بنتي يمكن انا اللي مرضتها ...والاحساس بالذنب قتلني..تكفون وش الحل؟؟/ قديم
متابعة النقاش، صفحة 10
شاركي في النقاش
سجلي الدخول لإضافة تعليق.
التعليقات
268مطر الصباح ريحانة الجنه هلا فيك ومشكوره...وكل اللي قلتيه انا اسويه اسولف معها احيانا واخليها تختار ملابس لي ولها .. والحمد لله تصلي من سنه .. بس اذا جتها حالة ضيقة الصدر خلاااااص تصير لاتطاق من العناد ... اما النوم عندها فهي مو لحالها عندها اختها ب…
لا شكر على واجب حبيبتي ويا ليتي كان في يدي شيء طول امس وانا افكر في بنتك الله يشفيها ويخليها لك يارب بس حبيت اضيف ان مالك من بعد الله الا انك تعرضين مشكلتها على طبيب نفسي عشان ترتاحين وتبداين الخطوات الصح في تغيير بنتك للافضل- ليش حبيبتي أغصبي نفسك وحني عليها يمكن يوم تلاحقك إنها تبغا لفتة حنان منك وحاولي تقرين القران كثير وإذا شفتي حالتها ماتحسنت إخذيها عند شيخ ويقرا عليها قراية فردية يعني مهب عند الناس الله يفرج همك قولي أمين
قلبٌ أدمته الجراح آآآآه وش هاالقسوووة.. تمنيت اني احضنهااااا واخفف عنها .. والله اكتب لك وانا ماعاد اشوف الشاشه من كثر ماابكي على الحال اللي وصلت له بنتك للاسف وش اللي يمنعك ماتحنين عليها.... وش اللي خلاك تحرمينها من ابسط حقوقها وهي حنانك واحساس الام تج…
صح لسانكماروكو تذكري كيف كانت طفلة مولودة بين ايدينج وكيف كانت ضعيفة بريئة فكري بكرة ان شاءالله بعد ما تتزوج كيف بتفارقينها وبتفقدين وجودها حولج في البيت الاولاد ينسون تعب امهم وحبها بعد الزواج بس البنت مستحيل
السلام عليكم ورحمة الله وبركاته
بصراحه ولاتزعلين مني انا مو بعارفه شلون تسالين وتحتارين وانتي عارفه الحل عيوني..؟؟
وبصراحه زين من بنتك انه هذا حالها بس ماتطور لشكل اكبر .. السببب مليونبالميه منك انتي
لاتحاولين تتهربين من هالشئ وواجهي نفسك واعترفي ..
ترى ماتصدقين شلون معامله الام ويا بنتها ياثر عليها بدرجة كبيره سواء البنت متعلقه فيك اولا
(الام مدرسه ....))
مايحتاج اقولك ياعيوني بنتك محتاجه لحنانك انتي .. هالشئ انتي ماتصورتي ابعاده الموضوع اكبر
من مسالة حنان او تسلميبن عليها وينتهي الامر لا..!
الضمه او الحنان اللي تعطينه بنتك بتشوف نفسها عن العالم كله انها كبيره وواثقه من نفسها من حبك لها
حبك لها يغنيها عن الكون كله وهالشئ يعززز ثقتها بنفسها بشكل ماتتصوريه لدرجة انها تسوي شئ غلط وماتخاف شدعوه ( السبب انها بتحط اول انسانه في بالها بتقول والله مادام امي وياي ماعلي من احد )
ترى حبها لك الان لانها مازلت طفله باقي ماطلعت على ابواب التوجيهي او الجامعه تلاقي منو بحنانها يعوضك طبعا حنان زائف عندها صدقني بتندمين وماتقدرين تحتوينها لانها خلاص اختارت عالم غير عالمك غير عالم الطفوله اللي كانت وياك فيه
احتوي بنتك بحنانك وخوفك عليها ,, وريها انها اجمل واغنى واحلى بنت بالكون وريها قدرها عندك عند اهلك عنده ابوها عند خوانها
حاولي تخلين خوانها يحترمونها يعني مثلا تقولين ( ولد عيب هذي اختك _ او _ قوم جيب ودي هالشئ لاختك ) احترم اختك ,, اسكت اختك تذاكر ,, اختك نايمه
اذا جيتي طالعه لاتغصبينها ع الطلعه او تورينها انك تبينها تطلع وياك عشان بس النا س هذا غلط كبير
حسسيها انك محتاجه انها تخرج وياك قوليلها اذا قالت لا (ليش حبيبتي والله ماتصدقين شلون ارتاح وانتي وياي ..احسك مثل صدقيتي ) ( لا عاد والله لاتقومين وياي تبيني اروح لوحدي ؟؟) ( والله حتى تصدقين ماابي اروح انا بعد بس شنسوي خلينا نروح مع بعض نسلي بعض )
صدقيني لو سويتي هالشئ معاها راح تعززين ثقتها بنفسها وهذا اللي لازم يصير اول شئ وثقتها بحبك
لها ثاني شئ
وشوفي بنتك شلون بتتغير بعدين .. لانه عيوني حنانك له اكبر مصدر ثقه وامان وحب ..
تحيتي لك- الله يعين بنتك بصراحه تاثرت مره الله يخليكم لبعض ولايبعدكم
حاولي ولو غصب عنك انك تحظنيها وتبوسيها وتلعبيبشعرها ومافي مانع انك تنامي عندها في السرير لين ماتنام ولما ترجع من المدرسه بيني انها وحشتك ولما تسوي طبخها حلوه قولي علشان عيون حبيبتي بنتي الكبيره
وحاولي تدخل معاكي المطبخ تساعدك بشي لو بسيط وتتكلمي معاها عن كل شي عن زميلاتها ومدرساتها طموحها
حرام والله البنت حساسه وتقطع القلب وشكلها هي تحبك موت بدليل دايم معاكي وماتتكلم غير معك
الله يحسن علقتكم يارب
مواضيع مشابهة
تابعي تجارب أخرى من هذا القسم.