شاركي في النقاش

سجلي الدخول لإضافة تعليق.

التعليقات

24

  1. @tbol_hamd

    صاحبة الموضوع
    أهلين وسهلين يا حلوات ...
    أبارك لنفسي فتح الموضوع بعد اغلاقه .. ههههههه

    لا وأقوم افتح موضوع جديد بعد وينحذف وينفتح هذا ... ليش عاد يا مشرفات احنا بنلعب توم وجيري مثلا ؟ يمقن اي ويمقن لا ..

    عالعموم يعطيكم العافية مشرفاتنا العزيزات ...


    شكرا لكل من شارك في موضوعي ..

    السالفة ومافيها خففوا الأكل شوي .. مارسو رياضة .. وخلو بالكن طويل .. وصدقوني بتنحفون ..

    أعطيكم عينة من يوم من أيامي :

    الفطور : سندويشة بر محشية ملعقة لبنة وشريحة جبن لايت وشرائح خيار + برتقالة ..

    الغداء : سلطة سيزر مثلا .. أو فتوش لحاله او فتوش وتوست مع جبن لايت ..
    العشاء محذوف ولو جعت آكل برتقال او زبادي مع شيبس أحيانا ...

    راح أكمل دردشتنا بعدين .. واكتب لكم بعض الأسرار مع بعض الوصفات الدايت اللذيذة ...


    دمتم بصحة ورشاقة ...


    ألقاكم بخير

  2. @saly_aldosry

    نجمه الخليج123
    اه يعني اه يا تنهيده الصدر تكفين ابي انحف يختي انا نحفت من قبل علي التخفيف واللحين معد اقدر ابد لييه ابي انحف ارجع علي الاقل للثلاثه وستين
    هههههههههههههههههه تسلم يدك الى الامام كلنا ننحف ههههههههه
    على فكرة من خلال تجولي بالمنتدى لقيت موضوع حلوو و مفيد و يمكن يفيد الاغلب ,,فيه نصائح و تطرحك مشكلتك و يعالجونها موضوع حلوو و روعة
    http://forum.hawaaworld.com/showthread.php?t=3557048

  3. @tbol_hamd

    صاحبة الموضوع
    بعض الأسرار اللي ساعدتني في تخفيض عشرة كيلو في شهر ونص تقريبا رغم انها فترة ما خلت من التخبيصات :


    الأول : خففو النشويات قد ما تقدرون .. مثلا افطر على صمون بر واحشيه باللي ابي بس بمعقول مو أكثّر .. مثلا احشيه بلبنةوجبن ... شريحتين جبن لايت .. هههههه ما تكفيني شريحة .. مثلا ملعقة او ملعقين شكشوكة لايت .. أو نص بيضة مقلية .. او بيضة مسلوقة.. وهيك .. مو مقتنعة بسالفة نقطع النشويات ننحف ... ولمتى بنقطع ؟ ليش ما ناكل النشويات باعتدال عالاقل قد ما نقدر نخليها مرة او مرتين في اليوم فقط ..


    اممم .. الصيام الاثنين والخميس : الصيام واااااااايد ساعدني في كبح جماح الفجعة عالاكل ... واخلي افطاري خفيف ومتنوع ..شوربة خضار خفيفة مع ليمون .. مع صدر دجاج مشوي سبايسي .. مع سلطة .. وصدقوني بتشبعون بسرعة لأن الصايم بس يفطر على كاسة ماي يشبع شوي ... فالصيام ثم الصيام .. صوموا تصحوا .. بلا رديكال ولا زينكال ولا دوا سعلة .. صومو وبتشوفو شهيتكم شلون تخف...

    لما تكونين معزومة على عشا مثلا او مطعم .. صومي ذاك اليوم وافطري على كاسين ماي وبرتقالة او فاكهة .. وروحي المطعم واطلبي لايت .. مشويات .. شوربة وسلطة دجاج مثلا .. وماكو مانع تذوقين من طبق اللي معاج .. ترضين الذائقة ..
    لو كثرتي في المطعم صومي اليوم اللي بعده .. لو ما كثرتي خلي يومج خفيف كالعادة ...


    مارسي الرياضة ولو مشي نص ساعة .. اهم شي حركي جسمج .. دايت بدون رياضة مامنه فايدة .. انصحكم بالاوربتراك والمشي ...الاوربتراك يرتب الجسم واااااااايد رغم ان جسمي مثل ما قلت قبل يبي له كواي بعدين ترتيب هههههههه ...


    ماله داعي تحرمين حالج من الأكل اللذيذ .. ابتكري وصفات أكل دايت وحلوة .. راح أحط لكم بعضها :

    مثلا متبل الكوسة او الباذنجان بالزبادي قليل الدسم وبدون طحينية ..لذيذ وحلو ولايت ...
    الطريقة : تحطين حبتين كوسة مقشرة ومقطعة انصاف او باذنجان حسب اللي تبين في بايركس وتغطينه وتدخلينه الفرن ينشوى تقريبا نص ساعة .. تطلعينه وتهرسينه وتخلطين معاه فص ثوم مبشور وعصير نصف ليمونة وملح وفلفل أسود وعلبة زبادي .. وزيني الوجه بفلفل يابس مجروش .. وبالعافية ...

    اممم مثلا سوي حشوة لحم مفروم دايت من غير دهن .. واقطعي الكوسة بالنصف واحفريها على شكل قوارب واحشيها بالحشوة وخلي عالوجه نص شريحة جبن لايت .. وعالفرن ...

    اممم .. صوص لذيذ للسلطة :

    جهزي الخلاط وحطي فيه علبة زبادي منزوع او قليل الدسم .. كزبرة خضراء .. اوراق نعناع .. فلفل حار حسب اللي تبين حرارته .. فص ثوم .. ملح وفلفل أسود .. واستخدميه كصوص للسلطة .. لذيذ ..

    اممم .. الهمبرغر بدل تقلينه حطيه في بايركس وعالفرن ينشوى .. وحطيه مع اثنين توست بر وشريحة جبن لايت وخس وخيار ... وعليج بالعافية ...


    لحد اهني اوقف ..


    ألقاكم بألف خير .. مع وصفات ودردشات جديدة ...

    مع محبتي ...

تابعي تجارب أخرى من هذا القسم.