شمعني يعني كلكم تصورو عزايمكم وانا لا ؟؟.... تعالو شوفو عزومتي
طبعاً فهمتو من عنوان الموضوع ان السالفة سالفة غيرة حريم وبس :o
والله يابنات دايما كل ما اسوي شي ويطلع لزيز اقول خسارة ليتني صورته للبنات :(
المهم يوم الأربعاء كان عندي ضيوف ع العشاء وقبلها بكم يوم قلت لأختي ياليتني اتذكر واصور البوفيه
وماشاءالله عليها مانسيت الموضوع وجتني وانا في عز الحوسة تسأل عن الكاميرا تبغى تصور
وانا لأني كنت وقتها مربوشة ومحتاسة :30: في المطبخ ومابغى أأخر العشاء على الضيوف
قلت لها خلاص ماله داعي قالت بعدين تجي تقولي ياليتني صورت
المهم اخذت الكاميرا وصورت ماشاءالله عليها صحيح انها في اشياء ماصورتها بس برضو جزاها الله خير ولا مو :rolleyes:
واليوم وبعد ما ارتحت من تعب البارح حملت لكم الصور علشان تشوفوها
وان شاء الله يارب تكون على ذوقكم :)
ويمكن راح تشوفو بعض الصور مظلمة بس لأن البوفيه كان في الحديقة والدنيا منورة من الاضاءات
بس تعرفو الكاميرات دقيقة وتوضح كل شي
يعني الظلمة اللي ح تشوفوها في الصور بس ...
بس على أرض الواقع كان الأمن مستتب والنور يعم المكان ويكسو الوجوه << يمديكم على اللغة والتعبير :D
يلا بسم الله نبدأ
وصفات الأكلات في الصفحات ( 4 _ 5 _ 6 _ 10 _ 11 _ 13 _ 14 )
.
