يمنع التجمعات بقسم السمنه والنحافه
الرجاء الأطلاع على قوانين المنتدى
http://forum.hawaaworld.com/showthread.php?t=2078166
مسسسساااء / صباااح الورد والفل والحماس والرشاقة
جايه لكم وانا كثيييييييييييييييييييييييييييييييييييييييييييييييييييييير متحمسه وفرحانه وابيكم معي
أول شي مين راح تبدأ معي رجيم دشتي بكرآ 13/7 ؟
بعطيكم بعض ألكلام اللي يحمسكم مثل ماحمسني
قعدت أفكر وأستنتجت هالكلام
1_ الأكل كثير حلو بس الرشاقة أحلى واحلى
2_ أحنا من يزيد وزنـنا نبدأ نخفف دسومة وزيت وأكل ولا نلقى نتايج مثل اللي نبيها
والصراحة الاكل مو حلو بدون قلي ودسومه وكريمة خفق واجبان , ودشتي كل ماكلتي دهون أكثر كل ماحرق دهون أكثر يعني راااح تاكلين اللي تبين والبال مرتاح والوزن ينزل ( مافي أحلى من هالشعور )
3_ الحلو في دشتي انه ينحف المناطق اللي فيها دهون , انا قبل شهرين سويت دشتي 12 يوم نزلت 6 كيلو
اللي يشوفني يقول خلاص لاتنحفين اكثر حرام عليك وكان وزني قبل الرجيم 60 وبعد 12 يوم 54 , اكيد بتقولون شدعوا وزنها 54 ويقولون لهاا خلاص عصقلتي .. قالوا لي كذا لان دشتي مانزل مني السوايل مثل باقي الرجيمات .. دشتي نزل مني كل الدهون مابقى فيني دهون ,
4_ انا مهما سويت رجيمات ورياضه ومشي ماتروح مني زنودي ( ذراعي ) , وبعد دشتي راحوا ماشالله
والصراحة حلاة الأنثى رشيقه ومافيها زنود
5_ مابي ولا وحدا تقول انا عمري كبير وجايبه عيال مستحيل ينزل وزني بسرعة
لأن أنا وأمي بدأنا مع بعض وكنا ننزل كثر بعض ماشالله
6_ أذا صار فيك دهون كثيره راح تنزلين أسرع <= بس مو متأكده مئه بالمئه من المعلومه <= بس تفاؤلوا
7_ دايماً أذا شفتي أكل قولي حق نفسك عادي عادي شدعوا هالأكل كلللللللللللله باكله وقت ماأبي أنا أسوي لي أو أطلب لي من المطعم, يعني لا تتندمين على الأكلات اللي في العزايم والمطاعم
8_ الحلو فيه اني وين مارحت فيه أكل مسمووح , كنت أذا رحت مجمع أطلب نقت دجاج من كنتاكي مع كولا دايت أو أطلب شاورما في صحن , واذا رحنا كووفي اطلب عصير ليمون بالنعناع بدون سكر , وطبعاً يكون عندي في الشنطة سكر دايت , أذا رحت عزايم مسموح لي بحبة فلافل مثلاً أو أي شي موجود من المسموح , وكنت أذا بروح عزيمة
أسوي معي طبق ينفع لرجيم دشتي بكميه كبيرة عشان لاحطوا العشا يكون طبقي مع العشا وأكل منه وطبعاً مع كولا دايت وين مارحت وانا معاي سكر (( ستيفيانا )) + كولا دايت أو سفن دايت
9_ والحلو فيه انه ماتهلكين نفسك رياضة
انا كنت امشي 20 دقيقه او نص ساعة واسوي تمارين التمدد اللي ارفع ايدي وامد جسمي عشان مايصير فيني عضلات
وأهم شي بنصحكم فيييه
1_ كثروا كثييييييييييييييييييييير من شرب المااء على طول شربي ماي
