الوسواس ونهايته بإذن الله معنا

اختي لمو سمى
افضل انك تروحيين لدكتوور يشخص لك الحالة
خصوصا انك قلتي متى بدأت ممكن يكون سبب فيها
ومااعتقد الحالة وسواس
والله يشافيك ويعافيك

مشكورة على الرد طمووح
الله يعيني وأتخلص من هذي المشكلة خصوصاً وأنا أحس أني متطورة في الوسواس علي نوع غريب من جد شر البلية مايضحك




مثل ماقالت الأخت طموح ومن خبرتي في الوسوسة :09:
هذي ماهي أعراض وسواس أنصحك تروحين لدكتور في أسرع وقت
وربي يشفينا جميعاً

جزاك الله خير

السلام عليكم ورحمه الله و بركاته

جزاك الله خير
اللهم اشفني و اشفي كل مريضة مصابة بالوسوسة

والله فعلا ان الوسواس يجيك ما تحسين انه وسواس

راح ابدئ بطرح كل وسواس اصابني وكيف تخلصت منه باذن الله

اولا : وسواس الدين + وسواس سب الله

اول مرة جاني خلاص قلت انا بالنار انا كيف اسب الله وانا احبه
ثاني مرة جاني اسب الرسول اشك انه فيه رسول
لدرجه اني كنت اقول الا انا اصدق ان فيه رسول وانا احبه و شيطان يقولي عكس كيذا !!!!!!!!!
اعوذ بالله ايش هذا التناقض لا حول ولا قوة
صرت اخاف اصلي لاني استحي من ربي كيف اسبه واجي اصلي ايش الوقاحه اللي فيني
و الى الان كنت ما اعرف انه وسواس اساسا ما كنت ادري وش هو الوسواس الا اعرف وسواسين ( وسواس النظافه و وسواس الضغط او حاجه زي كيذا اللي يحطون شي يرجعون يشيلونه الخ... )
المهم هذاك اليوم كنت ابكي مقهورة على حالي كيف اعبد ربي و اسبه ايش التخلف اللي فيني
بداية العلاج :
دخلت قوقل انا ناسية وش كتبت بس فيممعناه كتبت سؤال ( اسب ربي هل ادخل النار او حاجه زي كيذا )
المهم لقيت فتاوي كثيرة لقيت ناس كثيرة تشتكي لقيت ناس كثير تنصح عرفت ان فيني وسواس
صرت لما يجيني اطنش اقول عارفه انو منك يا شيطان هذا الكلام انا احب ربي احب رسولي انا أومن بهم
(((((( أشششهد ان لا اله الا الله و اشهد ان محمدا رسول الله )))))))))))))
خف معي و لكن يجي بنسبه 10% فقط و لله الحمد
* نصيحه : لما يجيك الوسواس اياكي تقولين انا قلت هذا الكلام و تقنطين من رحمه ربي

عندما عجز الشيطان عني و عرف ان قوتي بالله تزداد اصابني بالوسواس الاخر وسواس المرض
و ايضا كنت لا اعلم ان هناك وسواس مرض الا بعد ان بحثت بالنت
كنت ادخل النت اكتب اعراض مرض فلاني و اعوذ بالله نفس الاعراض فيني
حطيت فيني كل الامراض و مرة سويت تحاليل تصدقون ما طلع فيني الا بس نقص فيتمينات و كاليسيوم !!!!
و ما زال يوسوس لي يقول بس سويتي تحاليل دم !!!!
انا اذا بروح اكشف على نفسي بروح اكشف عشان ضروري كل فترة اكشف بسبب كثرة الامراض المفاجاه
ولكن ليس من باب الوسوسة

