.السلام عليكم
لفت انتباهي شئ مهم بالمناسبات. بشكل خاص
لما اروح مناسبه واكون كاشخه ومهمتمه بنفسي والكل يسأل وش هالستايل الحلو
احس فيه ناس تضايق وتبتدي تتعامل معي بطريقه مو كويسه او بتهميش
الصراحه هالشي يحز بخاطري واتضايق مرررره لاني مو شايفه اني
أسأت لأحد .. غير كذا لما نقوم مثلا نرقص مع البنات عالستيج فيه بنات الصراحه
رقصهم يفشل ويرقصون بثقه وباقي شوي والستيج يطيح من حركات التهريج اللي
يسوووها وهم معتبرينه رقص اللي يقهرني. اني انا ارقص رقص جدا هادي ونعوم
فلما يكون معي عالستيج ناس ترقص بطريقه عشوائيه تنطيط على سباق ركض يناظروني
نظره مرررره مو حلوووه. ونا ارقص لاني انا ارقص بهدوووء. لدرجة ان مره وحده قالتلي
ونا ارقص ايييييييه ياعيني عانعووووومااااا وش ذا بجد ليه فيه ناس. تنظر للأخرين بحقد
بدون سبب ومرات يمكن ماتعرفيهم اصلا وكذا يتسببون ،،حتى على اللبس يختي ناس تلبس
الوان قوس قزح ودناديش وجيبون والحاله حاله خلوها على ربكم بس. ونا اكون لابسه مثلا
فستان ناعم جماله بنعومته ومكياجي هادي مره يقولون لزوجة اهوي وش فيها كنها مو مبسوطه
عسى ماشر ههههههههههههه والله حاله. يا اما اكون دفشه وما اخلي لون الا واحطه بوجهي
ولا اكون بنظركم زعلانه ولا فيني شي ،، يختي مايقهرني الا نظرة التهميش اللي من بعيد
يعني ترى متعكدين نسوي معاك كذا ليه بجد ؟؟؟؟
حتى بالعزايم. ترى تصير. مرات كثير. احصلت معي كنت معزومه مع الاهل بيت احد الاقارب
ووحده كلمتني والتفت عليها وابتسمت ورديت على سؤالها ومشبت فجئه. تجيني وحده من الاهل
تقولي وش فيك قلت لها ولا شي قالت ليه فلانه تقول انك شايفه نفسك وانتي تردين انصدمت
طيب انا طبعي الهدوء واحب اكون راقيه ورزينه بنظرتي وردي وين الغلط بجد انا احترت مع
الناس فعلا صحيح المثل اللي يقول رضى الناس غايه لاتدرك
شاركي في النقاش
سجلي الدخول لإضافة تعليق.
التعليقات
12- الله يهدي الجميع الناس اطباع انتي لا تحطين ببالك شي ابد يمكن انتي تحسين ان الناس ينقهرون او يغارون منك ماعليك طنشي ولا تحطين بباالك الله يهدي الجميع
استغفر الله واتوب اليه - امممم احسها اختلاف نظر
يعني انت تحسينهم يهمشونك وانك ماتعجبينهم علشانك تحبين ستايل معين
وهم نفس الشي يحسونك متكبره لانك على قولتك تنظرين لهم انهم دفشين ولبسهم اي كلام
الحل كل واحد يحترم الثاني ولا يفرض وجهة نظر ع الثانين في شي شخصي
ميخالف قولي ايش تحبي وامدحي فيه من اليوم لبكرا في اللبس والميك اب .. الخ بس لا تذمين في لبس غيرك لانه مخالف لذوقك
<< اقولك هالكلام وانا مؤيده لوجهة نظرك 100% لاني احب الهادي والناعم بس لابد من الاحترام - ليش تهمك نظرتهم ..
الواثق من نفسه يمشي في الارض ملكا.. - سوي اللي يعجبك واللي تحبين
مادام مايغضب ربك
وماعليكي بكلام الناس
وانتي قلتيها رضى الناس غايه لا تدرك
موفقه اختي
كلامك صحيح 100%
أنا معاك ترانيم قلبي باللي تقولينه عنها ....
مواضيع مشابهة
تابعي تجارب أخرى من هذا القسم.
-
ليه الوزارات ما تسوي برامج تعليمية لمجالاتها وتدفع للمختص الي يقدمها؟
6 تعليق -
ليه المجتمع يصفّق للي يعرف “يلعبها صح” ويتجاهل اللي يتعب على أخلاقه
25 تعليق -
شفتو الغدره اللي صارت من زوج الشاعره نجاح ؟💔
3 تعليق -
ليه المراهق بيخاف يصارحك؟ وكيف تكوني أمان لابنك بدل ما يكون غريب عنك؟
0 تعليق -
هل هذة تعتبر غيبة الله يغفرلنا
0 تعليق