احس اني بفشششل زوجي بعزيمته لاصحابة متورطة اول مره نعزم ضيوف في بيتنا شوفو المنيو حقي

متابعة النقاش، صفحة 3

شاركي في النقاش

سجلي الدخول لإضافة تعليق.

التعليقات

38
  1. @khokhh_almtnokhh

    1- مسقعة باذنجان وبطاطس باللحم المفروم
    اختيار موفق وممكن تحضريه من الليل وتتسخن قبل المغرب بساعه


    2- مكرونة تلي او مكرونة بشاميل

    اختيار موفق وممكن تحضريه من الليل وتحمرين الوجه قبل المغرب بساعه
    3-دجاج محمر بالفرن مع الخضار في كيس الشواء

    اختيار موفق وممكن تقطعينها وتتبلينها وتخلينها في الكيس الشواء من الليل وعلشان تتبل واذا جاء الظهر حطيها في الفرن لمده ساعه او لحد ما تتحمر
    4-ايدام خضار فاصوليا او بامية

    اشوف ماله داعي لانك مسويه خضار مع الدجاج في كيس الشواء لو سويتيه محشي كوسه وبطاط راح يكون اوجه واكشخ وانتي حره مجرد اقتراح وحضريه من الليل وتقدرين تضبطين الحشويه قبلها بيومين ويصير بس الظهر تحطينه على النار واذا استوى حطيه بصحنين او صحن كبير لتحضير وخليه وسط السفره وزينيه با الليمون والنعناع الناعم يطلع الشكل جبار

    5-سلطة ذره

    حلوه كثير

    6-سمبوسة لحم - جبن - بيتزا - كروسان

    برضه اختيار موفق وعني لمن اعزم الشباب دائما ساحبين على المعجنات مدري ليه بس حلوه حتى لو ما اكلوها على الفطور تطلعينها لهم مع الشاي وكل الي ذكرتيه ممكن تحضرين الحشوه قبلها بيومين ولفي السمبوسه واقليها اليوم الثاني والمعجنات اخبزيها وسخنيها ثاني يوم في المكرويف

    7-حلى تشيز كيك

    اختيار ممتاز واذا حبيتي تريحين راسك في التقطيع سويه في كسات صغيره كذا تتوزع لك وتعطي شكل احلا لسفره

    8-حلى الشامواه

    حلو بس ترى البسبوسه والكنافه لها شعبيه كبيره عن العنصر الرجالي وانصحك اذا ماتضبط معك الكنافه وانتي من اهل الرياض روحي لحلويات ومخابز المملكه عليهم كنافه خقاق وسعرها روعه كيلو ب35 ريال والبسبوسه المنتدى فيه وصفات روعه ومنه بسبوسه الطازج تهبل

    9- شوربة

    اكيد سيده السفره وتقدرين تجهزين مرقها من الليل وتضبطين ملحه يصير بس بعد صلاه العصر مباشره تحطين شوفان بس ونص ساعه وطفي النار

    10- العصيرات والرطب واللبن

    اكيد مهنا غني عنها وحلاتها البن علب صغيره علشان مجهود التوزيع توفرينه لشي ثاني


    سفرتك شامله وكامله ماشاء الله اختياراتك موفقه كلها ونصيحه اشتغلي قبلها بيومين خلي يوم العزيمه يوم التسخين والتحمير بس وحاولي ماتجي الساعه خمسه الى وانتي مريحه ورتبي السفره في المجلس من الليل مثل المناديل والملاعق والكسات وابدئي برص البوارد والمعجنات والسمبوسه قبل المغرب بنص ساعه والمصقعه والمكرونه لو وزعتيها في صحون وخفتي تبرد خليها في الفرن والشوربه طلعيها في زبديه كبيره وهم يغرفون الدافي لحد وقت التحضير وان شاء الله تبيضين وجه زوجك

تابعي تجارب أخرى من هذا القسم.