أو أشتري شاي جامو يبيعونه في الصيديلات عشان مايصير فيك أمساك
لانه يجيب أمساك بس الصرراحة انا ماشربت الشاي بس كنت أشرب مويه كثير يمكن 16 كاس و ماشالله ماجاني أمساك الحمدللة
2_ نصيييييييييييييييحه أنا سمعتها وماستفدت منها وندمت حيييييييييييييييييييييييييييييل
بعد 12 يوم من الرجيم بعد ماصرت رشيقه وجسمي حلو خلاص قررت أقطعه
الكل قام يقول شوي شوي رجعي للأكل والرز والخبز وغيره من اللي كان ممنوع
وانا قلت شدعوا معقولة يعني برجع كل اللي نزلته
وتخيلووا اني صررررت اكل بعده بشكل مووووووووووووو طبيعي بجنون وأقول مو لازم أقلل أكل
شدعوا مابيرجع ,, خلاص خلاص بس اليوم باكل واااجد في الأخير بعد يمكن 3 أسابيع رجع كللللل شي
لو أني بدأت أكل بشوي شوي وبعدين كلت مثل مابي كان مارجع ولا كيلوو أضمن لكم أنه مايرجع
لان انا رجع بس أمي لانها شوي شوي رجعت للأكل مارجع والحين تاكل على راحتها ولا يزيد لانها تمشي ودايما تشرب شاي أخضر
اااه تعبت من كثر ماكتب , و****لله ماتكونون مليتو من القراءه
بس انا لو ماحبكم في الله وابي مصلحتكم ماتعبت نفسي :39:
وكلمة أخيره <= أحسكم تقولون أخيراً مابغت تسكت ههههههههه :35:
كثييير يقولون أنه مضضر وغيره من الكلام
بس أهو مضر لأصحاب فقر الدم واللي فيهم أمراض الكلى بأختصار اللي عنده مشاكل وأمراض
بس أللي مثلي ماشالله تبارك الرحمان مافيني شي مايأثر , وعلى فكره أنا بعد الرجيم بأسبوعين تقريباً
سويت تحليل شامل الحمدلله ماشالله ولا شي ناقص ولا زايد كل شي تمام معناه ماأثر فيني
وانتوا لا تسوونه أكثر من شهر تفادي للأمراض أذا كان جد يمرض
أسمعوا لاتشترون أي سكر للدايت لأن أغلبهم مضر ,
اللي طعمه مثل السكر العادي وصحي سكر ( ستيفيانا ) اللي علبته خضرآ وبيضا <= أنا مجربته جربوه
يبيعونه في التميمي والسوبر ماركات الكبيرةة
وهذا النظام للي مايعرفونه
1_ هذي المرحلة الأولى من الرجيم
تكون أسبوعين أو 3 أو 4 أسابيع على حسب اللي تبينه أنتي
2 – تثبيت سكر الدم ( وايقاف الاعراض المصاحبة مثل التعب وتقلبات المزاج والدوخة والتعب )
3 – ايقاف الرغبة الملحة من خلال عدم تناول الاطعمة الادمانية .
4 – ايقاف عادات تناول الاطعمة الادمانية مثل الشكولات , القمح , الذرة ومشتقاتها ، السكر والكافنين والكحول والاطعمة الاخرى المسببة للحساسية والادمانية .
سوف تساعد برنامج ألأسابيع ألأربعة الأولى الحد الاعلى في حرق الدهون
قواعد مرحلة الحد الاعلى في حرق الدهون :
1 - 20-30 غرام من النشويات يومياً .
2 - تناول الطعام حتى الشبع اً لا تتناول أية وجبة اذا أحسست بالجوع .
3 - إلتزم بالبروتين الصافي والدهون ( زبدة ، زيت الزيتون ، مايونيز ) وخليط من البروتين والدهون أو الخضروات الورقية.
