ولادتي باحلى دانة >> مع سر خطير لتيسهيل الولادة


مساء / صباح
النــــــــــــور والســــرور لأحلى حوائيات

هذا ياطويلات العمر بكتب لكم قصة ولادتي ببنتي ((دانة)) الله يحفظها ويخليها ..

طبعاً انا بكرية ولا ادري وين الله حاطني .. بس من الشهور الاولى ودكتورتي كانت نقولي ماراح تكملي التاسع وراح تولدي بدري
وله السبب سحبت سنة كاملة من الجامعة ..

المهم ..

دخلت الشهر الثامن ومن بدايته وانا احس الالام مثل الالام الدورة تماماً ..

أخر اسبوع لي بالثامن طلعت اتمشى انا زوجي ولما رجعت البيت بغيت امووووت من الالام مغوص الله لايوريكم لا أقدر اوقف ولا اجلس ولا انسدح <<< حلوها عاد

ورحت للدكتورة قالت عندك الرحم فاتح 1 سانتي لازم راااااااحة تامه على الأقل لما تاخذي من التاسع اسبوعين << وانا شكل بنيتي مستعجله على هالدنيا

واعطتني حبوب وقالت خذي نص حبة يومياً لمدة اسبوع وبعدها
وقفي ..

واستمريت على الحبوب .. وصار لي كم يوم ما احس بحركة للبنيتي << شكلها ضاقت تبي تجي للدنيا وحنا أدبناها خخخ

المهم أخر يوم لي بالثامن رحت للدكتورة العصر تكشف لأني ما أحس بحركة البيبي ..
هي انفجعت وفيسها تغير لما قلت ما احس بالحركة ,,
وكشفت علي من تحت قالت فاتح واحد ونص وقبل ماتكشف شافت في دم قالت شوفي في دم عشان ماتقولي من الكشف قبل ما أكشف

سوت سونار وسمعت نبضات القلب وقلت أقل شي تتحرك 10 حركات باليوم << قلت والله ولا نص حركة البنت زعلاااانة

واعطتني تحويل للمستشفى وقالت لازم تروحي تسوي تخطيط نبض للبيبي واذا نوموك نامي .
رحت البيت واخذت امي وسبحان الله وربي يابنات امي قالت ناخذ شنطة البيبي معانا وقلت يمه ماهو بالازم مو ولادة
قالت نخليها بالسيارة مو خسرانين
وانا بهالوقت مثل الحصان مافيني الا العافية
ورحنا وانا بالسيارة رجع علي الألم صارت تجيني مغوص اشكال الوان
ودخلت المستشفى وهاتك انتظار وانا بموت من المغص وبعدين فرجها ربي ودخلت على الدكتورة وركبت التخطيط قالت في طلق خفيف
على طولت نطيت بوجهها متى الولادة ..

قالت اوو مدااام لسى بدري انتي بكرية ممكن يوم اتنيين تلاته
<<دكتورة هندية

بعدين قالت تنويم عشان نشوف نبض بيبي وحركة لازم تحت الملاحظة
قلت ابي اروح قالت نو
تنوييييم
وانا هنا احس بألالام مايعلم فيها الا ربي العالميين
بس ما قلت لهم خايفه

والدكتورة اللي كنت ابيها تولدني سبحان الله كانت هي اللي مناوبه في قسم التنويم << سبحان الله كلها تسهلت ولله الحمد
بعدين طلعت فوق في الغرفة والالام كل مالها تزيد لحد خلاص ما عاد اقدر اتحمل هذا يمكن على الساعة 10 الليل وبديت في الصياح وقلبت القسم وجات دكتورة مصرية الله يسامحها بس جات تقيس علي من تحت وبغيت اموت منها << وربي اقوى من الولادة
وبعدين طردتها << خلاص حششت

وصارت تجي الدكتورة المناوبة اللي من زماان ابيها وكنت ادعي اني اولد عندها
وجاتني وكشفت علي على الساعة 11ونص وقالت 2ونص الرحم مفتوح وانا اصرخ وابكي اقولها متى اولد صارت تضحك وتقول ياماما بدري بدري يمكن بكرة الظهر

<< بغيت انجن

وكل شوي الألم يزززززززيد وامي الله يحفظها راحت تدور تمر وبنات الحلال واجد ج
كل صار يعطيها واكل التمر منا واستفرغ منا الله يكرمكم

وعلى هالحال لين الساعة 3 الفجر وبعدين صرت ابكي واحس بموووية حااااارة تنزل بكثرة وصرت اصرخ ورميت حق التخطيط حقهم
وجات الدكتورة الله يسعدها تقول مغقولة المووية نزلت بدري
ولما جات تكشف لقيت الرحم ماتصدقون

مفتوح 6 سانتي وهي تصرخ تقول خذوها على تحت ولادة ولادة قالوا الأوراق قالت نزولها وانا اسوي الأوراق شوي

والله يجون يحطوني بالعربية وجري على تحت وانا خلاص انتهيت
ودخلت وطلعوا لبسي واعطوني لبس الولادة وجري وانسدحت
وجات الدكتورة وانا اصيح واقولهم ابي قيصري خلااااص ما اقدر اتحمل مطنشين بعدين اعطوني كمامة رحت بعالم ثاني الناس عند رجولي وانا اكلمهم ورافعة راسي فوق اشوفهم فوق خخ
وانا اصيح اقول متى اولد قالت خلاص عشرة دقايق وتكوني خالصة صرت اضحك وابكي سوى وشوي دفي دفي وسبحان من يخرج الروح والا بنتي طالعة ولله الحمد

كانت ولادتي بشهادت دكتورتي انها اسهل ولادة ..

وربي رزقني ببنتي الله يصلحها وهي الحين عمرها 7 شهور

والسر يابنات بعد الله اني من بداية الثامن وانا اقرأ ادعية تسهيل الولادة اخذتها من النت الدعاء طوويل شوي كنت اقرأه بموية زمزم واشربها والله يابنات مفعولها زي السحر والحمدالله ولدت بأول يوم بالتاسع ودخلت بنتي الحضانة يومين وبعدين خرجوها والحمد الله

جربوها يابنات بس تاكدوا انها موية زمزم حقيقية مو مغشوشة

والله يسهل ولادة كل حامل ويرزق كل محرومة

لاتنسوا اختكم من دعائكم ..



41 تعليق 5,738 مشاهدة

شاركي في النقاش

سجلي الدخول لإضافة تعليق.

التعليقات

41
  1. @am_sltan_55

    ألف مبروك حبيبتي والحمد لله على سلامتك وسلامة العروسة

    الله يخليها لك يارب

    وجزاك الله خير ان شاء الله بسوي زي ماقلتي والله يسهل علي وعلى كل حامل يارب

تابعي تجارب أخرى من هذا القسم.