اسفه على التأخير .. العوده للوطن

جبتي شغالة ؟؟؟؟

يا حبيلك...البنات هنا يقولون اللي عيشنا بدون شغالة 7 أو 8 سنين نقدر نعيش بدونها...بس السواق هو اللي ضروري...

بانتظار جزء تغير الزوج ....<<< أكثر شيء شايلة همه....لأننا إذا نزلنا أسبوعين للرياض يتخللها كم هوشة !..و هنا...اسم الله علينا...

الله يعينا والله ننزل اجازه شهر وننصدم من التغير حتى اهلي احس انهم
تغيروا وكل ما نصحتهم قالولي قعدتك في البيت خلتج مثل العجايز
عقب قمت اشوف واسكت
ماادري منو الغلطان انا ولا هم

انا معك يالهنديه بس الخلل مو في الناس واسمحيلي احنا فاتحين المجال لهم
هذا اولالا لازم الواحد زي ماعمل له حدود هينا لازم يسوي له حدود هناك
والمشاوير مالك غنا عن السواق اجلا ام عاجلا وخصوصا اذا كان زوجك بالمجال الطبي
واضرب لك امثله امي تشغل للبزران التلفزيون 24 ساعه ولاتتحرك بنتي ولا شي قلت انا لامي ان هذا الوضع موعاجبني وشرحت لها المساوى وباسلوب حلو وبعدها صارت تسال عن اي شي تبغى تسويه لعيالي
ونفس الحكايه ام زوجي وتبغى تعطيهم كل حاجه بحكم انها من زمان عنهم وولهانه عليهم شاهي قهوه مافيه مانع مع انهم ماكملوا السنتين فهمناها بالاسلوب الحلو جاب نتيجه لفتره محدوده بعدين نست السالفه وصرت امنعهم
شفتي وشلون بعض الامور يبغى للواحد حزم فيها علشان اللي عنده اضافات او اشياء يوفرها لنفسه ....
ولي عوده

يا هلا بك يالهندية مشتاقين لك

لكنك خوفتيني كثثثثثثثير من السفر وانا كنت انتظرة بفارق الصبر واموت كل دقيقة عشان اقرب الموعد

بس تدرين قبل شهر تكلمة مع اختي وبنت عمي وكانو يشكون لي عن بعض الحريم من جماعتنا وش سوين فيهم وما ادري مع المزح قلت كلهم خلاص انا جاية اطلع حقوقكم ليش ما ردتين وقلتين كذا وكذا والله يهديهن كبرين الموضوع ووصلينها الى الامم المتحده في العائله
وياربي سوولي فلم هندي وقالو المرة جاية من امريكا زي الامريكان جاية بالعدل والحريه وهي جاية تسوي مشاكل وانا من طبعي ما احب المشاكل بالمره وجبانه حتى اهلي نفس الشيى مسالمين وامي ونسوان اعمومي واخواتي وبنات اعمومي جبنااااااااااااا الى اقصى حد
ادري انهم يحبوني وهم خايفين عليئ وهاتك يا تلفونات ورسايل على الموبايل وعلى الماسنجر كل العائله اجتمعت بيت اابي وبيوت اعمامي من باب الخوف عليئ 0000 يمه خوفوني تدرون وش قالت امي قالت والله لا روح معاها من مكان الى مكان تروح فيه ومعاي الشلاشنتيب ( التيب) عشان تسكر فمي
لا وعامله مع نسوان العائله عليى اتفاقية عشان يراقبوني

لا والله بعدها زعلت ولا اتصلت فيهم قلت لهم وش فيكم على كلمه ما تسوؤ رفعتو كل الطوارء كاني جاية احارب حتى عمي لما اكلمه صحيح كان كلامه منسق بس كان يتكلم على نفس النقطة لكن من بعيد الى بعيد اونه انا هبلا

المهم بعد كل الترضيات والاعتذرات تراجعت

على فكرة انا ناويه اشتري لي اقوى المهدئات

لله يعين :(