ابداعاتك مع الحشوات سواء حشوات فطاير او سمبوسة او اي معجنات ثانية

للسبرنغ رول او السمبوسة

احمس بصل في شوي زيت وأضيف فوقه علبة مشروم مفرومة وعلبة صغيرة ذرة وجزر مبشور واقلب بعدين أطفئ النار وأضيف صدور دجاج مسلوقة ومفرومة وبقدونس واتبله بشوي ملح وفلفل اسود وأخلط معاااااه جبن كرافت مبشور ومايونيز وجبن كاسات
'.... والكمية حسب الرغبة إحنا نحبها غرقانه جبن
وبسسسسسسسسسسسسسس هذي حشوتنا اللذييييييييذة

وكمان سبرنغ رول السجق ..... اسلقي السجق واقطعيه من النص ولفي كل نص في ورق السبرنغ رول الصغير .....هذي يحبونها الاطفال

بطاطس مسلوقة ومهروسة مع جبن كاسات وكرفت مبشور

لحم مفروم محموس مع بصل بدون زيت مع بهارات قليل وملح ولما تبرد ضيفي بقدونس وبصل اخضر

تحمسي بصل بشوي زيت وضيفيً عليه دجاج مسلوق منتف وشوي بهارات وملح وجزر مبشور ولما تبرد ضيفي عليها كزبرة مفرومة

اخلطي كل انواع الاجبان اللي عندك ""شيدر و موزريلا و كيري وابيض وكاسات "" واخلطي معاه فلفل اخضر حار اللي شوي حجمه كبير مال الكبسة مفروم ناعم وبصل اخضر مفروم

كيري وزيتون اخضر او اسود

حمسي بصل في شوي زيت وضيفيً عليها الخضروات اللي عندك "" كوسا بطاط جزر فاصوليا زهرة "" مفرومين ناعم مع شوي بهارات وملح لين تستوي ضيفي عليها كرفت مبشور وجبن كاسات

احمسي بصل شرايح في شوي زيت وضيفيً عليه فلفل بارد ومشروم شرائح وجزر مبشور وصدور دجاج مسلوقة ومنتفة وشوي فلفل اسود وملح وصويا صوص

بصل محموس بشوي زيت ضيفي فوقه بطاط مسلوق ومهروس وملح وبهارات مهران شوي وشوي ماش مسلوق ونطفي النار ونحط كزبرة مفرومة

واذا تذكرت حشوات راح اكتبهم

ابداعي مع حشوة السمبوسه بالعدس

عدس ابوجبه مسلوق ومصفى من الماء
قرون فلفل حار مقطع صغير
بصل مقطع صغير
ثوم مهروس
كزبرة طازجه مفرومة
بهارات ملح وفلفل اسود
مكعب ماجي
الطريقة:
يحمس البصل بالزيت الين يذبل ثم يوضع عليه الثوم والبهارات ومكعب الماجي ورشة ملح ورشة فلفل اسود ثم الفلفل ثم العدس مع التحريك بخفة عشان ما ينهرس العدس وبنضع بالاخير الكزبرة وعلي طول طفي عالنار عشان تحتفظ الكزبرة بنكهتها المميزة
واحشي بيها سمبوسه المثلثات تنفع لرمضان لانه بعد فترة من مرور الشهر الكريم يتملل الكثير من الحشوة التقليدية

ابداعي مع حشوة الجبنه:
جبنه المثلثات
نضيف لها بطاطس ليز حار اول شي نكسره زين ثم نخلطه بالجبنه
ونحشي به السمبوسه المثلثات

وبس