اعاده ملف Ronii للاطباق و الافتكاسات ;)) (دايما متجدد) وبالصور لازم تدخلوااااا ;)

Chicken, sausage and potato Bake

1/2 كيلو صدور فراخ مقطعه ترنشات متوسطه
5 سوسيس حلواني مقطع ترنشات
2 بطاطس كبيره مسلوقه مقطعه مربعات
بصله متوسطه مفرومه
كوب كبير جبنه شيدر مبشوره
كوب كبير كريمه لباني
بودره ثوم او ملعقه ثوم مفرومه
ملح ، فلفل ، زعتر ، شطه


نتبل الفراخ بملح و فلفل و شويه شطه صغيره


علي النار نحط زيت و نسيبه يسخن


نحط الفراخ و نشوح لغايه ما لونها يتغير و بعد كده نحط البصل ، بودره الثوم و الزعتر و نقلب



نحط السوسيس و نشوح لمده 10 دقايق




c down....

نحط المقدار في فخار الفرن


نرص فوقيها البطاطس و نرش عليها شويه فلفل اسود بالشكل ده


نحط عليها الكريمه و نرش الجبنه الشيدر عليها و تدخل فرن لغايه ما تستوي حوالي 45 ل ساعه




و تطلع بالشكل ده


و تقدم مع الرز


و بالهنااااا:26:

عملت كفته حلوه اوي ان شاء الله تعجبكوا

كفته حمص

1/2 كيلو لحمه مفرومه
1/2 كوب حمص مفروم
3 بصل متوسط او 2 كبار
معلقه صغيره فلفل اسود
معلقه صغيره كزبره ناشفه
معلقه صغيره سماق
1/2 معلقه صغيره قرفه
1/2 معلقه صغيره بابريكا
ملح حسب الرغبه



ده يا بنات شكل الحمص قبل الفرم"اللي هوا بيتجاب مع اللب و السوداني"


نفرم البصل


نحط عليهم باقي المقادير "اللحمه+الحمص+التوابل"و نفرم كله


بتبقي بالشكل ده


و نشكلها بالشكل ده"ايد ماما علشان انا بصور :D "
كوره - دوسي عليها بآي حاجه طويله - دحرجيها علي ايديك ذي ما بتفدي الكوسه للمحشي تبقي مخرومه من النص من الناحيتين


تبقي بالشكل ده


تحمر و تقدم "حتلاقي فيها ابيض بعد التحمير ده الحمص مش اللحمه"


و بالهنا والشفا

"و كده اكون خلصت الاعاده للصور و ان شاء الله وصفات جديده قرييييييب
بحبكوا اوي":26:

ماشاءالله رررررررررررروعه تسلم ايدك ويعطيك الف عافيه

تسلم الايادي الف شكر