شاركي في النقاش

سجلي الدخول لإضافة تعليق.

التعليقات

70
  1. @rtb_lsank_balthkr

    حبيبتي مابضيف شي ع اضافات البنات بس تبغي نكهة الايدام الشعبي البهارات بس فلفل اسود نص ملعقه وملعقه كمون وملح

    بس ... ومع البصل شوي فلفل رومي وثوم طبعا ...

    لما اسوي الايدام بدي الطريقه زوجي يمدحه و يعجبه ولما اضيف اي نوع من البهارات كاري او مهران او بزار مشكل او هيل او

    قرنفل او قرفه مايمدحه يقول الايدام متغير ...

    جربي وشوفي ... وادعي لي ..
  2. @anmar444

    ياقلبي عليك ورررررربي نفس المشكله ....ولي فتررره ادور ع طريقه تبردبالخاطر ....تصدقين راحت اختي لناس من اقاربنا كنا واحنا صغار نموووت ع الايدام والمسقعه اللي يصلحونهاوكبرنا قلنا امكن ايام الطفوله الطعم يختلف ههههخخخ ...ويوم راحت اختي وش اقولك من يوم يحضرون الايدام والمسقعه ريحتها توصل لمجلس الحرررريم والريحه والطعم نفس الشي مايتغير ابدااااااااااااااااا<<<قصة حياتي ههههه
    بس لاتلوميني انا الى اللحين اتمنى اوووصل لهذي النكهه بس الى الان لازال البحث جاااري ويوم قريت موضوعك رحمتك لان مابتحصلين الطريقه اللي تبغينها لان اتوووقع السر في البهاراااااات
  3. @rtyl_5

    رطب لسانك بالذكر
    حبيبتي مابضيف شي ع اضافات البنات بس تبغي نكهة الايدام الشعبي البهارات بس فلفل اسود نص ملعقه وملعقه كمون وملح بس ... ومع البصل شوي فلفل رومي وثوم طبعا ... لما اسوي الايدام بدي الطريقه زوجي يمدحه و يعجبه ولما اضيف اي نوع من البهارات كا…
    نفس راي الاخت الله يجزاها خير قالت اللي بكتبه لك

    وفيه بعض الناس يحطون ملعقه صغيرة نشا حتى تطلع مرقة الايدام ثقيله
    ماجربت الطريقه فقط سمعت فيها
  4. @ohdh_mgnonh

    حبيبتي اهم شي بالايدام البصل والطماطم يتسبكو مضبوط والكزبره والثوم والفلفل الحار
    وهذي طريقتي
    اول شي افرمي حبتين بصل وثوم واحمسيه بزيت وحاولي تكثرين الزيت بس مو مرره بعد ما يتحمر مضبوط اضيفي الطماطم المفروم واذا احتاج حطي معجوون وخلية يتسبك زين على مهله لين يطلع الزيت على وجه الطماطم بعدها اضيفي اللحم والبهار المطحون والملح وورق غار واعواد القرفه وشوي هيل مطحون و قلبي اللحم لين ينحمس زين مع الكشنه الحمراء قبل ما تضيفين الماء
    بعدها حطي الماء المغلي بس مو تكثرين وخليه على النار لين يستوي اللحم بعدين حطي الخضار الي تبين وخليه لين يستوي نص استواء بعدها تكونين مجهزه نص باقة كزبره براحتك تحبينها مفروومه او تخلينها مثل ما هي بس تربطينها بواحد من العرووق وخمس فصوص ثوم نقطعينها انصاص عشان يسهل عليك تشيلينها بعد السواء واربع قرون فلفل اخضر حار وتحطينها على وجه الايدام وتقفلين القدر عشان يتشرب النكهه زين
    او انك تسوين الطشه الي هي ( فصوص ثوم مفروومه تتحمر بزيت بعدها تضيفين الكزبره المفرومه عليه شوي بس يتشوح وعلى طول وهي حاره تنحط على وجه الايدام مع قرون الفلفل )
    وصحة وهناء على قلبك
    بالنهايه اتمنى تعجبك طريقتي ولا تنسينا من الدعوات الحلوه

تابعي تجارب أخرى من هذا القسم.