همـــــــــــــــــ اثقلت صدري وزادت من وزني ــــــــــــــوم ( فضفضة ودعوة للتحدي )

متابعة النقاش، صفحة 2

شاركي في النقاش

سجلي الدخول لإضافة تعليق.

التعليقات

22

  1. @am_aleen_1 عضوة جديدة

    #73924666
    اااااااااااااااااااااااااااه جبتيها على الجرح الله يعينا بس
    كنت اقول ابغى انزل كم كيلو
    ومع السنين زاد الوزن وزادت الكيلوات الي لازم تنزل وصارت عشرات الكيلوات

  2. @am_shhdolala عضوة جديدة

    #73925293
    اللي يقهرك لما تسالي عن ريجيم يجيلك حد يقول لك لالالالالا
    ما رح تقدري عليه

  3. @klby_naym عضوة فعالة

    #73925408
    سبحان الله كانك تتكلمين عن حالي آآآه بس قلبتي المواجع

    نفسي أنحف واسكت الكل.... دايم أقول بكرا أبدا ريجيم من يجي بكرا أغير رأي

    أقول بعدين أسوي ريجيم خليني أدلع نفسي وعلى هذي الحال لانحفت ولاشي

    ماغير يزيد وزني شكلي أحد الايام أنط على الميزان ألاقي وزني ميه وعليها وأنتحر مره وحده

    اعوذبالله من الشيطان أن شاء الله أبدا تخفيف واهتم شوي في نفسي لساتي صغيرة

    على وجع الركب والام المفاصل هذا وانا ماتزوجت >>>>> يوووه مين ياخذني وانا دبه

    عارفه اني قلت قصة حياتي بس افضفض تحملوني .

  4. @nhal_alamyrh محررة ماسية

    #73931695
    صادقه وياما عانينا الناس ماصار يهمهم الا المظاهر<< وانتي شدي حيلك واثبتي لهم انك اقوى من كلامهم

  5. @nzf_alahat محررة

    #73934612
    انا مثلك عانيت كثير من هالوزن والمصيبة انا الوحيدة بين اهل زوجي المتينه وسلفاتي كل وحدة اضعف من الثانية

    تخيلي برمضان لا جيت اقعد معهم ع السفره وبحكم ان سفرتنا وجلستنا بالارض

    يحتارون فيني واسمع الهمس يخلون اكبر مكان لي وليتك شوفيني لاقمت ابصلي رجلي الله يكرمك تنمل واخجل اقوم

    لاني بكل بساطة بقعد ساعه لين اوقف ع رجلي ..

    كل مارحت لهم مااسمع غير شفيك متورمه ومنتفخه ... وبطلوا اكل مطاعم ترى ينفخ ..

    وعمتي كانت تفشل تعرف الحريم علي حتى بخطبة ولدها ماخذتني وانا مرت ولدها الكبير..

    كل هذا من الماضـي وربي اني أذنبت بحق نفسي واجرمت فيها وخليت روحي مطنزة ..

    الموقف اللي هزني وعور قلبي وخلاني اخذ موقف من روحي هو ملكة حماي قبل سنتين ...

    فريت السوق وانا ادور شي قياسي تاليها شريت جلابية ...

    مو وحدة مثل جسمي مايبيلها غير جلابيــة تستوعب كمية الشحم والكرش ...

    في الملكة قعدت باخر كرسي منخشه عن العالم دمعتي حابستها وانا اشوف البنات اللي بعمري

    يتمايلن ويرقصن وسلفاتي واقفات مع عمتي وهي بعيونها تدورني بين الضيوف ...

    جلست ع الكرسي ماقمت ولا سلمت ع احد عيني ع الساعه لين قدموا العشاء للضيوف

    حزتها لبست عباتي ورجعت البيت ودموعي ماوقفت كرهت بها اللحظة روحي وحزنت ع زوجي ...

    قاعده اتوعد روحي لاني كنت غبيه همي كله شنو افطر وشنو اتغداء وشنو اتعشى تفكيري يبتدي بالاكل

    وينتهي فيه .. حسيت ان شبابي بيضيع وسط هالشحم بعمري ماراح اللبس واكشخ

    والحمدلله بعد ماكنت 3 ارقام صرت رقمين كلها كم شهر وازف لكم خبر انجازي وصولي لهدفي ..

    حبيبتي لانتظرين للناس ولاتخلينهم عقبة في طريق نجاحك ..

    بالعكس خليهم دافع لك انك تستمرين بعدين نفسك تستاهل انك تتعبين عشانها

    ولغة الضعف اللي تتكلمين فيها لازم تتغير لانك قويه وتقدرين بأمر الله تتحقيين حلمك بالرشاقه ..

    اعترافك لنفسك ولنا اكبر دليل ع قووتك .. اتمنى ان هالسنة ماتنتهي الا وانتي قاطعة شوط كبير

    في طريقك ... بالتووفيق ..

تابعي تجارب أخرى من هذا القسم.