و بسرعه اصابني الوسواس الموت
يالله الى الان اعاني منه
بس بداية هذا اصابني اكتئاب و صاحبه وسواس الموت فكنت اجلس الصبح لحالي بالسرير اقول محد يحبني ابي اصير انطوائية
مابي اكون مع اهلي مابي اجلس معهم فاصابني وسواس الموت
اجي انام لالالالالالالالالالا مابي انام ارق اصابني ما عاد صرت اقدر انام
كل ما اجي انام اخاف انام و اموت
وسواس الموت ...
اكثر وسواس تألمت منه و تعبت و الى الان
بداية الاصابه ..
بالبداية كتبت كلام و كتبت اني لا اعلم متى حصلت معي هذه المشكله
ولكن اشك بانه سبب وفاة والدة صديقتي المفاجأ
الخبر جاني بشكل هذا ((( فففففلانه تخيلي والدة فلانه ماتت
انا وشلون ماتت فجاءه طاحت عليهم فجاءه ودوها مستشفى فجاءه فيها سرطان ماتت )))
يالله وشلون كيذا الله يرحمها جت صديقتها المقربة لها وصلها الخبر اربكتنا
زادت خوفنا قامت تبكي و تصارخ تقول كانت عازمتني الاسبوع جاي بالبيت
كنت متحمسه اشوفهم و تبكي و صصصصصصصصياح ما قدرنا نضبط رده فعلها
اول مرة جاني الوسواس كنت اكلم صاحبتي اتوقع المهم صاحبتي بالموضوع
فجاءه بدون سابق انذار حرارة شديده برجلي تنمل كتمه شديده
خخخخخخخخلاص معقولة بموت بموت وانا فيه معصيه كنت اسويها
لا حول ولا قوة الا بالله يارب سامحني و اتصل على صديقتي الحقيني بموت
قالت وش فيك بسم الله عليك قلت لها بموت خلاص مخنوقة بكتب وصيتي
تكفين لا مت قولي لاهلي يعطونك اياها تقرين وهي تقول وش هالكلام
اصبري و تقول خالي هنا يقول لو بتموتين ما راح تحسين بنفسك
بيجيك الموت ياخذك بدون ما تحسين انك بتموتين تعوذي من ابليس
و اصكر و اموت من صياح بموت خلاص
هنا عرف الشيطان اني ضعيفه حيل قام يجيني كل فترة وفترة
طبعا اول مرة لما جاني و راحت قمت اضحك
و شققتت وصيتي الغبيه لو قروتوها متو ضحك
تدرون وش هي الوصيه
يا صديقاتي كنت اتمنى صديقة مثل فلانه
و يا صديقاتي لا تتفارقون تصالحو الخ...
<~ يرحم اهلك بتموتين و وصيه بالاخير سواليف هههههههههههههههه
و فيه مرة جاني وانا مسافرة كنت نايمه فجاءه اختتتتتتتتتتنق
و خلاص بموت و اخواتي نايمات و ساعه 9 صبح كيذا ضحى
واخاف اقوم انقز بسرعه اتوضى و اصلي خلاص صلاه مودع
ههههههههههههههههههه و اخلص وانام خلاص اتشهد بموت و انا ابكي واتصل على نفس صديقتي الحقيني جاني زي اول شعور بموت قالت اطلعي تمشي بالحوش شمي هواء قلت ما اقدر انا مسافرة بشقة قالت تمشي و اطلع اتمشى بالمدخل متر بمتر اتوقع
و اصحى العصر و اختي ما خلت سبه ما سبتني على الازعاج
ههههههههههههههههههههه وش اسوي مغصوبه
طبعا بكتفي من المواقف و اقولك طريقة الي استخدمتها للعلاج
مع العلم ان للحين وسواس الموت فيني
قريت طريقة فادت مرة ولكن مرات ما تفيد
اذا جاء وسواس الموت استغفري استغفري
اول مرة جربتها نمت الحمدلله بس احيانا يتغلب علي الوسواس
انشغل باي حاجه لين يروح وانام
و برضو كل ما جاني اقول لالالا لا تصدقين هذا وسوسة كم مرة جاك ولا صار حاجه
اتحرك من مكاني اقول شفتي وسوسة لو بتموتين كان ما قدرتي تتحركين

طبعا الطهاره عندي زيكم
بس الحمدلله بالسنه ممكن اعيده 3 مرات بس
بس ما اقدر اصلي صلاتين ب وضوء واحد
احيانا اقول اعوذ بالله وسوسة مابي اوسوس
اصلي بس نادرا اصلي صلااتين بوضوء واحد

و سجود السهو حتى لو صلاتي كامله ومتاكده انها كامله
اقول لا بسجد سجود السهو بنيه الشك
و يوة اجلس احيانا اطول بالصلاه افكر كم ركعه
اخترعت لي طريقة :42:
افرش سجادتي و ابد من اليمين
الركعه الاولى بعدين اوخر شوي الركعه الثانية اكون بوسط السجاده اتذكر ان الحين بقوم للركعه الثالثه فيه تشهد الاول بعدين اقوم و اوخر شوي و اخلص الرابعه كيذا بس الحين تركتها احاول اني اركز بصلاتي بس طبعا النتيجه احيانا اخربط واسجد سجود سهو :( بس لما قريت انو مب ملزوم علي اسجد سجود سهو خلاص توني الحمدلله مخلصه من الفجر لازم اصلي السنه لان الرسول قال لاتتركونها فصليت بعدين صليت الواجبه
و انشغل بالي شوي بموضوع لكن سلمت و يالله فرحت حيل لما ما سجدت سجود سهو جاء شيطان يوسوس يقول طيب فكري تذكري كم ركعه قلت لا طموح قالت لا تفكرين و اشيل سجادتي و اقوم
وانا على لاب توب قالي طيب احتمال ان ما فيك وسواس راح تاخذين اثم قلت الحمدلله عارفه اني مصابة بوسواس الله غفور رحيم و اصكر على موضوعه و ارد عليك :32:
اي فيه سؤال اخير بسالك اياه بس مستحيه <~
فترة مرت والى الان لما اجي اصلي احس كان غازات تخرج مني :42:
بس مب مكانها من الخلف يعني احسها من الامام تخرج مدري وشلون
و احيانا اروح اتوضى مدري احس انها ريح طلعت بدون ما ادري
و لما اوقف تطلع
يعني هي ما تصير هالحركة الا اذا قمت من الجلوس او سجدت احس بهالاحساس
مدري وسوسة ولا صدق :(


بالاخير
سوري عارفه كلام مخربط
بس لما جيت اعدل حاجه قالت لا تنزلينها قلت هاه شيطان ما تبي افيد و استفيد الا بنزله مب لازم اعدل شي
هههههههههههههههههههه معركه انا و شيطان الله ياخذه لنار جهنم :o

و على فكرة محد من اهلي يدري :42: ..

اللهم اشفي كل مصابة بوسواس
اللهم اشفي كل مصابة بوسواس
و اجزي طموح وكل من زاد بمعلومة او قراء و المسلمين و المسلمات الجنه والفردوس الاعلى من الجنه
واعلمو ان هذا بلاء و يوم القيامه يتمنون اللي ما ابلتو ان جلدوهم قرضت بالمقراض من كثر اجر اللي ياخذونه المبتلون
الحمدلله يارب الحمدلله على كل حال

اللهم اشفي جميع مرضى الوسواس
فهم في عذاب لايعلمه الا الله