4-استخدم زيت الزيتون اضافة الى الخل أو عصير الليمون والتوابل
المرطبات
مياه
مياه معدنية لاتحتوي على سعرات حرارية
مياه معدنية
شاي
قهوة
صودا جمية
شاي مثلج
شاي أعشاب (بدون شعير أو ملح أو تين أو سكر)
صودا
مشروبات لاتحتوي على حبوب
مياه معدنية
عصير ليمون
السمن والزيوت :
زيت الزيتون زيت الافوكادو زيت ماكاداميا – زيت كانوليا مضغوط يدوياً – كافة زيوت الخضار (وخاصة الكانولا والجوز وفول الصويا والسمسم وزهرة الشمس المضغوط على البارد هو الافضل ) الزبدة والسمن و(المارجرين غير محبب) ً. المايونيز جيد.
المحليات الاصطناعية:
ستيفا هي الاسلم ( تباع في محلات الاطعمة الصحية ) - سكرين - اسبراتين .
يحظر استخدام سوربيتول - مانيتول .
قائمة المسموحات
البروتينات
1- المأكولات البحرية بأنواعها :
الأسماك - الربيان - التونة بالزيت – أم الربيان - السلمون
2- اللحوم بجميع أنواعها :
البقر ، الخروف ، الأغنام ، العجل ، النقانق ، المرتديلا – الصوصيج
3- الفقع والمشروم (الفطر)
4- الطيور بأنواعها :
الدجاج ، الحمام ، البط ، الفري ( السمان ) ..
5- البيض بأشكاله : أومليت ، مسلوق ، مقلي
6- الأجبان بأنواعها المختلفة : كاملة الدسم
جميع أنواع الزيوت
زيت الزيتون
زيت الكتان
الخضراوات
1- الخضراوات ذات الأوراق الخضراء
الخس - البقل - الجرجير - سبانخ - بقدونس ، كزبرة .
2- السلطات
بقدونس ، خس ، خل ، زيت الزيتون ، ربع ليمونة ، بصل ، ثوم الكرات ، الجرجير, بقدونس,
قائمة الممنوعات للمرحلة الأولى
النشويات ( الكربوهيدرات )
السكريات والفواكه
الحلويات بأنواعها
الطحين
جميع المواد المطبوخة من الطحين
الكيك بأنواعه
البطاطا بأنواعها
العسل
الأرز
المعكرونة
السكر
الخبز
سباجيتي
الفواكه بأنواعها
المكسرات
نودلز
جميع أنواع العصائر
اللبن
----------
انا كنت أتبع هالمرحله بس بصراحة :35:
كنت مو كل مرا بس أكل ربع ليمونه بعض المرات أكل نص ليمونه
وكنت أكل طماط شووي يعني ماكنت أدقق بزياادة
وكنت أكل حبتين فلافل
أزيد الأكل المسموح بنسبه بسيطه مثل اللي سويته بالليمون أهو مسموح بربع أنا كلت نص
والخضرا ماكنت أدقق فيها تقريبا كنت أكل كل أنواع الخضره بس بنسب بسيطة جداً
أيه بقولكم على معلومة جداً مهمه
أول 5 أيام أو 3 أيام < والله ماحسبتهم بس كانوا قليل
راح تاكلون من هنا وتجوعون من هنا ودايما دوخه فيكم
بس بعد هالأيام راح تروح كل هالأعراض وماراح تجوعين ولا دوخه
وانا عشان ماشتاق للأكل كنت أدلل نفسي كثييير
أسوي أكلات لذيييييييييييذه تخليني أحب ألرجيم اكثر
واللي تحس أنه صعب عليها المرحله الأولى
تدخل قوقل وتفتح رجيم دشتي كامل وتسوي المرحله الثانيه
وأهو يصلح لأعمار 13 ومافوق
أتمنى من كل قلبي أن ألكل أستفاد وتحمس وأدري انكم مليتوا من هذرتي الزايدة
وأي شي تبون تسألوني عنه أسألو ولا تترددون لأن أنا عندي الكتاب حق الرجيم
واللي فيهم سكر راح يخف عليهم السكر لأن في الكتاب مكتوب أنه ناس طابوا من السكر من هالرجيم
الموضوع كله من مجهودي ومو منقول يعني تطمنوا من كل شي مكتوب هع <= مستانسه أنها كاتبه موضوع طويل
بأنتظار حماسكم معااااي ( :39: )
الموضوع مغلق