عباده وصلاه وقران حتى بعد الاكل تحسون بخمول وثقل والصلوات تصير متعبه بسبب هالتخمه فالافضل يناكل من بعد عشر عشان الصلوات ..
    والدنيا زائله وورانا حساب وعقاب على كل صغيره وكبيره ..
    وتذكروا قول الله تعالى ..(( كلوا واشربوا ولاتسرفوا ))..
    والحمدلله والشكر على كل نعمه علينا فابالشكر تدوم النعم ..
    واسفه على الاطاله ..
  3. @aasolh_aldmam

    ماايد الاكلات المفرزنه ابـــــــــــــــــــــدا
    ماافي زي الاكل الفرش الطااازج اطعم والذ بكثييييييييير

تابعي تجارب أخرى من هذا القسم.